Di tỉnh Kon Tum urak ni hu labaih 546.000ha glai. Anak meta mboh lac bruk khik iek glai ni tuk halei jeng kan kandah, gleih glar, hu tuk biak nguy hiểm. Min hu sa bruk biak tatuak drei di palei Kon Pao Kram, xã Đăk Pxi, huyện Đăk Hà, tỉnh Kon Tum nan lac bruk 30 adei saai kumei di labik ni halan hatain nao dahlau dalam bruk khik iek glai. Kadha vak di Khoa Điềm, urang vak di rayo sap ndom VN daok di bhum Tây Nguyên hu khan brei thau dom urang kamei laman lamuac di palei Kon Pao Kram khik iek glai yau habar. Daa mik va song tong abih gauk tui pang!

tuk halei jeng lac caik hatai jia piah ka adei saai urang kamei biai brei thau abih hatung hatai di drei, bac megru ilamu diukrai , ilamu patagok kinh tế song dak padang boh sang trei sil. Nan lac panuac ndom di pakat ủy, Karja song adei saai kamei xã bhum ceik Hang Chú, huyện Bắc Yên, tỉnh Sơn La brei ka saai Mùa Thị Dông, bangsa Mông, urak ni lac Akaok kapul urang kamei xã. Dalam kadha “Kreih camin palei negar” adit ni , daa mik va song tong abih gauk duah thau bruk ngak di saai tapa kadha vak “Urang kamei dang akaok bhum ceik sami samar” di Vừ Chu, urang vak di rayo sap ndom VN dok di bhum Tây Bắc:

Eng drei ngak harak likau tabiak truh kathaot oh daok lac dalikan takik mboh, min ngan saong huyện bhum ceik Ba Chẽ (tỉnh Quảng Ninh) bruk labaih 100 sang bhapbini eng drei vak harak likau tabiak truh kathaot brei mboh dom salih barau dalam akaok sahneng ka bruk patruh eik patrun kathaot. Dak hu makna jang tuk labaih 100 sang ini lac urang bangsa Tày, Nùng, Dao… Dom sang ini dak harei dak kham merat meng pren di drei piah tabiak truh eik lipa, kan kathaot, pasiam raidiuk. Vũ Miền, urang vak di rayo sap ndom VN daok di bhum Đông Bắc hu kadha vak "Tự trọng piah patruh kathaot" brei thau ka bruk ini. Daa mikva saong taong abih gauk tui pang:

Đông Nam bộ lac bhum hu ralo menuac nhập cư saong công nhân urang ngak. Tukvak ini, urang ruak tangin –takai-cambuai, pandiak tabiak darah di Đông Nam Bộ tagok drah samal hu brei thau lac kayua rilo menuac nhập cư oh hu klauk jru pacang caga saong jit ruak mbuan si njom mbak drah samal. Kadha vak di urang vak Kim Dung brei thau ka bruk ini:

Di dom mỏ kuac duah titan di Ninh Thuận hu brei adat ngak 5 thun dahlau, urak ini jaleih tayah abih yau bãi chiến trường, raidiuk bhap bini laik tame glaih glar kayua ô nhiễm, halau ia thu lagu. Kadha vak di urang pambuak bruk Tuấn Quỳnh brei thau dom kan kandah bahrau meda hu meng bruk kuac duah ti tan bo mikva labik di daok dang anak:

Umo 102 thun, ong Đỗ Mười hu labaih 70 thun ngak bruk oh thau glaih glar ka độc lập bangsa, yasa taneh ia, piah ba mai haneim phul ka bhap bini saong bruk cakrok patagok di taneh ia. Yaom lac ngak bruk hagait, meng sa urang pan akaok sa tỉnh, sa khu atau sa bộ, ngành, bloh jeng urang pan akaok glaong abih di Đảng, Karja drei saong dalam tuk padeih bruk bloh, ong Đỗ Mười jeng caik veik dom inem mek biak praong, dom tình cảm hadah hadai, siam mekre dalam bhap bini, dalam dom đồng chí di ong. Kadha vak di urang vak Lại Hoa.