Pathau mikva saong taong abih gauk! Dom thun jaik di ini, dom hợp tác xã dalam tỉnh Ninh Thuận oh lac kham merat salih jalan ngak tui Hukum HTX kiểu bahrau, bo daok kham merat pandar ilamu công nghệ tame bruk ngak, ba bruk ngak, paglaong jien mek tame ka dom urang dalam HTX saong urang ngak. Tapa nan, daong ngak hu dom tanut padang ngak palei pala bahrau paglaong di puk palei, mbluak abih nan lac di bhum urang Cam. Kadha vak “Ninh Thuận patagok bruk ngak di kinh tế hợp tác xã dalam bhum urang Cam” di Ái Nghiêm, urang vak di rayo sap ndom VN daok di bal raya HCM hu daong ka mikva saong taong abih gauk thau cambaih laih jang ka bruk ngak di HTX di bhum urang bangsa takik:

Meng bruk youtube Thơ Nguyễn njauk gah chức năng taong phạt kayua ba tagok clip “likau vía búp bê bac naih” bahrau ini, sa mbang tra menuac sia oh klah di duh hatai anak dom video oh tabiak hagait, kanjah jhak hu biak rilo angaok mạng xã hội meda ngak khut hatai sahneng, jalan ndom puac daok dang di uranaih. Dom video jhak ini nyu ngak khut hatai sahneng di uraniah tal halei, saong ngak habar piah khik caga anek bhik anak dom asal kadha oh siam daok lac bruk pandik akaok di dom amaik ame? Da-a mikva saong taong abih gauk pang kadha vak di urang vak di rayo sap ndom Việt Nam brei thau ka bruk ini:

Dalam dom harei tapa, meng di tuk hu brei thau, danak dak mblang kapar ahaoh Phan Thiết (di xã Thiện Nghiệp, ban Phan Thiết, tỉnh Bình Thuận) hu padang ngak di puac bilan 3 ni, rilo menuac meng dom tinh, bal dalam negar ba gauk mai ni piah pablei salih taneh riya, ngak ka yaom taneh hu jhul tagok glaong tal having akaok, ngak srau kadau puk palei, mbuan ba tal rilo khat lahik ka manuac blei saong manuac pablei.

Bahrau ni, Thủ tướng Nguyễn Xuân Phúc hu pan akaok nyaom biai mbang ka 3 ka cak rok patagok khang kajap bhum taneran kraong CL lagaih haong bruk biến đổi khí hậu di ban Cần Thơ. Gam pan akaok nyaom biai hu UV Mintri Chính trị, akaok UBTWMT negar Việt Nam Trần Thanh Mẫn; UV Mintri Chính trị, Bí thư Thành ủy ban raya Hồ Chí Minh Nguyễn Văn Nên; Phó Thủ tướng Thường trực Trương Hoà Bình; Phó Thủ tướng Trịnh Đình Dũng, urang pan akaok rilo mintri, rilo gah, dom tinh, ban dalam bhum taneran kraong CL, dom chuyên gia, urang ilamo, dom urang pambuak bruk di dunya…Nyaom biai hu ginum biai, taong yaom dom bruk ngak hu, abih di nyu nan lac dom bruk ngak hu praong, dom kan kandah tavak tavaiy, dom ilamo bac megru hu saong ba tabiak dom jalan langyah jhul patagok bruk peih ngak sarak ka 120.

Pathau mikva saong taong abih gauk, yaom lac bruk njom mbak jit ruak Covid-19 daok pacang hu siam, min bruk mbuan njom mbak tabiak rahra lac biak praong mayah khol drei oh pacang cakak saong tui iek hu abih bruk tame negar suan hukum. Di bhum tapen negar tỉnh Nghệ An, urang vak di rayo sap ndem VN brei thau dom kham marat di gah chức năng piah pacang cakak bruk tame negar suan hukum:

Dalam tuk jit ruak yau urak ni, hu oh takik doanh nghiệp di TPHCM hu dom jalan nao karei di drei piah yam tapa kan kandah, piah khik dom bruk ngak mbang, pablei salih, yaih khan pandap panda.

Pabah mbang negar pakat dunya Bình Hiệp, tỉnh Long An lac labik pajeng ba nao mai pandap panda Việt Nam- Campuchia di bhum tapen negar Tây Nam. Min, dalam tuk dom pabah mbang karei tuk halei jeng bak pandap tame tabiak ye pabah mbang negar pakat dunya Bình Hiệp daok joa gindang. Kayua habar yau nan?

Jit ruak COVID-19 ngak kan kandah oh sit tal Kapul daoh tamia bhap bani Cam Bình Thuận, dom bruk ngak hu jien njauk brei padeih, dom nghệ sĩ Chăm gaok biak rilo kan kandah. Yaom lac glaih glar, min dom nghệ sĩ di Kapul tuk halei jeng saneng tal bruk saong duah jalan yam tapa kan kandah.

Gah du lịch tỉnh Bà Rịa-Vũng Tàu daok hu rilo hadah hadai tuk tuai du lịch tuh mai ini rilo. Min tui kuhria mboh, oh tagok biak rilo kayua urang daok huac jit ruak Covid-19. Kadha vak di urang vak di rayo sap ndom Viet Nam daok di ban raya HCM hu ndom tal bruk ini:

Piah yam tal patrun kathaot khang kajap, gam haong jalan ngak lac “brei gai vah, oh brei drei ikan”, dom bruk ngak mbang duah jien meng danak dank patrun kathaot khang kajap daok hu tỉnh Đắk Lắk peih ngak hu siam. Bruk salih jalan ngak mbang, salih janih phun pala, athur raong hu daong paglaong jien mek tame, grap tanat rai diuk ka bhap bani bhum kan kandah. Kadha vak di Hương Lý brei thau ka bruk di xã Cư Pui, sa dalam dom xã bhum 3 di huyện Krông Bông, tỉnh Đắk Lắk.