Sa dalam dom ilamu karei abih meng kan mai di urang Cam lac adat tui darah gah amaik. Tui adat nan, dalam raidiuk bruk lakhah paga tok diuk tok pasang, baoh sang urang kumei likhah likei ka anek saong anek likei mai daok sang diuk. Piah lakhah hu pasang likei, sang gah kumei brei patal biak rilo pandap tui caong khin di gah likei. Daok urang Cam tui agama Islam di Nam Bộ ye karei veik, gah likei brei hu jien piah pabak caong khin di gah kumei. Harei ini, adat nan daok ngak tui ha-oh?Kadha vak: “ Urang Cam klak meneing adat cambat klak dalam lakhah caga” di Aí Nghiêm, urang vak di Rayo sap ndem Viet Nam daok di TPHCM:

Anak bruk jit COVID-19 daok rah tabiak khang, srau kadau di dom tỉnh, ban, Mintri Pato Megru brei peih mbang pakacah tamat THPT thun 2020 jeng 2 mbang. Dom tỉnh, ban peih bruk pa-atah di gauk tui Sarak ka 16/ di Thủ tướng Rajaei brei kadun harei peih pakacah di tuk lagaih, tuk jit ruak hu pacang. Dom tỉnh ban daok veik peih pakacah tui bruk ba tabiak, nan lac meng harei 8 tal harei 10/8/2020. Dom jalan ngak piah khik hu salamat bruk pacang caga jit, thau cambaih dom saih pakacah daok hu dom tỉnh, ban sami samar peih ngak. Kadha vak di Đặng Chung angaok mbáo điện tử Lao động hu ndom tal bruk ini:

Châu Âu lac drak pasa pablei tabiak negar langiu prong ka 3 di ban raya HCM. Thun 2019, pok jien pablei tabiak negar langiu di ban tapa drak pasa ni lac labaih 5 tỷ USD, taeng 6 bilan tapa lac 2,3 tỷ USD. Meng harei 1/8/2020, Hiệp định Thương mại tự do di Việt Nam - Liên minh Châu Âu (EVFTA) hu ba tabiak pandar. Ban raya HCM jeng dok kuhria caga piah pandar siam jalan ngak ni. Lệ Hằng urang vak di rayo sap ndom VN dok di ban raya .HCM hu kadha vak ndom ka bruk ni.

Yaom lac hu patagok bruk pathau khan,peih rilo mbang pataom mek hareik nerak, min, rilo bhum tapen tasik di tỉnh Bình Thuận dok njauk nerak tachauk trak damak kayua bruk bhian randap klaak hareik tabiak gah lingiu di bhap bini. Oh lac jhak tal rai duik di bhap bini tapen tasik, nerak alam môi trường kayua hareik klaak tabiak dok ngak jhak tal rilo gah dalam rai duik. Kadha vak di Đình Hòa angaok harak mbao điện tử Bình Thuận brei thau ka bruk ni:

Jaik dua bilan tapa, Việt Nam hu labaih 4.000 urang tame, tabiak negar suan hukum njauk cap mek, dalam nan rilo meng lac urang negar Trung Quốc. Nan lac bruk oh siam, mbuan ba tal njom mbak jit Covid-19 dalam rahra. Rilo urang kayua mboh kein laba di drei, hu parabha jien padai bo cap tangin tame bruk ba manuac tame negar suan hukum di Việt Nam.. Oh tuk halei jang tuk ini, kol peih bruk ba menuac tame, tabiak suan hukum njauk hu pacang cakak saong langyah catang anak hukum.

Gam haong bruk ba pandar dom yaom glaong ilamo di puk palei, kein lagaih di tasik, urak ini gah du lịch tỉnh Ninh Thuận daok jhul khang bruk rivang zirah gah ngak nong, rivang zirah bhap bani,… piah pabak hatai caong khin di tuai damuai. Dom bruk nao rivang ma-in ini daok ba mai rilo siam gheih ka dom kapul nyaom nao rivang ma-in, urang nao rivang ma-in tuk mai tal Ninh Thuận.

90 thun tapa, bruk pathau khan pato pakai tuk halei jeng nao gam haong abih urang Đảng, abih rahra saong abih urang lin peih bruk salih bahrau saong mek hu rilo jak jeng. Bruk rik daong di gah pathau khan pato pakai hu brei mboh di rilo gah yau ye: ngak brei yasa ka jalan saneng saong bruk ngak dalam urang Đảng, bruk pachreih tui di rahra piah ngak hu jayah jalan salih bahrau taneh ia saong ba drei tame dunya; pakhang hatai jia ka Đảng, ka taneh ia saong anek manuac Việt Nam; paglaong angan ye saong labik dang di taneh ia. Meng nan, rik tame bruk dak padang Đảng saong hệ thống chính trị hacih sa-at, khang kajap, pabak bruk dalam tuvak bahrau.

Bahrau pasiam veik hadei di jit Covid-19 oh hu hadom, gah du lịch negar drei urak ni dok dang anak kan kandah mbang ka 2 tuk rilo urang njom Covid-19 dalam bhap bini di ban Đà Nẵng. Tui nan, rilo urang klaak bruk main du lịch tal Đà Nẵng song sahneng kuhria veik bruk du lịch di dom labik karei.

Peih ngak danak dak cak rok patagok ban thông minh khang kajap Việt Nam di rajaei vaktu 2018 - 2025, tỉnh Bà Rịa – Vũng Tàu bahrau tabiak sarak brei tapa "danak dak cak rok patagok ban thông minh vaktu 2020 - 2022, kuhria tal thun 2025, pamaong tal thun 2030". Jalan ngak di danak dak lac kham marat tal thun 2025, ngak salah bruk thông minh hóa dom ứng dụng dalam khik ramik tacei ba saong dom ứng dụng thông minh daong ka doanh nghiệp, bhap bini saong tuai damuai.

Tỉnh Bình Thuận daok kham marat pathau khan, pato tacei rahra jhul khang bruk raong pabui veik, raong tui jalan salamat, sinh học.Min, bruk tagok tapon, raong viek dalam dom baoh sang raong glang sit sot daok gaok rilo kan kandah kayua kurang pabui pajaih saong yaom pabui pajaih glaong jang 3 mbang dut saong dahlau di tuk ka oh hu jit ruak.