Piah sumu bruk pasang iek dom jalan njom mbak dalam bhap bini, peih ngak siam dom jalan pacang caga jit Covid-19, ban sit La Gi, tỉnh Bình Thuận samar padang dom Kapol “pasang iek saong pathau khan pacang caga Covid-19 di bhap bini”, (eiw katut lac Kapol Covid bhap bini) saong samar ba tame ngak. Meng di tuk peih tabiak ngak bruk, dom kapul pasang iek hu ngak siam bruk pathau khan, pasang iek menuac tame tabiak dalam ban sit saong pasang iek bruk pacang caga jit ruak di dom labik bhap bini daok. Kadha vak di Rạng Đông angaok mbao Binh Thuan hu daong ka mikva saong grauk ayut hu thau cambaih jang bruk ngak di dom Kapol Covid bhap bini”:

Pathau mikva saong taong abih gauk! 110 thun dahlau, harei 5-6-1911, urang likei dam anit ranam taneh ia angan Nguyễn Tất Thành tabiak truh bến cảng Nhà Rồng nao duah jalan daong taneh ia meng hatai anit ranam bangsa biak praong dalam. Urang tabiak nao haong hatai caong peih paha bangsa tabiak truh bruk ngak halin halak ka kol thực dân, đế quốc. Bruk nao atah nan rah tabiak dalam luac 30 thun, nao tapa 4 châu lục haong jaik 30 taneh ia hu ba Urang nao tal Chủ nghĩa Mác – Lênin, học thuyết salih bahrau ba akaok nao dahlau thời đại. Hadah mbaok meta lac labik Wa tabiak nao duah jalan daong taneh ia. Hadah mbaok meta lac labik hu takai yam di Wa dahlau di tuk tabiak truh taneh ia, TPHCM tuk halei jeng kham merat “Nao dahlau, mai hadei” dalam dak padang taneh ia. Nan lac asal kadha vak hadei ini di Thu Hường haong Mai Hoa angaok Báo Sài Gòn Giải Phóng, da-a mikva saong taong abih gauk tui pang:

Anak bruk jit ruak Covid-19 srwau kadau, gam saong bruk kham merat di taong abih urang Đảng, abih bhap bini, dom harei tapa, rilo bruk ngak halan tian biak lagaih saong bruk pacang caga jit Covid-19 patui bruk peih ngak di rilo labik hu mbaok di rilo kapol nyaom, urang, pambuak atah dom bruk ngak pahala. Meng anek saih, sinh viên tal urang taha sa hatung hatian saong gauk rik daong prein, daong pandap ka bruk pacang caga jit Covid-19. Kadha vak di Kim Thanh, urang vak di Rayo sap ndem Viet Nam ka bruk nan:

Tuk jit rah tabiak srau kadau, dom urang njom tagok samar, ban raya .HCM brei pa atah di gauk dalam 2 adit. Tui dom urang ilamu, pa atah di gauk 2 adit hu dong ka ban raya HCM pacang cakak jit ruak njom mbak. Min, brei hu tacei pato cambaih laih ka bruk pa atah di gauk brei bhap bini thau. Daa mik va song tong abih gauk pang kadha vak di Hoài Thu - Mỹ Hà angaok mbao Ilamu song rai duik hu ndom ka bruk nan:

Harei dunya uraniah 1/6 thun ini, yaom lac oh peih bruk pataom gauk ngak bui, me-in sambai kayua jit ruak Covid-19 rah tabiak srau kadau, min meng hatai “Kayua uranaih anit ranam”, Hội đồng Đội ban Cần Thơ hu ba tabiak jalan ngak cambaih laih piah ka yaok puk palei peih ngak ka nyu lagaih, abih di nyu lac padang rilo mblang me-in online piah ba chreih chrai bahrau ka dom adei. Urang vak Hồng Phương, daok di bhum taneran kraong CL hu kadha vak brei thau ka bruk ini, da-a……..tui pang:

Palei Cam Bình Đức, xã Phan Hiệp, huyện Bắc Bình lac palei ngak lan meng tangin daok veik di Bình Thuận. Ini lac Inem krung ilamo oh mboh di meta pakat negar hu Mentri Ilamo padhih saong rivang ma-in pok brei angan di thun 2012 saong daok hu Bình Thuận padang ngak harak gar piah pok tagok UNESCO ba tame angan Inem krung ilamo oh mboh di meta njauk khik caga … Yau nan min palei ngak ini daok gaok biak rilo kan kandah kayua kurang lan piah ngak, pandap panda ngak tabiak oh pablei hu. Kadha vak di Đoàn Sĩ – urang vak di Rayo sap ndom VN daok di bal raya HCM hu ndom tal bruk ini:

Dom thun jaik di ini, dom palei ngak meng kan di bhap bani Cam tỉnh Ninh Thuận gaok biak rilo kan kandah, dang anak bruk mbuan si lahik nao. Piah ka dom palei ngak yam tapa kan kandah, tỉnh Ninh Thuận hu rilo jalan ngak piah daong veih. Kadha vak di Lê Vũ – Trần Linh angaok báo Online Bangsa saong cak rok patagok hu ndom ka bruk ini:

Sarak Nyaom roya Đảng bộ rilo quận, huyện dalam bal raya HCM hu ba tabiak jalan ngak pasiam bal raya, meng bruk ngak prong lac peih prong jalan, pasiam veik chung cư klak. Ini hu mong yau jalan ngak prong di Đảng bộ, karja ban raya piah ngak brei bhap bani hu labik daok siam mekre, salamat jang. Kadha vak di Thu Hường saong Hồng Hải angaok báo SGGP ndom ka jak jeng dalam bruk jak ba bhap bani alin brei taneh peih prong jalan nao di bal raya HCM dalam dom thun tapa:

Kayua langik pandiak thu luac thun, pala glai di Ninh Thuận lac gaok rilo kan kandah, pala glai angaok ceik patau dak kan kandah rilo jang. Yau nan min, meng kham merat roh duah saong khang hatai ngak, mban khik iek glai pacang caga tapen tasik Thuận Nam ngak hu bruk praong oh sahneng mboh tal nan lac pala pabak hijao ceik patau meng phun thanh thất. Kadha vak di Nguyễn Thành angaok báo Tin tức di TTXVN hu daong ka mikva saong taong abih abih gauk thau cambaih jang ka janih phun oh lac siam ka môi trường bo daok ba bruk ngak mbang duah jien khang kajap ka bhap bani daok di labik ini.

Angan brah ST25 Việt Nam daok dang anak bruk mbuan si njauk “klaik mek” di Mỹ tuk hu tal 6 doanh nghiệp di Mỹ saong Úc tut angan bảo hộ janih "brah bingi abih dunya” ini. Biak di nyu meng dahlau daih, hu biak rilo pandap Việt "ba gar nao taong palei urang” njauk “klaik mek” angan ... Meng bruk brah ST25 di Việt Nam daok mbuan si njauk doanh nghiệp di Mỹ ba nao tut angan pablei salih, urang vak Minh Long hu kadha vak “Juai cang lahik limo meng kurhia ngak var" hu ndom ka bruk tut angan bảo hộ angan pablei salih meng bruk brah ST25 di Việt Nam: