Di tỉnh Kon Tum angaok jalan tapen negar atah 292 km taphia dua negar Lào saong Capuchia, Tết mai tal biak jaik. Dom harei ini, bhap bini saong dom urang jakar, urang lin biên phòng tỉnh Kon Tum daok chreih chrai cang taduan raok tukvak langik palao thun klak sak tikuh 2020 saong raok thun birau sak kubao 2021. Thun ini, bhap bini 13 xã, di 4 huyện bhum taphia negar di tỉnh Kon Tum gam uan raok Tết gam pacang caga jit Covid-19. Kadha vak “Tết bak hatai anit ranam gauk di urang lin haong bhap bini bhum taphia negar Sa Loong” di Khoa Điềm, urang vak di rayo sap ndom Viet Nam daok di bhum Tây Nguyên brei thau ka bruk nan:

Sa bilan xuân birau daok mai tal ngan saong rilo caong khin birau. Thun ini, rilo sang kathaot di Đắk Lắk, abih di nyu lac dom baoh sang di bhum atah bayah meda uan raok tết main xuân hu bui sambai jang tuk hu sang birau praong laneing lanoi, hu padang ngak meng phun jien di danak dak 167. Dom baoh sang hu padang ngak meng phun jien di sarak karja, hu bruk rik tame meng baoh sang, but pajaih gam haong bruk daong di bhap bini ngak brei bilan xuân siam mekre jang, anit ranam jang.

Palei ngak lan am Hamu Traok saong palei menyim jih dalah Cam Caklain daok di bal sit Phước Dân, huyện Ninh Phước, tỉnh Ninh Thuận hu rilo urang thau tal kayua daok khik hu ilamo klak di bangsa Cam. Meng dom pandap ngak tabiak piah pablei dalam bhap bani Cam, urak ini dom pandap di dua palei ngak ini hu pasiam veik piah pabak hatai caong khin di urang blei pandar. Dom harei jaik Tết, bhap bani dua palei ngak daok jan van ngak piah pabak tui harak pambuak bruk pablei di bilan Tết. Đoàn Sĩ – Urang vak di rayo sap ndom VN daok di bal raya HCM hu kadha vak ndom tal bruk ini:

Di tỉnh Kon Tum bruk sangka kuhria Tết ka bhap bini daok pamaong tal bhum atah bayah saong bhum taphia negar ngan saong hatai kham merat oh caik ka thei kurang Tết. Khoa Điềm urang vak di Rayo sap ndem Viet Nam daok di bhum Tây Nguyên hu kadha vak yau ala ini.

Rilo thun ni mai, Long An hu maong lac sa dalam dom labik patagok bein thanh long rilo abih di bhum taneran kraong CL. Hu 1 tukvak baoh thanh long hu yaom, daong ka urang nong mek jien tame meng dom rituh triệu tal jaik 1 tỷ đồng yaok hécta, nan ye sang halei jeng ba gauk pala thanh long. Jaik di ni, thanh long laik yaom, kan pablei, ngak ka rilo baoh sang khat lahik, tavak sre njauk yah klaak bien pala.

Lingiu di bruk brei mboh cambaih bruk ngak hu tui Sarak nyaom roya XII; brei thau lac dom jak jeng mek hu dalam 5 thun tapa mai meng kham merat oh thau glaih glar di tong abih urang Đảng, abih bhap bini, song abih bol lin drei tapa rilo mbang nyaom roya, rik dong ngak jeng dom jak jeng prong, hu makna sajarah di taneh ia drei tapa 35 thun salih bahrau. Sarak nyaom roya pakat negar mbang ka XIII di Đảng hu tacei tabiak 3 jalan ngak praong di taneh ia dalam tuk vak anak tal

Nyaom roya mbang ka 13 di Đảng hu caik tabiak sa harei meteh piah ginum biai di Hội trường ka dom asal kadha hu ndem tal dalam Harak pok tagok nyaom roya. Rilo panuac taong yaom lac: harak patahu khan di nyaom roya mbang ka 13 di Đảng hu caga biak tani tanat, salih bahrau gah jalan sahneng, jalan ngak, ba pandar meng ndom puac tal bruk ngak; bruk ginum biai di nyaom roya rah tabiak dalam dân chủ saong trách nhiệm. Dom panuac ndem hu tacei tabiak cambaih dom jak jeng ngak hu, tacei tabiak dom ilamo saong ba tabiak dom jalan langyah ka mbang nyaom roya 13 saong dom thun anak tal, pamaong tal bruk pamadeih tagok hatai caong cak rok patagok taneh ia siam makre, trel sil, haniem phul.

Thun 2020, meng jit ruak tal bala meng langik tasik nyu ngak kan kandah biak praong tal raidiuk di bhap bini, abih di nyu nan lac urang ngak. Kinh tế kan kandah, tết mai rilo urang oh hu jien nao palei mbang tết haong gauk gar. Piah ka urang ngak daok atah palei hu mbang tết bui sambai, di TPHCM, rilo bruk ngak sangka tal raidiuk di urang ngak daok hu peih tabiak, daong ka dom urang nan mbang tết atah palei hu bui sambai, siam makre.

Dom harei ini, urang jakar, urang đảng haong taong abih bhap bani, jeng yau urang Viet Nam daok di negar langiu, thei jeng pamaong tal bal ine Hà Nội – labik daok rah tabiak njaom roya pakat negar mbang ka 13 di Đảng ngan haong hatai caong lac Nyaom roya meda ba tabiak dom sarak njauk, khang kadang piah ba taneh aia cak rok patagok samar saong khang kajap jang dalam tukvak bahrau. Kadha vak di urang vak Ngọc Xuân, daok di bal raya HCM:

Dalam sarak pathau khan chính trị pok tagok nyaom roya 13 di Đảng, dom baoh panuac “cong khin patagok” hu ndom tal haong rilo asar kadha, brei mboh jalan sahneng bahrau, ngak tui song patagok meng ilamu dahlau daih di bangsa tal dom siam gheih di saman ini. Meng angan di nyaom roya, hatai caong di Việt Nam hu brei mboh yau 1 pathau khan chính trị “Patagok dak padang, pasiam veik Đảng song abih gah hacih saat, khang kajap; paglong hatai sahneng, hatai khin, pren khang jum pataom bangsa, pambuak song pren khang saman ini; jhul pakhang salih bahrau, patagok samar song khang kajap di taneh ia”.