Meng bruk daong sa palei dalam xã njauk pacang veik kayua jit COVID-19, kapul mikva palei Karang (Vĩnh Hanh), bo dalam nan rilo meng lac gru pato hu padang jeng kapul ngak pahla nao daong dom rahra gaok kan kandah. Bruk ngak biak hu makna di dom urang Cam daok di palei Karang, xã Phú Lạc, huyện Tuy Phong, tỉnh Bình Thuận ngak brei pambak prong bruk anit ranam gauk, daong brei ka gauk di yaok anek menuac dalam jit praong. Đoàn Sĩ – urang vak di rayo sap ndom VN daok di bal raya HCM hu kadha vak ndom tal kapul urang ngak pahla ini:

Meng lavik mai, dom Danak dak di Rayo sap ndom Việt Nam lac oh kurang hu di urang pang rayo. Daok danak dak papar sap Khmer di Rayo sap ndom Viet Nam langiu di pabak dom adat, hukum, dom sarak di Đảng, Karja, ilamu ngak mbang, pala drak, daok brei thau dom bruk di taneh ia haong angaok dunya biak samar drah saong biak tantu, cambaih laih. Abih di nyu lac, meng tuk jit COVID-19 tamuh khang, Danak dak papar sap Khmer daok hu yaom jang ngan haong bhap bini Khmer. Kadha vak hadei ini di Thạch Sa Oanh – urang vak di rayo sap ndom VN daok di bhum taneran kraong Cuu Long hu daong ka mikva saong taong abih gauk hu thau cambaih jang ka bruk anit ranam di bhap bini Khmer Nam bộ brei ka Rayo sap ndom VN:

Dalam mbang tamuh jit COVID-19 mbang ka 4 ini, Đắk Lắk hu labaih 1 ribau urang ruak COVID -19, lac tỉnh hu urang ruak rilo abih dalam bhum Tây Nguyên. Manuac urang njauk ruak dak harei dak rilo, naong trak kateik tagok gah y tế dak harei dak prong ye yaok urang y tế, gru jru gaok rilo kan kandah karei di gauk. Min di bruk ngak halei, dom urang nan jeng ba abih pren yava tabiak piah nduac pakacah haong tukvak rik daong jhul kadhul likuk jit ruak. Rilo urang njauk klaak abih dom bruk di rup drei piah ngak siam bruk hu jao brei. Kadha vak di Nam Trang, urang vak di Rayo sap ndom VN daok di bhum Tây Nguyên hu ndom tal asal kadha ini, daa mikva saong taong abih gauk tui pang!

Dalam 2 harei 4-9 saong 5-9, kapul ngak bruk di ban raya HCM kayua ong Nguyễn Văn Nên, Ủy viên Bộ Chính trị, Bí thư Thành ủy ban raya HCM ba akaok, hu van ngak bruk haong huyện Củ Chi saong quận 7 ka dom bruk ngak hu praong meng harei 15-8 tal ini saong dom jalan ngak prong dalam cang caga jit Covid-19 di dua quận, huyện. Di dom mbang ngak bruk ini, Bí thư Thành ủy ban raya HCM hu caik hatai tui pang panuac khan di 2 quận huyện urak ini pasang iek hu siam jit Covid-19 saong ba tabiak dom jalan pacang caga jit di ban raya HCM ka nyu laghaih haong tukvak bahrau. Kadha vak di Mạnh Hòa angaok báo SGGP hu ndom ka bruk ini:

Hadei di tuk hu taong abih ruak, rilo F0 halar hatian mai veik sang iek ruak dã chiến daong y bác sĩ mong iek, daong ka dom F0. Urang vak Hòang Thọ di VTC News hu khan brei khaol drei thau dom dalikan biak drut droi ka dom urang halar hatian, lac dom F0 abih ruak:

Bak klau bilan kuhria meng tuk bal raya peih bruk brei daok atah di gauk, dom urang vak di rayo sap ndom VN daok di ban Raya Ho Chi Minh saong bhum Đông Nam bộ ngak bruk oh thau harei melam, hu gaok saong ngak dom bruk bo drei oh ka saneng mboh hu. Dalam harei pahadar ini, khaol drei pang Urang vak Nguyễn Ngọc Năm- Yam ndok rayo sap ndom VN daok di ban raya HCM khan veik dom dalikan dalam biak rilo dalikan kan var hu di dom urang vak di Rayo sap ndom VN daok di ban raya HCM – labik pasak jit ruak:

Thun ini oh lac mbang đặc xá akaok meti tui Hukum Đặc xá thun 2018, bo daok lac mbang đặc xá akaok meti hadei di jak jeng siam mekre di Nyaom roya Đảng pakat negar mbang ka XIII, palih ruah urang ka QH mbang XV saong Urang ka HĐND dom pakat vaktu 2021-2026. Dom bruk chính trị praong ini, oh lac pamedeih tagok khang kadang hatai sahneng, hatai caong cak rok patagok taneh ia, pakhang pakajap hatai jia di bhap bini tame bruk salih birau saong patagok pachreih tui dunya ngan saong angan je, labik dang di Viet Nam, bo daok brei mboh jalan tacei ba, sarak njauk di Đảng saong Karja drei dalam bruk jhul patagok saong khik caga quyen anek manuac. Hadei di ini da-a mikva saong grauk ayut pang kadha vak di Phó Thủ tướng Rajaei Phạm Bình Minh – Akaok kapul Tư vấn đặc xá 2021 ka makna chính trị di bruk đặc xá thun ini:

Kayua jit ruak Covid-19 nan ye di rilo bhum palei urang bangsa takik di dua tỉnh: Ninh Thuận saong Bình Thuận, bruk tame thun bac birau jeng gaok rilo kan kandah. Min dom sang bac, dom anai gru cei gru saong amaik ame anek saih daok kham merat yam tapa dom kan kandah piah meda hu pato saong bac. Hadei di ni, da-a mikva saong grauk ayut pang kadha vak di Nyaom uarng vak saong Urang pambuak bruk di Rayo sap ndem Viet Nam brei thau bruk bruk kham merat yam tapa kan kandah nan di rilo sang bac dalam bhum urang bangsa takik di dua tỉnh nan:

Dom kan kandah di jit COVID-19 dalam jaik 2 thun tapa ngak brei salih karei raidiuk saong bruk bhian randap di rilo rahra. Lingiu dom bruk oh siam yau oh ngak tui bruk takik brei tabiak jalan, pataom gauk menyum alak mbia dalam tukvak pa-atah di gauk, ndom puac oh njauk ka jit ruak ngak brei menuac sia suh sah…, ye dom bhian randap siam, ilamu mekre ka bruk anit ranam gauk, daong ba gauk, klah rabha ka gauk di rilo rahra daok hu pambak praong dalam yaok baoh sang. Kadha vak di urang vak Thuỷ Tiên:

Oh lac tal tuk jit Covid-19 tamuh tabiak ye bruk pablei boh thanh long di tỉnh Bình Thuận meng gaok kan kandah, bo dalam rilo thun tapa, kayua pagam pambak tame labik blei nan ye bruk “pala njauk, yaom laik” gam gam rah tabiak ngak ka urang nong song karja pak ni“pandik akaok”. Kadha vak di Nguyễn Tiến angaok mbao Sài Gòn Giải Phóng brei thau ka bruk ni, daa mik va song tong abih gauk tui pang: