Tuk ban raya HCM peih bruk brei menuac sia daok atah di gauk tui Sarak 16 di Thủ tướng Rajaei piah pacang caga jit Covid-19, ye mikva dom tỉnh bhum kreh negar jeng ba gauk tame caga pandap mbang payua tagok dom sruh radaih tame gah meraong, saong daok kuhria daong ka ban raya HCM meng abih hatung hatian, yau jalan bo menuac sia di ban raya HCM nao tal bhap bini bhum kreh negar dalam dom tuk kan kandah dom pluh thun tapa. Kadha vak di Nguyên Khôi angaok báo SGGP hu daong ka kol drei thau cambaih jang ka talei rohim anit ranam gauk di bhap bini tuk kan kandah ini:

Dalam tukvak padang danak ka bruk pablei kaya nong di gah ngak nong, Sở Ngak nong saong patagok palei pala tỉnh Đồng Nai biak sangka pambuak bruk haong dom gah, dom puk palei saong doanh nghiệp, HTX…dalam tỉnh piah hu jalan pajeng ba, pablei dom janih kaya nong piah lagaih haong bruk rah tabiak di jit ruak Covid-19 piah ka pandap panda dalam tỉnh hu pajeng ba samar drah, siam mekre. Sở jeng hu pambuak bruk haong dom jabat thông tin đại chúng dalam tỉnh piah khan brei thau ginup saong samar drah ka darak pasar, ka yaom kaom, dom sarak daong brei, jhul pakhang bruk pablei kaya nong di Karja, brei thau dom labik pablei pandap panda grap tanat yaom kaom saong kaya mbang hacih sa-at ka bhap bani puk palei. Daa mikva saong taong abih gauk pang kadha vak di Bình Nguyên angaok báo Đồng Nai brei thau ka jalan ngak ini di gah ngak nong tỉnh Đồng Nai:

Bruk pacang caga jit Covid-19 tui jalan ngak “3 di labik” atau “1 jalan nao, 2 labik” lac bruk brei peih ngak samar drah dalam tukvak jit Covid-19 rah tabiak khang di urak ini piah ka dom doanh nghiệp (DN) gam khik hu pren yava ka urang ngak, gam pacang caga jit hu siam jang. Taphia dom DN thau kuhria caga dahlau saong peih ngak siam, jeng daok hu rilo DN gaok kan kandah oh ka peih ngak hu. Kadha vak di Ái Vân angaok báo SGGP hu ndom tal bruk ini:

Blei pandap tapa app, tapa website… oh lac bahrau bahrang ngan haong rilo manuac urang min daok hu pachreih tagok kayua nyu daong ka urang blei pandar hu siam mekre salamat dalam tuk daok brei pa-atah di gauk. Dom siêu thị, labik pablei pandap… jeng daok kham merat patagok parilo pandap panda, pabak menuac ngak piah jhul khang bruk pablei pandap online, ba pandap tal sang ka urang blei pandar. Kadha vak di Hoàng Lộc angaok báo Đồng Nai brei thau ka dom siam laghaih di bruk pandar công nghệ piah blei pandap dalam tuk rah tabiak jit prong Covid-19 di tỉnh ini:

Bhap bani juai huac piah ka thei jeng blei hu pandap mbang, menyum - nan lac panuac ieu di Liên hiệp Hợp tác xã Pablei salih bal raya HCM (Saigon Co.op) hadei di tuk hu veik bruk rilo menuac kateik angaok gauk nao blei biak rilo pandap mbang menyum di dom siêu thị dalam harei 14-7 meng blaoh. Kadha vak di Tấn Thanh angaok báo SGGP brei thau ka bruk kuhrai caga pandap di bal raya HCM piah ginup pablei, oh caik ka nyu klaih klaoh, meng nan kakei bhap bini jhui huac kurang pandap piah plaih bruk pataom gauk rilo piah blei dalam sa tukvak:

Anak bruk hu rilo urang njom COVID-19, rilo sruh njom mbak biak srau kadau dalam rahra di dom tỉnh, ban dalam bhum taneran kraong Cửu Long, bahrau ni Phó Thủ tướng rajaei Vũ Đức Đam, akaok mban pato tacei pakat negar pacang caga jit COVID-19 hu pei mbang nyaom online haong urang par akaok 12 dalam 13 tỉnh, ban bhum taneran kraong Cửu Long ka bruk pacang caga jit. Di mbang nyaom, Phó Thủ tướng hu ba tabiak rilo panuac pato tacei hu makna praong ngan haong bruk pacang caga jit ruak di tuk ni. Hadei di ni daa mikva saong taong abih gauk pang dahlak pataom veik asal panuac pato tacei di Phó Thủ tướng Vũ Đức Đam:

Dalam tuk jit ruak Covid-19 tamuh khang veik di rilo tỉnh, ban dalam negar, dom doanh nghiep di tỉnh Ninh Thuận hu peih ngak rilo jalan pacang caga jit piah khik hu salamat ka urang ngak, gam khik bruk ngak tabiak pandap panda hu siam mekre. Kadha vak di Minh Triều- urang pambuak bruk saong Rayo sap ndem VN daok di tỉnh Ninh Thuận hu daong ka mikva saong grauk ayut hu thau cambaic jang ka bruk kham merat ngak dua bruk haong gauk di dom doanh nghiep di tỉnh ini:

Pathau mikva saong taong abih gauk, Ban raya HCM dalam mbang jit ka 4, rilo bruk ngak, daok dang anak rilo kan kandah. Min dalam kan kandah ini, bhap bini ban raya daok daong gauk tui jalan "hala siam pacang hala tahak" ba gauk yam tapa kan kandah. Rilo bruk daong gauk dalam bilan jit yau ATM brah, labik pablei pandap 0 đồng, sruh radaih 0 đồng, daong pandap mbang ka urang daok dalam labik brei daok karei...Menuac daong prein, menuac daong pandap, ba gauk yam tapa jit praong.

Tuk jit ruak Covid-19 tamuh tabiak saong njom mbak samar tame dom labik ngak kong dalam tỉnh, piah gam pacang caga jit, gam khik ramik bruk ngak, rilo doanh nghiệp di Bình Dương hu ba tame pandar jalan ngak 3 di labik, lac: mbang - daok - ngak bruk di sang mac. Bruk ini piah daong patrun njom mbak jit ruak tame sang mac, khik salamat ka urang ngak. Thiên Lý – urang vak di rayo sap ndem VN daok di ban raya HCM hu kadha vak brei thau ka bruk ni, daa mikva saong taong abih gauk tui pang:

Meng di tuk jit ruak Covid-19 tamuh tabiak, bruk ngak mbang pablei salih di dom doanh nghiệp dalam tỉnh Tiền Giang gaok rilo kan kandah. Min, piah ba bruk ngak ka urang ngak saong khik takai tuai damuai, dom doanh nghiệp di tỉnh Tiền Giang daok kham marat yam tapa kan kandah piah ngak hu 2 bruk haong gauk nan lac, gam ngak mbang pablei salih gam pacang caga jit praong. Kadha vak di urang vak Nhật Trường brei thau ka bruk nan: