Meng takai tasik atah 192 km, bhum tasik praong labaih 52.000 km2, Bình Thuận hu labik taong cap ikan biak lagaih, rilo kaya ikan dalam ia, nan ye, ngak mbang gah kaya ikan dalam ia lac bruk ngak mbang khang saong tuk hlei jeng hu labik dang praong dalam bruk ngak kinh tế di tỉnh. Lac sa dalam dom pasak praong ka bruk taong cap ikan, dich vụ duh ka bruk nao taong ikan, cong nghiep raong pala kaya ia, chế biến, công nghiệp ngak kaya ia ikan dalam ia di bhum tapen tasik Nam Trung bộ saong Đông Nam bộ, dalam tuk kan kandah yau urak ini, Bình Thuận brei ngak dom jalan yau halei piah khik kajap bruk siam lagaih gah kinh tế di drei? Kadha vak di Huy Toàn angaok harak mbao Bình Thuận hu ndem ka bruk ini:

Tukvak tapa, mikva daok di rilo palei dalam tỉnh Bến Tre dang anak bruk kurang ia taba biak trak, rilo urang njauk buh jien tabiak meng 100 tal 200 ribau đồng piah blei sa khối ia taba piah pandar. Mboh dom kan kandah nan di dom palei gaok pandiak thu, njom ia mbak, Bộ Tư lệnh Quân khu 9 hu jao brei Cục Hậu Cần, Quân khu samar brei manuac di drei, radaih pajeng ia taba brei saoh ka mikva piah tani tanat raidiuk. Kadha vak di Phạm Hải khan brei thau ka bruk nan:

Gam haong bruk ngak njauk tui dom quy định ka pacang caga jit Covid-19, urang ngak di Bình Dương daok pataom tame bruk pakacah gauk ngak, pambuak haong menuac pandar urang ngak ba gauk yam tapa kan kandah.

Anak bruk jit ruak Covid -19 daok rah tabiak khang, UB bhap bini Ban raya HCM hu tacei pato dom gah, dom quận, huyện patagok bruk pandar dịch vụ công trực tuyến pakat 3, pakat 4. Ini lac bruk ngak siam rik daong tame pacang caga jit, taduan hu bruk taong yaom glaong di bhap bini. Kadha vak di Duy Phương saong Xuân Ngà lac urang vak di Rayo sap ndem Viet Nam daok di TPHCM hu khan ka bruk nan:

Di tỉnh Ninh Thuận, bruk langik pandiak dui atah lavik harei daok ngak ka rilo danao, bingun ia dalam tỉnh thu tal mbat. Bhap bini glaih glar nao duah ia pruh ka phun pala, ia ka athur raong menyum. Karja palei saong gah ngak nong di tỉnh ngak hagait piah daong ka mikva yam tapa kan kandah dalam bilan pandiak bhang? Nan lac asar kadha vak ala ini di Nguyễn Thành, angaok harak mbao Bangsa saong bhum ceik:

Meng ini tal harei 15/4 nan lac tukvak tabung glaong pacang caga jit ruak Covid -19 dalam tỉnh Ninh Thuận jeng yau dalam negar. Langiu di bruk brei padeih dom bruk ngak, kareik pabah mbang dom dịch vụ mbang menyum, ma-in bui sambai, ye bruk pasang iek, khik iek dom labik brei daok karei meda hu dom mban, ngành saong karja puk palei dalam tỉnh sangka . Di palei Văn Lâm 3, xã Phước Nam, huyện Thuận Nam – labik brei daok karei kayua urang ruak 61 saong 67 dương tính haong Covid-19, bruk pacang caga jit jeng yau mong iek tal rai diuk, pren yava ka bhap bani daok hu peih ngak siam.

Hadei di tuk ba tabiak bruk tal taong abih dom dhar kapul di dom sang iek ruak, Kapul Gru jru ranaih umo TPHCM hu caga 200 bác sĩ daok ranaih umo, halan hatian nao iek ruak, pacang caga jit ruak COVID-19. Dalam kadha vak hadei ini, kol drei hu thau jang ka bruk oh sahneng hagait tal rup drei, joa kandang ngak bruk dalam kan kandah glaih glar di dom bác sĩ ranaih umo halan hatian nao pacang jit.

Pahadar harei Pachit da-a Po Hùng, dalam danak harei ini, da-a bhap bini saong grauk ayut pang kadha vak di TS. Nguyễn Huy Phòng, daok ngak bruk dii Học viện Chính trị quốc gia Hồ Chí Minh angan: “ Bruk daok dang, panuac meyai di urang Việt dalam tuk jit ruak Covid-19.

Rilo thaot binguk gheih mekre, dalikan drut droi ka urang jakar, urang lin “Bộ đội Cụ Hồ” abih hatai ka bhap bani, ngak bruk di labik jit hu khan brei thau saong pambak prong dalam bol bhap rah ra. Dom urang lin Biên phòng, bác sĩ Quân y hu jeng dom urang lin di tuyến akaok, oh huac kan kandah glaih glar saong mbuan njaom mbak jit ruak, piah mong iek pren yava ka bhap bani yau dom gauk gar dalam sang di drei.

Brei daok karei nan lac sa dalam dom jalan ngak prong saong njauk ngak piah pacang caga jit ruak Covid-19 njaom mbak tame bol bhap rahra, abih di nyu lac dalam tukvak jit ruak daok njaom mbak samar. Yau nan min, rilo urang njauk brei daok karei daok duah jalan plaih njaik, oh siam ka bol bhap rah ra. Hu dom urang njauk nao daok karei ye gauk gar daok ba pandap panda mai brei ka urang daok karei, oh lac tok pandap mbang, pandap menyum bo daok ba gam tu la-ar, kadhik mac, mac la-ar… jeng hu ba mai labik brei daok karei ngak kan kandah ka urang jakar daok ngak bruk di nan, abih di nyu lac pambak tal bruk pacang caga jit ruak. Yau nan njauk ba pandap panda brei ka urang brei daok karei halei oh?