Anak bruk srau kadau di jit ruak Covid-19, dom tỉnh bal yau bal raya HCM atau Bình Dương brei padeih atau kareik pabah mbang dom labik pablei salih pandap mbang menyum yaok harei yau siêu thị, labik pablei mbuan laghaih, darak đầu mối, darak pablei lẻ... Piah oh ngak klaoh bruk pabak pandap panda, jabat khik iek karja, dom doanh nghiệp hu ba tabiak rilo jalan ngak, pabak ginup pandap ka darak pasar. Kadha vak di urang vak Bá Toàn brei thau ka bruk caga peih ngak dom jalan ngak ini di dua tỉnh, ban angaok nan:

Mikva urang pang rayo anit ranam! Jit ruak Covid-19 tamuh tabiak khang, ngak brei oh takik urang ngak daok diukrai, ngak bruk di TP.HCM laik tame kan kandah tuk brei padeih bruk atau bruk ngak takik veik, trun jien mek tame. Klah rabha kan kandah haong urang ngak, hu rilo po sang trọ dalam ban raya brei trun jien pah phòng, alin hadaih pandap piah ka urang pah bilik daok hu cadu prein dalam tuk kan kandah. Kadha vak di Tỷ Huỳnh, urang vak di rayo sap ndom VN daok di TPHCM brei thau ka bruk nan, da-a mikva saong taong abih gauk tui pang:

Piah meda gam tame hu mbang pakacah tamat THPT thun 2021, dom sang bac THPT dalam ban sit Cần Thơ daok kham merat pato brei kanal veik piah pakacah, abih di nyu lac dom adei anek saih bac oh naih joi. Lingiu di bruk pato brei kanal veik tui jalan online kayua jit Covid-19, yaok sang bac jeng hu ba tabiak jalan ngak karei di drei, lagaih haong yaok anek saih, daong ka dom adei thau cambaih saong khang hatai yam tapa mbang pakacah praong jaik tal. Urang vak Hồng Phương, lac urang vak di rayo sap ndom Viet Nam daok di bhum taneran kraong Cuu Long hu kadha vak ndom ka bruk ini, da-a mikva saong taong abih gauk tui pang:

Piah jhul khang bruk pablei kaya nong, dalam nan hu dom pandap OCOP dalam tuk jit ruak rah tabiak sraw kadau min daok khik hu yaom kaom, hacih sa-at dalam bruk pablei nan lac bruk kan di jabat khik iek di karja saong urang nong Tay Ninh. Dalam tuk nan, bruk pablei pandap angaok mạng XH, pablei pandap online hu ‘tagok rai”, daong lang talaih hu meneing dom kan kandah nan. Kadha vak di Vũ Nguyệt angaok bao Tây Ninh brei thau ka bruk ngak hu kein lagaih nan di tỉnh ini:

Urang pan akaok di dua tỉnh Bắc Ninh, Bắc Giang brei thau tui kuhria meng harei 10/7, dua tỉnh nan hu mai veik yau tukvak dahlau jit rah tabiak.

Urak ini, daok tame bilan hajan, di An Giang jeng yau rilo tỉnh, ban di bhum taneran kraong Cuu Long, bruk jaleih takai kraong rah tabiak rilo. Karja saong bhap bini daok kham merat peih ngak rilo jalan piah pacang caga bruk glut jaleih piah khik siam mekre, salamat saong tani tanat raidiuk. Kadha vak di Phan Ánh hu khan ka bruk nan, da-a mikva saong grauk ayut tui pang:

Binh Duong hu rilo doanh nghiep, labik ngak kong hu 1 trieu 200 ribau urang ngak. Piah khik salamat ka urang ngak anak jit ruak Covid-19, dom doanh nghiep di Binh Duong brei caga dahlau jit ruak pak di sang xuong. Gah chuc nang di Binh Duong brei patagok glong abih bruk kakei dahlau ka jit ruak saong caga jalan cakak klaoh bruk njom mbak jit ruak dalam doanh nghiep. Thiên Lý, urang vak di rayo sap ndom VN daok di ban raya HCM hu kadha vak brei thau ka bruk ini:

Piah duh ka bruk klauk vaccine Covid-19 praong abih meng dahlau mai ini, ngan saong 836.000 mbang dalam 7 harei, gah y tế Ban raya HCM ieu pataom labaih 5.000 urang ngak gah y tế meng yaok rituh đơn vị y tế di karja, gah langiu karja saong di bol lin, công an dalam ban raya. Dom urang y tế gam taduan bruk dut iek, duah urang ruak, gam ba abih prein yawa tabiak duh ka bruk klauk vaccine praong abih kuhria meng dahlau mai di TPHCM, saong hatai jia lac samar jayah jit praong Covid-19. Urang vak Kim Dung hu kadha vak brei thau ka bruk ini:

Mai tal xã bhum atah bayah Tân Phước di huyện Phú Riềng (Bình Phước), rilo rai anek saih bhian bac di pak ni jeng daok kanal hadar cambaih urang abih hatai haong bruk pato bac, nan lac nai gru Mã Trà Quyên di sang bac Tiểu học saong Trung học cơ sở Trần Phú. Labaih 13 thun ngak bruk di bhum taneh bhong gah timur, nai gru urang bangsa Nùng hu caik veik dalam hatai rilo anek saih saong mikva pak ini ka thaot binguk urang gru pato anit bruk ngak, ranam anek saih. Kadha manuac ghieh bruk siam adit ni, khol drei pang dalikan ka nai gru Mã Trà Quyên pato akhar di bhum bhap bini bangsa S’Tiêng tapa kadha vak di K’Guih di mangaok báo Tin Tức:

Jit Covid-19 tamuh tabiak ngak ka raidiuk rilo sang urang ngak di Binh Dương laik tame kan kandah. Piah daong ka sang urang ngak yam tapa kan kandah anak meta, karja saong doanh nghiep di Binh Duong hu daong meng rilo bruk yau alin pandap, alin jien piah urang hu mbuan suak yava kuhria ka anek bik yaok harei. Di tuk pahadar harei baoh sang Viet Nam 28/6, Thiên Lý –urang vak di Rayo sap ndem Viet Nam hu kadha vak brei thau ka sang urang ngak bilan Covid-19, da-a mikva saong grauk ayut tui pang: