Pathau mikva saong taong abih gauk! Ong Lê Đức Anh, urang dahlau daih ngak akaok negar, klaak sang danaok puk paga nao ngak cách mạng meng tuk daok sit. Tal tuk jeng urang pan akaok glaong abih di Đảng, Karja, yaom lac jar var haong yaok ribau bruk, Đại tướng jeng caik tukvak mai ravang palei Thừa Thiên - Huế di drei. Tapa nan, thaot binguk urang Đại tướng anit ranam menuac sia puk paga tuk halei jeng daok sarak dalam hatai rahra palei ong. Mehit ong palang lahik, thei jeng mboh drut drui. Urang vak Đình Thiệu hu kadha vak ka hatung hatian bhap bini palei ong brei ka Đại tướng Lê Đức Anh, urang dahlau daih ngak akaok negar, da-a mikva saong taong abih gauk tui pang:

Pathau mik va song tong abih gauk . Thun 2019, peih ngak “Bilan Urang ngak” pambuak haong “Bilan ngak ka an toàn vệ sinh lao động” saong ba tabiak bruk “Urang ngak kayua ban raya Hijao - Hacih - Mekre”, rilo labik di TPHCM, urang ngak kham merat khik caga alam môi trường meng bruk rami ramik labik ngak bruk, labik daok, neh rabha hareik pak di labik, takik pandar kadung túi ni-lông...Hadei di ini, lac kadha vak di Hồng Đào angaok báo Người lao động ndom ka bruk ini:

Dom harei bilan 4, langik gah meraong negar pandiak yau pui, min oh pacang hu takai di hadom menuac mai ravnag iek Bei Gon-TPHCM piah hadar tal bruk sajarah praong glaong di bangsa atah di ini 44 thun, meraong negar hu peih paha , taneh ia hu độc lập, thống nhất. Harei 30/4 urak ini lac harei di jum pataom, yasa, lac harei bo yaok triệu baoh hatai rahra Việt Nam saong urang Việt daok di grauk labik angaok dunya pamaong mai palei negar, ba gauk dak padang taneh ia kaya meda, khang kajap yam takai nao haong dom taneh ia praong, khang di dunya. Pahadar bruk sajarah ini, Cao Thoa, urang vak di rayo sap ndom VN daok di TPHCM hu kadha vak “Harei 30.4 sahneng ka lòng dân haong vận nước”.

Meng sa xã kathaot di huyện kathaot 30a, xã Đạ Rsal, huyện Đam Rông, tỉnh Lâm Đồng hu yam tapa kan kandah piah ngak salah blaoh bruk padang ngak palei pala bahrau. Ini lac xã 30a akaok meti di tỉnh Lâm Đồng jeng yau di 64 huyện kathaot dalam negar mek hu chuẩn palei pala bahrau. Đạ Rsal daok lac labik hadah dalam bruk cakrok patagok bruk ngak mbang kinh tế - xã hội di huyện Đam Rông rilo thun ini mai saong daok pamaong tal bruk padang ngak palei pala bahrau tui jalan ngak bahrau. Tuấn Anh-urang vak di rayo sap ndom Việt Nam hu kadha vak brei thau ka bruk nan:

Đông Giang saong La Dạ lac 2 xã bhum glaong di huyện Hàm Thuận Bắc, tỉnh Bình Thuận. Bhap bini daok di 2 xã ini rilo meng lac urang bangsa takik. Dom thun kháng chiến pacang Prang saong Mỹ, mikva pak ini rambah rambup lô, kak kajap haong ceik glai, nao tui Đảng, raong padauk urang jakar cách mạng. Hadei di harei taneh ia yasa, meng kham merat yam tagok, gam saong bruk daong di karja palei, tal urak ini, raidiuk mikva hu salih bahrau, mbaok meta puk palei dak harei dak hadah hadai. Di tuk pahadar 44 thun harei peih paha gah meraong negar, yasa taneh ia, Jasi – urang vak di rayo sap ndom VN daok di ban raya HCM hu kadha vak ka bruk ini:

Dom harei ini, yau dom bangsa karei dalam taneh ia, urang bangsa Khmer di Sóc Trăng jeng hu rilo bruk ngak piah pahadar 44 thun harei peih paha gah meraong negar, yasa taneh ia. Tukvak tapa, Sóc Trăng peih ngak hu siam dom phun jien daong patagok bhum urang bangsa takik, meng nan raidiuk mikva pak ini hu salih bahrau biak rilo, mbaok meta phum sóc hu hadah hadai tagok. Piah mboh cambaih jang bruk salih bahrau di bhum bhap bini Khmer tỉnh Sóc Trăng,kol drei tui pang kadha vak hadei ini di Nguyễn Phong angaok harak Báo Điện tử Nhân Dân:

Daok di jalan Tỉnh lộ 702 nao tal dom labik du lịch daneiy angan di xã Vĩnh Hải, huyện Ninh Hải yau: tasik Mỹ Hòa, Hang Rái, Vườn Quốc gia Núi Chúa, vịnh Vĩnh Hy, min dom thun jaik di ini, palei nho Thái An hu jeng labik ravang iek di rilo tuai damuai dalam saong langiu negar tuk mai tal Ninh Thuận. Urak ini, dom bein nho tasak mekre daok hu urang nong mong iek tani tanat, kuhria caga taduan raok tuai damuai mai rivang me-in dalam dom harei pataom Nho saong Vang Ninh Thuận 2019. Kadha vak di urang pambuak bruk Thanh Trí brei thau ka palei nho ini:

TPHCM daok hu rilo bruk ngak pataom iek veik 10 thun peih bruk jak ba “Urang Việt Nam dahlau di abih njauk pandar pandap Việt Nam”, taphia di nan ba tabiak rilo jalan peih ngak bruk jak ba ini dalam tukvak anak tal. Njauk caik hatai nan lac dalam dom jalan ngak nan, bal raya biak sangka tal bruk ngak tabiak saong blei pandar dom janih pandap panda kaya nong tui jalan ngak yau habar piah urang nong bal raya gam haong urang nong di dom tỉnh bal karei pabak nyaom pandap ini njauk salih jalan ngak, jalan raong, pala. Meng nan, urang blei pandar eng drei palih ruah pandap panda kaya nong dalam negar bo oh cang ieu, cang jak ba tra.

Yaom lac bruk ngak di gah Gilang tapuk tukvak tapa gaok rilo kan kandah min Gilang tapuk ban sit Thuận An, tỉnh Bình Dương duah hu jalan ngak gheih piah dui pachreih urang puac tapuk. Nan lac meng hu dom menuac ngak gilang tapuk pak ini tuk halei jeng sahneng mboh lac, ba tri thức tal urang puac tapuk lac bruk ngak di drei...Da-a mikva saong taong abih gauk pang kadha vak di Quỳnh Như ndom ka dom rik daong di Gilang tapuk ban sit Thuận An, tỉnh Bình Dương dalam bruk padang ilamu puac tapuk dalam bhap bini: