Labaih 1 thun gaok kan kandah kayua jit praong Covid-19, gah du lịch dunya di Việt Nam brei kreik pabah mbang abih, ba tal dom khat lahik biak praong. Yaom lac hu jalan jhul khang du lịch dalam taneh ia piah pabak veik min biak di nyu gah du lịch jeng ka oh siam veik hu. Kayua yau nan ye, tuk bruk klauk vắc-xin hu peih tabiak ye hatai sahneng ka “Passport vắc-xin” hu caong lac jalan peih ka du lịch Việt Nam. Min ngak yau habar piah ka “Passport vắc-xin” hu ba tame pandar ye daok rilo bruk njauk kuria caga. Urang vak Minh Thắm, lac urang vak di rayo sap ndom VN daok di ban raya HCM brei thau dom hatai sahneng di dom doanh nghiệp, dom urang khik ramik ka bruk ini:

Yaom lac dom jabat karja di Bình Dương kham peih ngak rilo jalan piah khik salamat ka urang ngak bruk min dom thun tapa, tỉnh ini lac sa dalam dom tỉnh hu dom bala tuk ngak bruk, ruak kayua bruk ngak glaong. Halei lac makna ba tal bala saong Bình Dương ngak hagait piah pasang iek bala, khik hu salamat tuk ngak bruk? Bruk nan hu ndem tal dalam kadha vak di Thiên Lý, urang vak di Rayo sap ndem Viet Nam daok di Ban raya HCM:

Bhum kinh tế praong di gah Meraong negar daok lac labik nao tal di dom doanh nghiep hu phun jien meng negar langiu buh tapak tame, daok iew lac FDI, daong ka dom bhum palei patagok jien mek tame kadung jien karja, ba bruk ngak ka rilo urang. Piah khik kajap raiduk xã hội, dom bhum palei saong doanh nghiep FDI jeng caik hatai ngak siam sarak BHXH, BHYT, BH lahik bruk ngak. Min anak meta mboh lac jeng daok hu dom tavak tavaiy brei samar lang talaih. Asar kadha ini hu ndem tal dalam kadha vak di Duy Phương, urang vak di Rayo sap ndem Viet Nam daok di Ban raya HCM:

Yaok ribau thun ni mai, pok kakuh Po Hùng hu jeng sa adat meng lavik rai di bangsa Việt Nam, njom dalam tame hatai sahneng di yaok menuac urang. Pacit daa Po Hùng dak harei dak praong dalam raidiuk di bangsa. Di tuk pahadar harei 10/3 saka ia bilan thun ni, daa mik va song tong abih gauk pang kadha vak angaok harak mbao Phú Thọ ndom tal dom ilamu hadah krah di dom bruk ngak dalam harei pataom ilamu meng kan dalam tuk Pachit daa Po Hùng:

Hãng tin Reuters di negar Anh harei 12-3 brei thau ka sa-ai Lê Thị Kim Trâm (daok di quận 2, TP.HCM), jaing cakak mbuk biak gheih meng sa gah tangin hadei di bala angaok jalan nao mai 4 thun dahlau. Kadha vak di Kỳ Thư angaok báo Tuổi Trẻ hu daong ka kol drei thau cambaih jang ka hatai khang di urang kumei jaoh jo ini:

Tal tukvak ni, tong abih dom sang bac đại học hu brei thau danak dak palih ruah anek saih thun bac 2021- 2022. Rilo jalan palih ruah karei di gauk hu dom sang bac ba tabiak pandar. Min, dut song thun bloh, tanut brei ka bruk palih ruah tui học bạ THPT hu dom sang bac pacadu song tok hu meng 6% tal 30%, gaok mai dom gah bac bahrau peih oh palih ruah tui jalan ni. Njauk caik hatai sangka dom gah bac bahrau gam song chuyển đổi số dok hu dom sang bac peih tabiak pabak ka drak pasa urang ngak. Kadha vak di urang vak Thu Hiền:

Meng di tuk tỉnh Đồng Nai jao taneh di labik tái định cư Lộc An - Bình Sơn brei ka bhap bini njauk giải tỏa dalam danak dak mblang kapar haoh Long Thành ye di labik ni bruk pablei salih suất tái định cư jeng chreih chrai tagok. Jeng meng urak ni, mbuan rahtabiak dom bruk meriak gauk, kayua taong abih bruk pablei salih jeng meng harak tangin.

Tui bruk ba tabiak brei ngak tui, urang ngak đóng BHXH tuk oh hu bruk ngak ye hu bac bruk ngak saong yaih khan bruk ngak oh abih jien. Yaok bilan hu daong sa triệu đồng ka bruk pato bruk ngak, tukvak bac oh tapa 6 bilan. Yaom daong ni hu tagok 1 triệu meteh sa bilan meng bilan 5. Bruk ni hu daong ka urang lahik bruk meda salih bruk, khik ka raidiuk hu siam jang. Min, bruk bac bruk ngak oh abih jien jeng ka oh pachreih hu urang ngak lahik bruk ngak.

Yến sào atau sruh yến lac angan ieu di sa janih pandap mbang hu mek meng sruh di cim yến, ini lac sa dalam dom janih pandap mbang chit jien hu menuac sia thau tal biak rilo urak ini. Yến sào piah pabak prein yava saong hu dom negar dalam bhum Đông Á biak takre. Min janih pandap chit jien, dahlau daih tok hu menuac biak kaya meda meng blei truh, ye urak ini hu ieu pablei yaom lap bak abih di darak pasar.

Kayua bruk cakrok patagok đô thị saong công nghiệp - dịch vụ, taneh ngak nong di ban Thủ Đức dak harei dak takik. Bruk ni caik ka karja ban, gah ngak nong jang yau dom sang ngak nong njauk salih jalan saneng dalam bruk ngak nong, peih bruk salih khang dom janih phun pala – athur raong, cak rok patagok ka gah ngak nong đô thị. Bruk khik ramik saong cak rok patagok ngak nong lagaih haong bruk di anak meta lac sa bruk kan ngan haong karja bal saong hu rilo panuac karei gauk.