Sa dalam dom bruk ngak praong dalam dom bilan puac thun 2020 hu dom pakat Công đoàn dalam tỉnh Đồng Nai sangka tal, nan lac patagok bruk padang talei pambuak bruk siam mekre di doanh nghiệp (DN) piah tani tanat bruk ngak, raidiuk di urang ngak.

Urak ini dalam negar hu jaik 9,2 triệu urang buh pren ka cách mạng. Kuhria tal puac thun blaoh, hu 21 tỉnh, bal dalam negar oh daok baoh sang kathaot dalam baoh sang sarak karja, urang buh pren ka taneh ia, rilo jang 13 tỉnh, bal dut haong puac thun 2018. Urak ini dom tỉnh, bani daok patui veik peih ngak dom jalan daong ba, kham merat oh daok baoh sang kathaot dalam baoh sang sarak karja dalam thun ini. Min piah ka labaih 8 ribau baoh sang kathaot lac urang buh pren ka taneh ia daok veik dalam negar tabiak truh kathaot dalam dom bilan anak tal nan lac bruk oh mbuan.

Yaok thun, tal bilan 7, bhap bini dalam taneh ia ba gauk pamaong tal dom urang amaik Việt Nam anh hùng, dom sang thương binh, liệt sỹ, urang buh prein ka cách mạng meng abih hatai anit ranam, Bruk thau dhar phor, hadar tal dom urang var klaak rup drei brei ka độc lập, tự do di taneh ia hu jeng bruk “menyum ia hadar halau ia”, lac ilamu biak siam mekre di bangsa drei. Kadha vak di TS. Văn Thị Thanh Mai - Mban Tuyên giáo Trung ương brei thau dom bruk ngak siam hu taong abih urang Đảng, taong abih bhap bini daok ngak dalam bruk bayar dhar phor tukvak tapa.

Lingiu dom bruk thau dhar thau phor, dalam tuk 27/7 yaok thun, rilo jabat, kapul nyaom saong menuac urang hu ba gauk nao duah halau gha, nao tal dom inem mek sajarah, dom taneh kabo liệt sĩ piah hadar, piah thau dhar phor urang ndih trun. Di taneh kubo pakat negar Trường Sơn haong taneh kubo jalan 9 di tỉnh Quảng Trị, dom harei ini, oh tuk halei joa menuac mai cuh gilau, caik bingu angaok dom baoh kubo liệt sĩ.

Tok dalam 12 harei di kreh bilan 7 rah tabiak tal klau mbang bala angaok jalan mbak biak trak di dom tỉnh, ban. Saong biak mbuan mboh lac, klau mbang bala angaok jalan mbak biak trak ini jeng ba tal metai lahik biak rilo saong jeng rah tabiak dalam tuk melam, dalam nan hu dua bala (di Kon Tum saong Bình Thuận) dalam vaktu meng 23 tuk tal 6 tuk page. Tui TS Trần Hữu Minh, Phaok Chánh Văn phòng Ủy ban An toàn giao thông negar, njauk tal tuk ngak catang adat hukum pajeng tuk melam.

Hadei di sa tukvak atah kareik pabah mbang kayua jit Covid-19, dom labik pablei salih, dịch vụ, dom labik pah ndih daok saong labik rivang ma-in di Bình Thuận hu peih mbang taduan raok veik tuai damuai. Piah pachreih tuai nao rivang ma-in, gah du lịch Bình Thuận hu dom jalan ngak yau habar?

Dom harei tapa, bhum taneh bal raya HCM bhian hu hajan prong, ngin khang, mbuan ba tal rilo bala angaok kraong. Dalam tuk nan rilo ghe gilai nao tapa labik ini jeng oh ka saneng abih tal bruk khik hu siam mekre tuk hajan ribuk khang, tuh mai.

Thun bac 2020-2021 lac thun bac ka 2 TPHCM peih bruk pilih ruah anek saih dom tal bac akaok pakat tui jalan online. Tapa 2 thun peih ngak, bruk ini hu daong ka bruk tut angan pilih ruah di amaik ame saong anek saih hu mbuan lagaih jang, tapa nan paglaong bruk khik iek di dom sang bac.

Adit tapa, Kapul urang ngak bruk di Quốc hội kayua Phaok Akaok Quốc hội Phùng Quốc Hiển pal akaok kapul hu nao tapak tal labik ngak bruk piah pasang iek bruk peih ngak danak dak Sang mac điện aia harei Trung Nam - Thuận Nam 450MW pambuak haong balai biến áp 220/500kV saong jalan talei 500kV, 220kV di xã Phước Minh, huyện Thuận Nam, tỉnh Ninh Thuận.

Pilih bruk ngak piah bac yau habar ka nyu lagaih haong hatai takre jeng ye prein bac di dei lac bruk suh sah di jaik abih anek saih tal 12 anak mbang pakacah THPT. Urang vak Minh Hường hu kadha vak ndom ka bruk ini piah ka dom amaik ame saong dom adei anek saih hu thau cambaih jang: