Iek ruak, taong ruak meng atah nan lac sa caong khin biak biai dalam bruk mong iek pren yava di bhap bani, di dom urang prong thun, hu ruak meng dahlau mai. Abih di nyu lac dalam tukvak pa-atah di gauk kayua ruak Covid-19, bruk caong khin nan dak glaong jang. Pambak tame bruk ứng dụng hu blaoh, bahrau ini, pasak Y tế quận Gò Vấp, TPHCM hu peih ngak iek bruk iek ruak di sang, meng nan paglaong hatai jia di bhap bani ngan haong labik iek ruak di phường xã.

Meng tuk Mentri Ilamo – Padhih saong rivang me-in ba tabiak danak dak “Urang Việt Nam nao rivang ma-in dalam Việt Nam”, piah pachreih bruk nao rivang ma-in dalam negar hadei di jit prong Covid -19, dom baoh panuac “trun yaom”, “pachreih blei” gam haong dom tour, combo rivang dalam megar hu dom doanh nghiệp ngak mbang gah ba menuac nao ravang me-in pakacah gauk meyaih khan tal tuai damuai. Taphia dom danak dak dui pachreih, yaom lap, anak meta mboh lac, jeng daok hu dom doanh nghiệp pachreih tuai damuai tui jalan cakak meneng dom dịch vụ atau dịch vụ oh ka siam.

Ban raya HCM daok tame bilan hajan – jeng lac tuk bhian rah tabiak dom bruk yau phun kayau jaleih, klaoh talei điện. Piah khik salamat ka bhap bini, dom gah chức năng di Ban raya daok pataom tame pasang iek dom jalan talei điện piah trun biar di abih dom bala kayua điện. Kadha vak di Vinh Quang, urang vak di rayo sap ndem Viet Nam daok di Ban raya HCM hu khan brei thau ka bruk nan:

Tuk vak tapa, bruk khik iek uranaih, jang yau bruk pacang caga bala mblung aia, bala ba tal rambuis di uranaih hu dom pakat, dom jabat, karja puk palei di tỉnh Phú Yên sangka tal, peih ngak biak siam. Yau nan min, bruk mbuan mblung aia di uranaih, abih di nyu lac dalam bilan hè jeng daok biak praong, meyah kurang dom jalan pacang caga.

Bruk klaak harak pambuak bruk ngak…oh hu tukvak ngan saong viên chức meng di tuk birau ba tabiak hu manuac sia njauk hatai kayua lac tapa nan hu rik daong patrun bruk viên chức alah ngak bruk, ba tabiak dom urang takik ilamu ngak bruk, gam tui nan pachreih urang ngak bruk siam lagaih, kein laba, khik urang naih joi daok veik ngak bruk.

Labaih 5 thun dahlau, xã Khánh Lâm, huyện U Minh, tỉnh Cà Mau hu baoh sang kathaot meblah 34% saong hu maong lac xã kathaot abih di tỉnh Cà Mau. Yau nan min, harei ini, meng rilo bruk ngak mbang mek hu kein lagaih, bhap bini xã Khánh Lâm dak harei dak kaya meda. Bhum taneh kathaot ini yau hu cuk tagok rup blah ao bahrau, daok caga taduan Harak pok brei angan xã Palei pala birau. Trần Hiếu – urang vak di Rayo sap ndem Viet Nam daok di bhum taneran kraong Cuu Long hu kadha vak brei thau ka bruk ini:

Di bhum palei pala dalam tỉnh Bình Thuận urak ini hu 58 danak dak pabak ia praong hu prein khang labaih 61 ribau mét khối sa harei melam, pabak ia ka labaih 48% bhap bini di palei pala dalam tỉnh. Yau nan min, kayua dom danak dak padang ngak meng lavik, sit, padang takik ia, mek ia ala taneh, ia craoh, danao sit yau nan ye oh ginup ia di bilan pandiak bhang. Rilo danak dak pabak ia praong oh ka hu buh jien tame ngak ka nyu khang, oh ka peih praong jalan nding raok ba ia yau nan ye oh pabak ginup ia pandar ka bhap bini. Đoàn Sĩ urang vak di Rayo sap ndem Viet Nam daok di Ban raya HCM hu kadha vak brei thau ka bruk nan di huyện Bắc Bình, tỉnh Bình Thuận:

Bruk lih tame kraong Ban Gòn di tỉnh Bình Dương daok mboh ralo, ngak brei sit veik jalan ia nduac, ngak kan kandah tal bruk tathuak ia, bruk pacang caga ribuk ia sua. Urang pan akaok tỉnh ini gam gam hu harak tacei pato brei pasiam veik, langyah ka nyu salah dom bruk lih tame kraong min mbiah tal urakni bruk nan jeng daok rah tabiak, hu tamuh birau veik. Thiên Lý, urang vak di Rayo sap ndem Viet Nam daok di Ban raya HCM hu kadha vak brei thau ka bruk nan:

Meng ini tal puac thun, gah rivang ma-in dom puk palei di Bhum taneran kraong Cửu Long njauk peih ngak gam gam dua jalan ngak nan lac gam pacang caga jit ruak Covid-19 gam pasiam veik darak pasa kayua lac dalam tukvak tapa, taong abih bruk rivang ma-in njauk padeih abih. Tui dom jabat ngak gah rivang ma-in, kadha prong dang akaok tukvak ini nan oh njauk lac dịch vụ siam bo lac du lịch salamat saong salih bahrau pandap ravang ma-in. Yau nan dom puk palei njauk ngak hagait piah pasiam veik gah rivang ma-in?

Dalam tukvak jit COVID-19 rah tabiak khang, Bhum taneran kraong Cuu Long hu mong yau labik siam mekre kayua oh hu urang halei njaom mbak ruak dalam bol bhap rah ra. Kayua yau nan ye, Hiệp hội Du lịch Việt Nam hu palih ruah bhum taneran kraong Cuu Long lac labik siam mekre, hu rilo pren khang gah rivang ma-in piah peih mbaok ka danak dak pachreih nao rivang ma-in dalam taneh aia.