Pathau mik va song tong abih gauk, Bruk menyim khan bai kak kajap haong rai duik mbang ngui dok dang di mik va Vân Kiều- Pa Cô daok di huyện bhum ceik Đakrông, tỉnh Quảng Trị meng dom saman ini mai. Hu tuk, bruk jaik lahik nao kayua urang nduac tui thời trang cuk ngui khan aow bahrau. Urak ni, bruk menyim khan bac meng kan dok hu pasiam veik . Dom blah khan bac meng kan oh lac hu mbaok di labik công sở atau dom harei rija di pak ni. Kadha vak di urang vak Thanh Hiếu di gah kreik negar.

Pathau mik va song abih gauk! Oh hu adat brei mek jien “Quốc phòng an ninh” min urang jakar ấp di xã Tân Thành, ban sit Cà Mau, tỉnh Cà Mau jeng dok mek jien. Bhap bini oh thau jien urang rik tame nyu nao halei , pandar dalam bruk hagait nan ye hu đơn khin ngak cambaih. Kadha vak di Trần Hiếu – urang vak di rayo sap ndom VN dok di bhum taneran krong Cửu Long

Pathau mikva song tong abih gauk! Tui pasang iek bahrau ni di HĐND tỉnh Bà Rịa – Vũng Tàu, bruk phân lô, pablei nền, padang ngak suan hukum, oh hu adat angaok taneh ngak nong jeng dok rah tabiak rilo saong dak harei dak oh huac hagait. Tapa duah thau, dalam 192 mbang phân lô, tách thửa ye hu tal 130 mbang oh hu adat. Caik rah tabiak yau nan, lac kayua bruk duah mboh song langyah di dom puk palei dok takik sangka. Kadha vak di urang vak Lưu Sơn, dok di ban raya HCM hu khan tal bruk ni. Daa mik va song tong abih gauk tui pang.

Tukvak tapa, dom danak dak sang mac điện ia harei tamuh tabiak rilo di dom tỉnh Ninh Thuận, Bình Thuận…Bruk quá tải jalan điện truyền tải di labik ini hu khan brei thau dahlau bloh. Anak meta mboh lac hệ thống điện daok kurang labik pabak, min sang mac oh nduac hu abih công suất. Bruk nan daok ngak khat lahik ka dom po buh jien tame ngak saong gah blei điện lac Tập đoàn Điện lực Việt Nam. Kadha vak di Đức Dũng – urang vak di TTX Việt Nam brei thau ka bruk ini:

Langiu di bruk ngak hamu ngak apuh, pandar dom mblang taneh bồi tapen kraong, caga hu halau aia pruh luac thun, mikva Chăm palei Cavat thôn Lạc Trị, xã Phú Lạc, huyện Tuy Phong, tỉnh Bình Thuận kham merat pala dom janih phun njam patam, dom janih phun pala karei, patagok jien mek tame ka baoh sang. Rai diuk di mikva pak ini hu siam jang dahlau biak rilo. Hadei ini nan lac kadha vak di Na Uy – Urang pambuak bruk haong rayo sap ndom VN daok di tỉnh Bình Thuận ndom ka bruk salih bahrau di palei Cam ini:

# Phau mik va song tong abih gauk! pato pakai đạo đức – abih di nyu nan lac ka rai ranaih, lac sa bruk biak praong di yaok chế độ xã hội. Tuk daok diuk di dunya, Chủ tịch Hồ Chí Minh hu ndom rilo tal yaom glaong di đạo đức saong tuk halei jeng sangka tal bruk pato pakai nhân cách - đạo đức dalam bruk “pala menuac”. Wa bhian lac “Hu tài bo oh hu đức lac menuac oh pandar hu. Hu đức bo oh hu tài ye ngak bruk hagait jeng kan”, kayua yau nan ye, gam saong bruk pato pakai chuyên môn, kỹ năng ngak bruk lac pato pakai nhân cách, đạo đức piah ngak jeng menuac hu ginup tài saong đức lac kadha oh kurang hu ka bruk patagok di baoh sang saong ka abih xã hội. Kol drei duah thau bruk ini tapa kadha vak di Thu Hiền:

Pathau mik va song tong abih gauk! Di akaok thun ni, Harei patom khan bai việt Nam mbang ka sa hu peih tabiak dii Đăk Nông piah pok meyaom ilamu song piah khik ramik bruk ngak meng kan. Min, anak meta mboh lac bruk menyim khan bai meng khan dak harei dak lihik nao meng hu bruk menyim công nghiệp. Ngan song urang Ê-Đê di Đắk Lắk song buôn Hra B, huyện Cư M’Gar, menyim khan bai lac bruk ngak hu meng lavik rai.. Min, kayua bruk pandar dalam yaok boh sang oh dok rilo, rai ranaih oh daok mbak carak song bruk ngak, ba tal bruk menyim khan bai di urang Ê-đê dak harei dak takik saong mbuan si lahik abih. anak bruk yau nan daok ngak ka dom nghệ nhân mboh biak duh hatai . Kadha vak di H Nuin Niê urang pambuak bruk song rayo sap ndom VN dok di bhum Tây Nguyên hu khan ka bruk ni, daa mik va song tong abih gauk tui pang.

Pathau mik va song tong abih gauk! Drak pasa pablei rai Việt Nam hu tong yaom lac hu pren khang kandauk dalam min pren meriak gauk jeng biak catang. Kayua yau nan ye, hu oh takik tập đoàn negar langiu ngak oh hu yau hatai caong tuk buh jien tame ngak mbang di taneh ia drei. Anak bruk meriak gauk biak catang yau urak ni, dom doanh nghiệp pablei rai dalam negar dok ngak hagait piah dang hu kajap song patagok ? Lệ Hằng, urang vak di rayo sap ndom VN dok di ban raya HCM hu kadha vak ndom ka bruk ni

Piah patrun bruk tín dụng đen daok hu rilo dalam tỉnh, tukvak tapa Agribank Đắk Lắk kham merat peih prong bruk brei mesre piah ngak mbang pala drak, patagok dom pok jien brei mesre cai pandar pabak ka bhap bani, daong ka mikva mesre hu phun jien di gilang pariak biak mbuan laghiah, patrun bruk nao mesraiy pandiak di gah langiu ngan haong jien jhung biak trak. Kadha vak di Nam Trang, urang vak di rayo sap ndom VN daok di bhum Tây Nguyên:

Ninh Thuận lac bhum taneh dane angan ka dom inem krung di dom bangsa: Kinh, Cam saong Raglay,... gam saong rilo adat cambat meng kan ndung bak ilamu, pambuak pagam haong dom labik gheih, mekre, đa dạng sinh học yau Bein negar Phước Bình saong Núi Chúa. Tukvak tapa, bruk du lịch cộng đồng, du lịch sinh thái, du lịch canh nông... daok hu rilo labik ngak saong dak harei dak mboh hu siam lagaih, ba mai rilo kein laba. Min bruk du lịch cộng đồng di dom bhum bhap bini bangsa takik jeng oh ka patagok hu abih prein khang di nyu.