Tui pathau khan meng dom puk palei, 6 bilan akaok thun 2020, dalam taneh ia mboh hu 74 bruk, pambuak tal 104 urang, pachot pablei 98 menuac. Dom urang kumei njauk lah pachot pablei tabiak taneh ia lingiu, rilo meng njauk kateik greik ngak diuk di urang dalam taneh ia nan, atau kateik greik ngak kumei me-in. Piah pacang cakak bruk ini, khik caga urang kumei haong uranaih kumei plaih di bruk pablei salih menuac, dom pakat kapul urang kumei hu labik dang biak praong.

Hadei di rilo thun buh phun jien tame pala phun mai kiểng, thun ini rilo mikva urang ngak nong daok di palaei mai kanyik Tân Tây, huyện Thạnh Hoá tỉnh Long An biak chreih chrai kayua samar hu mbaoh tangin tame harak pambuak bruk pablei mai kanyik di tuk Tết Nguyên đán jaik tal.

Pathau mikva saong taong abih gauk! Yaom lac patagok kinh tế (GDP) dalam abih thun 2020 di Việt Nam tui kuhria mboh dahlau lac tok hu oh ka tal 3,5%, min dalam tuk rilo taneh ia angaok dunya daok glaih glar haong jit ruak Covid-19, kinh tế oh tagok atau tagok tanut kadun likuk… ye dom bruk kinh tế-xã hội thun 2020 bo Việt Nam mek hu, cambaih laih lac kinh tế tagok saong tani tanat, lac biak njauk pok meyaom. Jalan cakrok kinh tế dalam thun 2021 lac jalan peih tabiak praong ka patagok di abih vaktu 5 thun 2021-2025. Kadha vak hadei ini di urang vak Nguyên Long:

Thun 2020, dalam tuk kinh tế Ban raya HCM gaok rilo kan kandah, rilo gah ngak mbang trun ye gah pablei salih tabiak negar langiu jeng daok tagok glaong ngan saong jien mek tame abih tih di ban raya, kuhria mboh hu labaih 44 tỷ USD, tagok 4,6% dut saong tukvak ini thun dahlau. Bruk mboh lac siam lagaih nan hu khan brei thau dalam kadha vak di Lệ Hằng, urang vak di Rayo sap ndem VN daok di ban raya HCM:

Anak bruk jit ruak Covid-19 daok rah tabiak sraw kadau, piah pacang caga jit ruak pambak praong, gah chức năng dom palei bhum taphia negar Tây Nam daok peih ngak catang bruk pasang iek piah pacang cakak urang nao mai suan hukum di bhum taphia negar. Kadha vak di kapol urang vak di Rayo sap ndem Viet Nam daok di bhum taneran kraong Cuu Long brei thau ka bruk nan:

Dalam thun 2020, bruk kol pajeng ba pablei salih matuy rah tabiak srau kadau di dom tỉnh bhum taphia negar Tây Nam nan lac: An Giang, Đồng Tháp, Kiên Giang, Long An…Yaom lac, gah chức năng hu peih ngak rilo jalan pacang caga min kol pajeng ba pablei salih matuy tuk hlei jeng dauh jalan, oh huac hukum, pajeng ba matuy tame negar, ngak brei labik ini jeng labik pandiak gah matuy. Kadha vak di Phan Ánh brei thau ka bruk ini:

Dalam tukvak tapa, dalam tỉnh Bình Thuận rah tabiak rilo bruk co klaik drap ar di bhap bani. Oh lac tagok rilo bo jalan ngak di kaol co klaik dak harei dak jhak, oh daok huac hagait piah co klaik. Hu oh takik kol co klaik lac dom urang nyien njuk ma túy, abih di nyu lac dalam tuk jaik abih thun klak thun bahrau si mai ye bruk co klaik pandap panda dak harei dak rilo.

Piah rik daong khik kajap siam mekre puk palei, tukvak tapa, dalam bhum hu rilo urang bangsa takik daok di tỉnh Bình Thuận hu padang dom bruk eng drei khik, eng drei caga, khik kajap an ninh trật tự. Urak ini dom bruk ini daok cak rok patagol siam mekre, rik daong khik kajap an ninh trật tự di puk palei, bhum urang bangsa takik. Dalam nan njauk ndom tal bruk “Eng drei khik, eng drei caga” ngan haong bruk hu mbaok di dom halau janeng Cam di xã Phan Thanh, huyện Bắc Bình, tỉnh Bình Thuận.

Eng drei khik ramik đại học daok lac bruk hu dom sang bac đại học sangka kayua meda peih tabiak rilo jalan ka dom sang bac cakrok saong yam tame dunya. Min urang bac daok huac dom sang bac đại học hu eng drei khik ramik lac tagok jien bac saong hu pasiam labik bac megru haong ilamu dom gru pato hu patagok halei oh.

Di bal hu rilo menuac abih yau bal raya HCM, bruk duah hu labik daok tani tanat tuk halei jeng lac biak kan. Tapa dom pathau khan ka darak pasar di rilo doanh nghiệp roh duah ka darak pasar sang daok brei mboh di bal raya HCM daok hu bruk glaong - biar gah cung - cầu dom danak dak sang daok chung cư. Dalam nan, dom baoh sang hu yaom lagaih haong dom urang caong daok biak, hu jien mek tame gap mbiah jeng oh ka pabak hu.