Gam haong danak dak “Veih takai adei tal sang bac”, “Var lisei anit ranam”, meng bilan 8-2019, Bộ đội Biên phòng dom tỉnh di Tây Nguyên daok hu ngak siam bruk “Anek raong đồn biên phòng” kayua Bộ tư lệnh BĐBP ba tabiak. Tui nan, BĐBP dom tỉnh Gia Lai, Kon Tum hu taduan dom adei sit sang kan kandah ba mai raong, daong ka dom adei hu labik mbang, labik daok, hu bac da-a, truac hadah hatai caong hu nao tal sang bac. Dom bruk ngak bak hatai anit ranam nan di dom urang lin quân hàm hijao hu ndom tal dalam kadha vak hadei ini di Lê Quang Hồi, angaok Báo Quân đội nhân dân:

Bilai iek ruak quân dân y pambuak gauk di xã Vĩnh Gia, huyện Tri Tôn, tỉnh An Giang tuk halei jeng lac labik caik hatai jia di bhap bini kan kathaot tuk ruak kik, pandik harao. Bilai lingiu di iek ruak ka urang jakar, urang lin, daok ngak siam bruk iek glang prein yava, paglaong raidiuk ka bhap bini bhum tapen negar di An Giang, ngak brei kajap jang talei jum pataom urang lin haong bol bhap rahra labik tapen negar. Urang vak Phan Ánh hu kadha vak ka Bilai iek ruak dân quân y ini.

Anak bruk jit ruak Covid-19 ngak kan kandah trak tal gah Du lịch, dom doanh nghiệp, ngak mbang gah du lịch jeng caga pachreih tui, hu mbaok tame danak saong ba dom pandap tabiak dui pachreih tui damuai. Yaom tour biar saong pilih ruah dom labik nao tal siam mekre, selamat lac 2 dalam rilo jalan ngak bo gah du lịch daok ngak piah pachreih patagok du lịch. Kadha vak hadei ini di Minh Anh – urang vak di rayo sap ndom VN brei thau dom kham merat di gah du lịch jeng yau dom doanh nghiệp lữ hành piah khik bruk ngak dalam bilan jit ruak saong samar pasiam veik hadei di tuk jit nao tapa..

Tỉnh Tây Ninh hu jalan tapen negar atah 240 km dok jiak negar Campuchia, dui atah labaih 5 huyện song 20 xã tapen negar hu 15 đồn biên phòng, dalam nan hu 2 pambah mbang negar dunya. Anak bruk rah tabiak kan kandah di Covid-19, gah bol lin Biên phòng di tỉnh hu samar batabiak bruk pacang caga siam lagaih dom tavak tavaiy meng gah langiu bo dok khik caga bruk kinh tế biên mậu. Urang vak Hà Khánh – Hà Anh, dok di ban raya HCM hu kadha vak ndom ka bruk ni

Dalam luac tuk vak atah bruk parabha ia, pasang iek ia taba song ia mbak duh ka bruk pala padai song rong kaya ikan di urang nong dok di bhum jiak 2 tỉnh Bạc Liêu song Sóc Trăng tuk halei jeng gaok kan kandah kayua ia mbak njom tame di bilan thu. Min, thun ni, urang nong di pak ni hu sahanang hatai ngak mbang kayua Cống âu thuyền Ninh Quới bahrau hu ngak salah bloh song ba tame pandar ye pacang hu siam 2 bhum mbak, taba. Kadha vak di Tấn Phong- urang vak di rayo sap ndom VN daok di bhum taneran krong CL hu ndom tal bruk nan.

Musa: Musa Phương saong Hanipha likau salam mikva urang pang rayo. Biak bui sambai hu taom gaok veik mikva urang pang rayo dalam danak dak harei ini, harei adit 23.2.2020. Pathau mik va song tong abih gauk! Yau dom bangsa adei sa-ai karei karei, angaok jalan cakrok patagok di drei, urang bangsa Cam hu caik veik rilo inem krung ilamu hu yaom galong, dalam nan njauk ndom tal dalikan, panuac pandao, panuac pandit, damnei, abih di nyu lac Ariya pok meyaom bruk ngak mbang, ngak huak, adat cambat tanarakun, dom ilamu, jalan ndom puac daok dang saong dom caong khin di anek menuac. Danak dak papar sap Cam harei adit ini (23/2) ngan saong kadha “Khik ramik ilamu Cam tapa Ariya”, kol drei duah thau Ilamu meng kan hadah krah ini di bhap bini Cam nýe!

Labaih 15 thun peih ngak, Danak dak Aia hacih saong sa-at môi trường palei pala di Bình Thuận oh lac daong pasiam patagok rai diuk, pren yava saong alam môi trường di rilo bhum palei pala, bo nyu daok rik daong tame bruk cak rok patagokkinh tế, xã hội, abih di nyu lac bhum atah bayah, bhum urang bangsa takik.

Thun 2019, darak pasa sang danaok taneh riya ban raya HCM rah tapa vaktu kan kandah tuk rilo danak dak oh peih ngak hu kayua oh ka salah dom harak adat. Gam tui di nan, taneh riya di pasak ban raya dak harei dak takik, yaom sang dak harei dak glaong. Dalam vaktu nan, bhum tapen ban raya saong dom tỉnh taphia nan hu kuhria mboh lac meda chrieh chrai tagok dalam thun 2020.

Bahrau akaok thun min Ninh Thuận daok dang anak pandiak bhang kayua langik pandiak dui atah dalam tuk vak tapa. Rilo bhum pala drak dok mbuan si kurang ia trak, yaok ribau hécta taneh brei padeih pala drak, bhap bini daok duah jalan duik rai song pandiak bhang. Kadha vak di Khánh Ngân angaok mbao SGGP khan ka bruk ni song dom jalan ngak jip bo pak ni dok peih ngak piah patrun patakik khat lahik kayua pandiak bhang

Anak bruk kaya nong dok gar veik, oh ba tapa Trung Quốc hu kayua jit ruak Corona, dom menuac urang, dom đơn vị di ban raya HCM hu dong prein meng bruk buh jien kadung tabiak blei yaok pluh tấn tamekai , hadei di nan alin brei saoh ka bhap bini ban raya. Vinh Quang, urang vak di rayo sap ndom VN dok di ban raya HCM hu kadha vak brei thau ka bruk hu makna siam mekre ni, daa mik va … tui pang