Tỉnh Bình Dương hu yaok ribau urang ngak, chuyên gia negar langiu, dalam nan hu urang Trung Quốc. Hadei di tuk padeih Tết Nguyên đán, urang mai ngak bruk veik, meng nan mbuan si njom ruak viêm phổi kayua virus Corona bahrau (nCoV) di pak ni lac biak glong. Bahrau ni, Bình Dương hu peih ngak rilo jalan piah pasang iek urang ngak, chuyên gia Trung Quốc piah khik caga siam mekre pren yava di bhap bini song urang ngak. Thiên Lý- urang vak di rayo sap ndom VN dok di ban raya HCM hu kadha vak ndom ka bruk ni:

Pandiak bhang song njom mbak dok ngak kan kandah trak tal bruk ngak nong di tỉnh Sóc Trăng. Di huyện Long Phú, labik hu yaok ribau ha padai bilan Đông Xuân te (padai vụ 3) hu mikva trun pajaih dok kurang ia biak khang, mbuan si lahik abih. Kadha vak di Thạch Hồng, urang vak di rayo sap ndom VN dok di bhum taneran krong CL brei thau ka bruk nan, da-a ….. tui pang:

Lac bhum palei hu rilo bhap bini bangsa Khmer daok, bruk patagok ngak mbang biak kan kandah, baoh sang kathoat daok rilo duk saong dom tỉnh karei. Yau nan min, meng bruk kham merat ralo di dom pakat, dom gah…bruk trun kathaot di Trà Vinh mek hu siam mekre, ngan saong tanut patrun kathaot thun 2019 hu 2,62%, dalam nan baoh sang kathaot bangsa Khmer trun jaik 5%..

90 thun tapa, Đảng pan akaok saong ba cách mạng Việt Nam nao meng jayah ini tal jayah karei. Meng dom jayah ndung bak sajarah nan, Đảng pataom hu rilo kadha biak hu yaom glaong angaok jalan pan akaok cách mạng Việt Nam. Dalam nan, njauk ndom tal di abih lac kadha ka bruk khang hatai tui jalan độc lập bangsa saong chủ nghĩa xã hội; kadha mek rahra ngak gha, kadha patagok prein khang di bruk jum pataom bangsa. Abih di nyu lac dalam tukvak urak ini, kadha ka bruk dak padang, ramik pasiam Đảng hu makna biak praong. Pahadar 90 thun padang Đảng, Lại Hoa, urang vak di rayo sap ndom VN hu kadha vak, brei mboh veik “Dom kadha bac megru hu angaok jalan Đảng pan akaok cách mạng Việt Nam”. Da-a mikva saong taong abih gauk tui pang:

Phan Thanh nan lac sa dalam 3 xã hu rilo bhap bani Cam di huyện Bắc Bình, tỉnh Bình Thuận. Rai diuk di mikva ndam gam haong bruk ngak nong. Kayua yau nan ye, bruk cakrok patagok bruk ngak mbang pala drak, paglaong jien mek tame ka bhap bani tuk halei jeng hu Đảng bộ xã mong iek lac bruk prong. Meng nan rai diuk di bhap bhap bani Cam labik ini oh padeih salih bahrau. Di tuk pahadar 90 thun harei padang Đảng Cộng sản Việt Nam, Đoàn Sĩ – Urang vak di rayo sap ndom VN daok di bal raya HCM hu kadha vak ndom ka bruk pan akaok di Đảng bộ xã dalam bruk cak rok patagok rai diuk bhum urang Cam:

Sa bilan xuân siam mekre mai tal bloh. Thun ini, Đảng bộ, karja saong bhap bini Bình Thuận yam tame thun bahrau – thun sak takuh 2020 dalam chreih chrai, kayua tỉnh di drei bahrau rah tapa sa thun mek hu rilo jak jeng di rilo bruk, rilo gah. Kadha vak hadei ini brei mboh veik jak jeng dalam thun bloh di Bình Thuận, jeng yau dom bruk bo tỉnh daok pamaong ngak dalam thun bharau 2020:

Jiak 70 thun kak kajap haong bhum taneh tapen negar xã Khánh Bình, huyện An Phú, tỉnh An Giang, ong A Ly – Hakiem sang megik Mukarromah hu mikva Cam iek prong iek glong., bac megru tui. Ong nan lac sa dalam 14 hakim song dom urang hu angan je dalam bhap bini dom bangsa, agama tuk halei jeng pambuak song urang jakar,, urang lin Đồn Biên phòng cửa khẩu Long Bình, BĐBP An Giang dalam bruk dak padang song khik caga chủ quyền, an ninh bhum tapen negar. Dalam dom harei raok thun bahrau anek sak takuh 2020, daa mikva song tong abih gauk nao rivang ong Hakiem ni tapa kadha vak di Chiến Khu angaok mbao Điện tử Biên Phòng.

Yaok thun, rilo dam dara urang ranaih umo dalam taneh ia mai tal dom labik Bãi Thịt, Bãi Hõm, Bãi Ngang dalam Bein Núi Chúa, xã Vĩnh Hải, huyện Ninh Hải (t.Ninh Thuận) piah halan hatian khik caga siam mekre salamat ka janih kara kanduh tasik tuk nyu tagok mebaoh. Gam saong nan, dom dam dara daok hu pato ka uraniah daok di bhum tasik bac sap Anh, tin học, peih bruk pataom mek hareik piah ngak hacih mblang tasik… Da-a mikva saong taong abih gauk pang kadha vak di Nguyễn Trung angaok báo Nhân Dân, vak ka bruk kham merat di dom urang halan hatian piah rik daong khik caga kara kanduh tasik yam tapa bruk mbuan si lahik abih, piah ka Bein pakat negar Núi Chúa miat miat lac labik kara kanduh mai duah veik labik hadei di yaok pluh thun daok ala tasik praong.

Hu mboh lac, dalam bruk padang mbang ngui di dam dara bangsa takik, abih di nyu lac dalam tuk jien ndo, prein yava piah ngak dom sarak bangsa daok hu takik, oh pagam pambak hu abih tame dom danak dak, dự án, sarak daong di Karja, bo njauk pataom rilo jang tame bruk patagok prein khang di drei. Tukvak tapa, gah raong glang taneh ia drei gam gam dang anak dom jit ruak njom mbak di tapon athur raong, menuk ada, ngak khat lahik praong ka doanh nghiệp saong dom baoh sang raong.“Kan kandah mblo jak gheih”, sa-ai Liêng Hot Ha Set (bangsa Kơ Ho Chil), daok di tỉnh Lâm Đồng hu sahneng duah, saong khang hatai padang mbang ngui meng bruk raong pabui glai lai saong pabui jhuk, tuk camereip ba mai rilo kein laba.Di harei akaok thun bahrau ini, da-a mikva saong taong abih gauk ngak krein, ngak randap haong urang likei thau sahneng, thau ngak ini tapa kadha vak di Nguyễn Thanh Hồng, angaok Tạp chí Xây dựng Đảng.

Ba drei main tết di grauk labik, Bhap bini urang Laow di ban. Châu Đốc, tỉnh An Giang đdok thar var song dom bruk un raok rthun bahrau. Ngan song tuk vak dok suai lavik Tết Nguyên đán di urang Laow gam hu dom janih karei di gauk , gam siam mekre ndung bak ilamu urang Việt. Kadha vak di Thanh Tiến vak angaok mbao Báo An Giang hu dong ka khol drei duah thau ka Tết Nguyên đán di mik va urang Laow pak ni