Pathau mik va song tong abih gauk, Dalam tỉnh Gia Lai urak ini hu labaih 13 rabau urang njom jru mek klik kruac, dalam nan hu jaik meteh lac dom urang njom tapak tuk hu mbaok tame mesruh metak. Daok veik lac dom urang rai ka 2, ka 3. Sang di dom urang njauk jru mek klik kruac rilo meng lac sang kan kandah. Kayua yau nan ye, urang caong hu bruk sangka daong brei di dom pakat karja jeng yau dom urang ngak pahla piah patrun dom pandik harao di mesruh metak caik veik. Thau hu bruk ini, nan ye yaom lac sa tỉnh kan kathaot min Gia Lai hu rilo bruk ngak siam piah daong ka dom urang gaok bala meng mesruh metak, daong ka urang diukrai bui sambai, khang kadang saong hu kein laba. Kadha vak hadei ini di Hồng Điệp hu daong ka kol drei thau cambaih jang ka dom bruk ngak hu makna ini:

Pathau mik va song tong abih gauk! Ndom tal biệt động, thei jeng thau nan lac dom urang ngak bruk dalam labik kol khamang, joa kandang dang anak bruk mbuan metai lahik, ngak jeng dom jayah praong. Hadei di harei taneh ia yasa, rup binguk dom urang lin biệt động hu brei mboh tapa dom phim sajarah ka Biệt động Sài Gòn, min takik thei thau lac di tỉnh lỵ Long Khánh (urak ini daok dalam tỉnh Đồng Nai), dalam dom thun bilan “taong ka Mỹ nduac, taong ka ngụy jaleih” hu 1 kapul biệt động bo angan je di dom urang nan hu kak kajap haong mbang mesruh 12 harei melam sajarah, taong tayah “pabah mbang pasei” Xuân Lộc, labik pacang puac abih ngak jeng jayah Mùa xuân thun1975. Di tuk pahadar 44 thun peih paha gah meraong negar, da-a mikva saong taong abih gauk hadar veik sajarah hào hùng ngan haong dom chiến công thầm lặng di biệt động ban sit Long Khánh tapa kadha vak di dom urang pambuak bruk Thế Anh saong Vinh Quang:

Thưa quý vị và các bạn! Angaok bhum taneh tapen negar Tây Nguyên, rai diuk di mikva dom bangsa takik jeng daok rilo kan kandah. Ngak habar piah daong ka mikva salih jalan saneng jalan ngak, dom puk palei hu hadah hadai tagok, lac bruk suh sah di pakat ủy, karja palei. Sa dalam dom danak dak tuk camereip hu ba mai siam mekre nan lac bruk dom đồn biên phòng patagok urang jakar, urang đảng mai sinh hoạt di dom xã, dom puk palei tapen negar. Công Bắc, urang vak di rayo sap ndom VN daok di Tây Nguyên hu ndom kaa jalan ngak siam gheih ini di Bộ đội Biên phòng tỉnh Gia Lai:

Anak bruk pandiak bhang, njaom mbak daok rah tabiak khang di bhum taneran kraong CL, tỉnh Hậu Giang hu peih ngak rilo jalan piah pacang mbak, pataom aia taba piah pandar, piah pala drak ka mikva. Meng hu yau nan, meng akaok bilan thu tal ini, bhap bani dalam tỉnh oh ka njauk khat lahik kayua tua riya pandiak bhang, njaom mbak ba mai. Kadha vak di Tấn Phong- urang vak di rayo sap ndom VN daok di bhum taneran kraong CL.

Tok dalam sa tukvak katut panak, angaok jalan Roya 20 labik nao tapa tỉnh Đồng Nai gam gam rah tabiak dom mbang bala angaok jalan mbak biak trak, caik veik dom pandik harao prong. Njauk duh hatai lac bruk nao mai angaok jalan roya ini jeng daok mbuan hu bala meyah oh samar hu dom jalan ngak piah pasiam veik. Urang vak Xuân Lượng, Jabat lambaok rayo sap ndom VN daok di bal raya Hồ Chí Minh hu kadha vak ndom ka bruk ini:

Tukvak jaik di ini, taneh nền di dom puk palei yau di huyện Vân Đồn (tỉnh Quảng Ninh), tỉnh Quảng Nam, bal raya Hồ Chí Minh, Đà Nẵng, abih di nyu lac di Hà Nội hu mboh bruk sốt “ảo” ngan haong yaom biak glaong dut haong puac thun 2018. Anak dom kadha kanjah jhak di darak pasar, dom chuyên gia kakei bhap bani njauk mong iek ka nyu tani tanat dahlau di tuk blei piah plaih khat lahik. Kadha vak di urang vak Thành Trung ndom ka bruk ini:

Piah ngak jeng bruk bhian randap puac tapuk ka anek saih, dom thun mai ini, rilo sang bac, rilo kapul nyaom di TPHCM hu peih ngak dom bruk ka ilamu puac tapuk. Rilo labik, rilo danak dak yaih khan tác giả - tác phẩm atau bruk alin hadiah tapuk hu peih ngak gam gam di dom sang bac, abih di nyu nan lac sang bac di huyện lingiu ban, bhum atah bayah. Meng mboh lagaih, dak harei dak hu rilo anek saih ruah tapuk ngak ayut sahabat saong mboh bhian randap haong bruk puac tapuk. Dom kham merat ini hu Mỹ Dung, urang vak di rayo sap ndom Việt Nam daok di TPHCM ndom tal dalam kadha vak hadei ini.