Pachreih tui bruk “Rahra jum pataom padang ngak palei pala bahrau, đô thị văn minh, diukrai “siam ka dunya, mekre ka agama”, urang Catolic (Công giáo) dalam tỉnh Đắk Lắk kham merat pakacah gauk ngak mbang, cakrok patagok kinh tế, daong padang palei negar siam mekre, kaya meda, ngak brei salih bahrau mbaok meta di rilo bhum palei.

Ninh Phước lac sa labik hu bhap bini Chăm daok rilo di abih dalam tỉnh Ninh Thuận. Dalam dom thun tapa, gam song dom sarak dong ba di karja song bruk pakacah gauk dalam ngak mbang di rahra, rai duik dak harei dak tagok, rik dong padang ngak mbaok meta palei pala bahrau bhum bhap bini Chăm.

Dom harei tapa, karja song mik va urang nong dom huyện Vũng Liêm, Tam Bình, Trà Ôn song Măng Thít di tỉnh Vĩnh Long jar var kuhria ngak dom jalan pacang caga ia mbak njom tame. Karei jang dom thun dahlau, thun ni, ia mbak mai avar jang nan ye bruk pacang caga gaok rilo kan kandah.

Tukvak tapa, kayua ia tasik mbang tame, rilo labik du lịch di phường Hàm Tiến (ban Phan Thiết, Bình Thuận) njauk glut jaleih trak, ngak kan kandah tapak tal dom nhà hàng, khách sạn, resort. Piah langyah bruk ni, dom doanh nghiệp, cơ sở du lịch eng drei ngak ar liman piah pacang, min pacang hu labik ni, ye glut jaleih labik deih. Labaih sa thun tapa, bruk nan oh trun takik bo ar pacang ngak eng dak harei dak rilo jang.

Dom thun jaik di ini, di dom puk palei dalam tỉnh An Giang, rilo bruk salih taneh pala drak oh hu kein laba tapa pala phun mbang baoh ba mai kein laba glaong. Abih di nyu nan lac bruk pala patei cấy mô angaok taneh njom lakhun daok hu urang nong palih ruah. Bruk ngak ini hu daong ka urang nong paglaong yaom ngak tabiak angaok sa mblang taneh pala drak, bo daok rik daong tame bruk rami ramik veik bruk ngak nong. Urang vak Phan Ánh hu kadha vak ndom ka bruk ini.

Tuk vak ini, urang pala cà phê di tỉnh Bình Phước, Đồng Nai, Đắk Nông… daok tame bilan paik baoh. Yaom lac pala njauk, dom sang bein jeng takik bui sambai kayua yaom cà phê trun biar, oh ginup ba-yar jien buh tame, pren mong iek saong mbuan kurang phun jien piah ngak veik mùa vụ thun hadei. Kadha vak hadei di ini Hoàng Bắc angaok harak báo SGGP brei thau ka bruk ca phe yaom lac pala njauk min laik yaom ini:

Urak ini, bruk glut jaleih daok rah tabiak khang, ngak kan kandah tal bruk ngak mbang saong rai diuk bhap bani dom huyện gah angaok kraong Tiền (Tiền Giang) yau Cái Bè, Cai Lậy, bal sit Cai Lậy, brei hu phun jien prong piah pasiam veik, patrun khat lahik kayau bala meng langik tasik.

Iek ruak pacang caga hadei di tuk phơi nhiễm (PEP) lac 1 can thiệp y khoa tui prein pacang virus HIV di jru pacang HIV (ieu katut lac ARV).Nyu daong pacang cakak HIV meng di tuk camereip saong ngak brei ka kol drei oh njom mbak HIV. Kuhria tal bilan 10/2019,dalam taneh ia hu 263.190 mbang urang ruak hu iek ruak meng jru ARV saong abih tih jru hu pandar lac labaih 8,8 triệu asar. Min urak ini hu rilo menuac eng drei blei menyum jru ARV di darak pasar saong oh hu tacei pato, oh hu tui iek tuk pandar jru. Bruk ini oh siam, mbuan jhak ka prein yava. Kadha vak hadei ini brei thau ka bruk pandar jru ARV yau habar lac njauk:

Anak bruk kaya ikan di dom mblang tasik dak harei dak takik nao, rilo urang taong ikan di dom xã pulao tỉnh Kiên Giang ba gauk salih meng taong mek tapa raong pala kaya ikan. Ini hu mong lac sa jalan ngak njauk, daong ka bhap bani angaok pulao cakrok patagok kinh tế tani tanat. Tapa bruk di xã pulao Hòn Nghệ dalam huyện Kiên Lương, tỉnh Kiên Giang brei mboh labik ini hu langik tasik biak siam, lagaih haong bruk raong gam saong bruk pabam pajaih ikan hu siam mekre hu ba mbuan lagaih ka bruk raong ikan lồng bè angaok tasik tagok khang.

Meng kham merat dalam ngak bruk, kham merat yam tapa kan kandah, bahrau ini mbang akaok meti di tỉnh Kon Tum hu 5 baoh sang, dalam nan hu 4 baoh sang urang bangsa takik di xã Đăk Tờ Re, huyện Kon Rẫy halar hatian vak harak likau karja xã mong iek brei tabiak truh angan baoh sang kan kathaot. Ini oh lac bruk ngak biak hu makna di dom baoh sang ini bo daok ba mai prein yava bahrau ka bruk patruh eik patrun kathaot pak ini.