Pathau mik va song tong abih gauk : Meng sa bruk ngak meng kan di palei hu meng abhap 18, ia mesin Phan Thiết jeng đặc sản dane angan, brei mboh uy tín, chất lượng oh lac di darak pasa dalam negar bo drah pasa di negar langiu jeng biak takre. Piah paglong angan je ia mesin Phan Thiết, UBND tỉnh Bình Thuận hu tacei brei padang chuỗi cung ứng ia mesin hacih saat camereip pak ni, bruk nan patagok hu dom kein laba tuk camereip. Kadha vak di Nguyễn Thanh- urang vak di TTX Việt Nam hu ndom tal bruk ni:

Pathua mik va song tong abih gauk! Tukvak tapa, di rilo labik padang ngak di ban raya HCM hu rilo mbang bala trak dalam tuk ngak bruk; caik veik rilo pandik harao ka gauk gar di rilo urang ngak, saong dok lac bruk duh hatai ka bhap bini dok di ban raya. Vinh Quang – urang vak di rayo sap ndom VN dok di ban raya HCm brei thau ka bruk ni.

Pathau mik va song tong abih gauk! Dalam dom mbang taom gaok ginum biai di bhap bini atau tuk dalam palei hu ndam, urang Êđê bhian ngak dom janih pandap mbang meng kan ngan song rilo nguyên liệu hu mek meng ceik glai, krong chraoh. Dalam dom janih ni meda ndom tal ia bai tapung hala yao, nyu dreih yau súp, pahe song sambo hajao biak karei, hu rilo urang takre. Daa mik va song tong abih gauk duah thau ka janih ia bai biak karei ni di urang Êđê daok di Đắk Lắk tapa kadha vak di H’Xíu, urang vak di rayo sap ndom VN daok di bhum Tây Nguyên dalam kadha “Dom bangsa adei saai” harei ni:

Pathau mik va song tong abih gauk! Dom thun jiak di ni, rilo sang di tỉnh Đắk Lắk hu palih drei pabe piah rong, piah patagok kinh tế. Lagaih song langik kan kandah, takik ruak kik, menek samar, yaom pablei siam, dom tapol pabe hu dong ka rilo sang patruh kathaot yam tagok ngak kaya meda. Kadha vak di urang vak Tuấn Long, dok di Tây Nguyên hu ndom ka dom kein laba meng bruk rong pabe. Daa mik va song tong abih gauk pang.

Pathau mik va song tong abih gauk; Bruk pandiak bhang rah tabiak khang dalam tukvak tapa ngak kan kandah oh sit tal bruk ngak nong di huyện Thuận Nam tỉnh Ninh Thuận. Piah pasiam veik bruk ni, huyện oh padeih peih ngak dom jalan salih janih phun pala lagaih song biến đổi khí hậu. Kadha vak hadei di ni di Hồng Lâm angaok harak mbao Ninh Thuận bahrau ni brei thau dom kham merat di huyện Thuận Nam dalam bruk jhul khang salih janih phun pala piah lagaih song biến đổi khí hậu:

Dalam dom thun tapa, meng bruk sang ka di Đảng saong karja, mong mboh rai diuk di bhap bani urang bangsa takik dalam tỉnh daok hu dom salih bahrau biak siam. Daok dalam bruk sangka nan, mikva K’ho di xã bhum glaong La Ngâu, huyện Tánh Linh, hu ngak ka dom mbuan laghaih bo Đảng saong Karja sangka daong, jeng dom kein laba ka rai diuk di drei.

​Urak ini, jaik abih po bein di Bình Phước hu paik bloh asal amariak kalu mbang camereip ngan haong năng suất glaong jang vụ dahlau. Yau nan min, mikva urang nong daok dang anak bruk yau Yuan lac “được mùa mất giá” gam haong bruk kurang urang ngak saong rilo bein amariak kalu njauk halak halin... Kadha vak di Hoàng Bắc angaok báo Sài Gòn Giải Phóng brei thau ka bruk ini, daa mikva saong taong abih gauk tui pang:

Pathau mik va song tong abih gauk Dom tỉnh, ban di bhum taneran krong CL dok yam tame bilan yuak padai đông xuân. Min, meng hadei Tết, yaom padai trun khang ngak ka urang nong dut hatai. Thanh Tùng – Sa Oanh, urang vak di rayo sap ndom VN daok di bhum taneran krong CL hu kadha vak brei thau:

# Pathau mik va song tong abih gauk! “Hu dom baoh bingu mekre ming oh hadah tanyah, bo pahe di nyu miat miat oh abih. Hu dom urang dalam raidiuk biak bình dị min hadah hadai , ba mai ka khol drei sa rai duik biak gheih, mekre”, nan lac dom panuac daoh bo nhạc sĩ Phạm Tuyên vak ka Hoàng Thị Hồng Chiêm – urang kamei liệt sĩ anh dũng ndik trun di Đồn biên phòng Pò Hèn, huyện Móng Cái, tỉnh Quảng Ninh dalam bruk mesruh metak khik caga taneh ia harei 17/2/1979. Kadha vak di Trường Giang, urang vak di rayo sap ndom VN dok di bhum Đông Bắc:

Meng dom jalan ngak, dom sarak biak njauk di Đảng, Karja gam saong bruk kham merat yam tagok di mikva, dom thun tapa, mbaok meta di palei9, xã Mê Pu, huyện Đức Linh, tỉnh Bình Thuận jeng yau radiuk mbang ngui, daok dang di mikva K’ho di labik ini dak harei dak hadah hadai tagok mboh di anak meta.