Urak ini, bruk caong hu urang ngak di dom doanh nghiệp di Bình Dương biak prong min dom menuac nao duah bruk ngak dak harei dak takik, saong daok hu menuac klaak bruk nao palei, atau nao tal tỉnh bal karei piah duah bruk ngak. Yau nan Bình Dương njauk hu sarak hagait ka nyu laghaih piah khik takai urang ngak, daong ka doanh nghiệp sahanang hatai buh jien tame ngak mbang, patagok bruk ngak mbang? Thiên Lý – urang vak di rayo sap ndom Viet Nam daok di bal raya HCM hu kadha vak ndom ka bruk ini:

Di mbang “Ginum biai 2045” kayua Thủ tướng Nguyễn Xuân Phúc dang tabiak tacei ba di TPHCM, rilo doanh nghiệp, kapul nyaom praong hu dom panuac ndom abih hatung hatian. Tapa nan brei mboh hatai khang ngak tui panuac di Thủ tướng, nan lac “ba gauk ngak, ba gauk ngak ka pahu hatai caong di Wa ka 1 Việt Nam kaya meda, khang kadang, hadah hadai, samu takai yam haong dom taneh ia praong, khang di dunya dalam thun 2045 yau asal kadha di Sarak Nyaom roya Đảng pakat negar mbang ka XIII”. Taong abih jeng sa hatai caong oh padeih kham merat piah "Ba Việt Nam jeng sa taneh ia cakrok, kaya meda di thun 2045". Kadha vak di Hà Khánh, urang vak di rayo sap ndom Viet Nam daok di ban raya HCM:

Meng tuk ban Thủ Đức daok dalam ban raya HCM hu padang tagok ye yaom sang danaok, taneh riya di labik ini hu jhul tagok glaong jang rilo mbang duk haong yaom biak di nyu. Dom urang ilamu gah kinh tế hu ba tabiak panuac kakei urang blei piah plaih bruk blei taneh oh njauk haong yaom biak. Lệ Hằng, urang vak di rayo sap ndom Viet Nam daok di ban raya HCM hu kadha vak ndom ka bruk ini:

Peih ngak Danak dak bruk ngak negar padang ngak palei pala bahrau, dom thun tapa, Kapul urang kumei tỉnh Ninh Thuận hu ba tabiak rilo bruk ngak siam lagaih pambuak haong jhul khang dom bruk pakacah gauk, jak ba gauk daong, jak ba urang kumei sahneng duah jalan padang mbang ngui, cakrok patagok kinh tế, khik caga alam môi trường... Tapa nan paglaong raidiuk mbang ngui daok dang ka urang kumei, patagok siam labik dang di urang kumei peih ngak hu siam dom tanut padang ngak palei pala bahrau. Di tuk pahadar Harei Dunya urang kumei 8/3, da-a adei sa-ai kumei haong mikva urang pang rayo pang kadha vak di Uyên Thu angaok báo Ninh Thuận ndom ka labik dang di urang kumei, jeng yau kapul urang kumei dalam padang ngak palei pala bahrau, rik daong tame bruk cakrok patagok KTXH di tỉnh Ninh Thuận:

Đồn BP Lai Hòa, BĐBP Sóc Trăng lac sa dalam dom đồn BP njauk ndom tal di abih dalam bruk peih ngak sarak an sinh XH ka bhap bini, abih di nyu lac ka bhap bini bangsa takik daok dalam tỉnh. Daok bruk Bilai quân - dân y pambuak gauk oh lac ngak siam bruk iek glang prein yava ka urang jakar, urang lin đồn biên phòng bo daok ngak siam bruk iek ruak ka bhap bini dalam tỉnh.

Hadei di mbang trun jien laba dahlau di Tết thun sak kubau 2021, oh takik gilang pariak pablei salih (NHTM) daok trun veik jien laba jak ba di dom mbang hadei di tết piah ba mai bruk trun jien laba tuk masraiy. Bruk trun jien laba tuk masraiy oh njauk daok gah ưu tiên bo gam di gah brei masraiy. Urak ni rilo gilang pablei salih hu dom pandap panda brei masraiy taeng, hu rilo piah pachreih tuai blei ngan haong dom adat brei masraiy biak mbuan, jien laba maraik gauk, tukvak biyar jien siam lagaih...Kadha vak di Nhung Nguyễn ba tagok SGGP hu ndem cambaih ka dom asal kadha ni:

Bhum tapen negar Tây Nam dok yam tame bilan siam di abih dalam thun. Dom mblang hamu, bein phun hajao that, mekre meta di grauk labik. Min, gah likuk bruk siam mekre, sron mbon, salamad nan, hu oh thau hadom pren yava di dom urang lin Biên phòng dok harei melam khik caga bhum tapen negar. Pahadar harei Bộ đội Biên phòng song harei Biên phòng bhap bini 3/3, khol hulin likau pataom veik dom kadha vak di Đăng Bảy angaok harak mbao Biên phòng piah mik va thau cambaih jang kham merat oh padeih di dom urang ngak bruk khik caga “pabah mbang” bhum tapen negar Tây nam:

Tame dom palei Cam Meraong negar, khol drei meda hu mboh thaik binguk urang kumei akok ndua li-i padai, palao dua gah tangin nao meng mblang hamu tame palei atau ndua buk nao mek ia. Meng dom bruk ngak nan dalam raidiuk, urang Cam hu ba bruk ndua ia tame pakacah di dom urang kumei. Meng nan, dom harei Katê, Ramưwan, Ramandan di urang Cam atau roya Yuan, bruk pakacah ndua ia jeng sa bruk oh kurang hu. Sap hjagar chreih chrai, sap klao, ieu, sap pah tangin di urang hu ngak jeng bruk bui sambai, chreih chrai di urang Cam.

Pathau mikva saong taong abih gauk! Dom harei tapa, di trung ương saong dom tỉnh, ban daok peih bruk ginum biai mbang ka sa piah ramik veik bruk hadom urang QH ka nyu laghaih haong bruk chính trị, kinh tế, xã hội. Jalan ngak di dom mbang ginum biai tui njauk jalan tacei di TBT, Akaok negar Nguyễn Phú Trọng, nan lac: mek tiêu chuẩn, chất lượng urang lambaok lac bruk praong dang akaok, oh kayua cơ cấu bo patrun tiêu chuẩn. Kadha vak di urang vak Lại Hoa ndom ka bruk ini:

Tỉnh Cà Mau hu langik tasik biak mbuan lagaih piah patagok bruk bhap bini ngak du lịch. Tukvak tapa, gah chức năng dalam tỉnh jeng hu sangka buh jien tame ngak saong paglaong dom pandap du lịch di puk palei piah ka bhap bini tui nan hu jalan cakrok, patagok. Anak meta mboh lac rilo bruk bhap bini dang tabiak ngak du lịch hu tabiak rai saong tagok khang. Min dalam mbuan lagaih jeng daok hu dom kan kandah njauk lang talaih piah ka bruk ngak du lịch di bhap bini hu tagok jang.