Hadei di tuk TP.HCM, Long An, Bình Dương, Đồng Nai pacadu bruk pa-atah di gauk, menuac hu palei daok di dom tỉnh bhum taneran kraong Cuu Long, Tây Nguyên, bhum kreh negar haong dom tỉnh gah barak ba gauk duah jalan nao palei veik. Bruk ba gauk nao praong oh ka bhian mboh, tabiak truh bhum kinh tế praong gah Meraong, ngak ka rilo doanh nghiệp gaok kan kandah kayua kurang menuac ngak. Meng ini, bruk ba tabiak lac jalan ngak halei piah ka urang ngak diuk hu sron mbon, siam mekre yaom lac hu bruk praong dreih yau jit praong COVID-19. Kapul urang vak di rayo sap ndom VN daok di ban raya HCM hu kadha vak: Langyah bruk kurang menuac ngak di pasak ngak kong gah meraong, hu ndom ka bruk ini:

Hadei di tuk bruk pa-atah di gauk piah pacang caga jit ruak hu pacadu, TPHCM haong dom tỉnh dalam bhum kinh tế praong gah Meraong yau Đồng Nai, Bình Dương .... jeng hu panuac ieu urang ngak daok veik. Min tukvak dom doanh nghiệp peih pabah mbang oh ka thau, labik mbang labik daok oh ka tani tanat saong abih di nyu lac bruk huac jit ruak mai veik, ngak ka bruk khik takai urang ngak lac biak kan kandah. Kadha vak di Tất Đạt brei thau ka jalan maong di dom chuyên gia ka bruk ini tapa mbang taom mbaok di mBan Roh duah patagok kinh tế tư nhân haong dom hiệp hội doanh nghiệp bahrau ini.

Thun bac ini, dalam tuk jit ruak, anek saih dom pakat di TP.HCM tui kuhria brei bac online tal abih học kỳ 1. Gam haong nan, lac bruk kham merat oh padeih di sang bac, di dom cei gru, anai gru, pato bac online habar ka dom anek saih mboh chreih chrai, piah pachreih bac. Kan kandah lac bruk oh plaih hu tuk pato bac tui jalan online. Da-a mikva saong taong abih gauk pang kadha vak di Vũ Hường, urang vak di rayo sap ndom VN daok di TP.HCM piah thau cambaih jang dom glaih glar di dom cei gru, anai gru saman pato bac online:

Piah caga ka bilan bingu Tết Nguyên đán 2022, tukvak ini urang nong pala bingu di tỉnh Bà Rịa – Vũng Tàu daok trun pajaih. Thun ini langik lagaih ka bruk pala bingu Tết, min kayua kan kandah di jit praong COVID-19, nan ye rilo urang nong oh khin trun pajaih saong daok duh hatai ka darak pasa puac thun. Kadha vak di urang vak di rayo sap ndem VN daok di ban raya HCM brei thau ka bruk nan:

Tal tuk vak ni, ia di dom labik gah angaok di tỉnh An Giang biak beir, ala tanut báo động 1, ngak ka rahra ngak mbang duah jien bilan ia ndik gaok rilo kan kandah. Dom thun jiak di ni, karja pak ni hu pachreih ba, dong ka rahra peih dom bruk ngak mbang duah jien lagaih haong bruk oh hu ia ndik. Urang vak Phan Ánh hu kadha vak brei thau ka dom palei gah angaok di tỉnh An Giang:

Oh ka tal sa adit, hu labaih 17.000 urang meng dom tỉnh gah merong mai veik Đắk Lắk. Tok hu dom urang mbuan njom ruak meng brei dok karei pataom sa labik, dok veik rilo meng brei dok karei di sang. Tuk ni, dom kapul COVID bhap bini di Đắk Lắk dok patagok siam lagaih, pathau khan song pasang iek catang bruk pacang caga jit meng yaok boh sang. Urang vak di rayo sap ndom VN dok di Tây Nguyên brei thau ka bruk ni di huyện Chư Kuin.

Hadei di labaih 3 thun ngak harak hồ sơ tut angan khik caga tacei pato địa lý di Japon, Thanh long Bình Thuận di Việt Nam bahrau hu Mintri ngak nong, ngak glai, ngak ikan Japon pok brei harak. Ni lac mbang camereip Thanh long Bình Thuận hu khik caga tacei pato địa lý di Japon , song lac kaya nong ka 2 di Việt Nam (hadei di vải thiều Lục Ngạn) hu Japon brei harak tacei pato địa lý. Kadha vak di urang vak Tạ Lan brei thau ka bruk nan:

Kayua jit COVID-19, doanh nghiệp pajeng pandap, pajeng menuac, radaih ngak mbang eng daok gaok biak rilo kan kandah, oh hu jien tame, min dok bayar rilo janih jien. Urak ni, doanh nghiệp pajeng ba dok jiak phá sản, dang anak dom pok jien sre tagok rilo song cong khin samar hu jalan ngak dalam tukvak siam mekre bahrau.. Mạnh Phương, urang vak di rayo sap ndom VN hu kadha vak ndom ka bruk ni.

Po Gru Hán Đô di palei Vụ Bổn, xã Phước Ninh, huyện Thuận Nam urak ini lac urang dang akaok Hội đồng Halau janeng Chăm Ahier tỉnh Ninh Thuận. Meng labik dang di drei, tukvak tapa, po gru Hán Đô pambuak haong pakat ủy saong karja palei jak ba mikva urang Cam gul pataom gauk peih ngak siam dom jalan pacang caga jit COVID-19. Kadha vak hadei ini di Sơn Ngọc angaok báo Điện tử Ninh Thuận ndom ka Po gru ini:

Angaok bản đồ COVID-19 di tỉnh Bình Thuận, Bắc Bình lac bhum hijao. Piah khik kajap "bhum hijao", tukvak tapa, dom xã harat urang Cam lac: Phan Thanh, Phan Hoà, Phan Hiệp hu patagok dom menuac khik iek di dom canah jalan tame palei, gam haong rilo jalan ngak biak gheih yau kapul pasang iek bol bhap rahra, dom halau janeng haong bhap bani eng drei khik iek...rik daong haong karja palei khik caga bhum hijao dalam huyện. Kadha vak di Jasi – urang vak di Rayo sap ndom VN daok di ban raya HCM hu ndom ka bruk ini: