Yaok thun, urang dang akaok tỉnh Bình Dương jeng hu peih meng 2-3 mbang ndom biai nao mai pakat tỉnh; daok pakat puk palei ye hu peih ngak gam gam. Tapa dom mbang ndom biai nao mai, urang dang akaok tỉnh hu pang tapak panuac caong di bol bhap rahra. Hu biak rilo bruk di rahra ba tabiak hu dom pakat karja langyah samar drah.

Danak dak cak rok patagok Liên hợp quốc di Việt Nam (UNDP) pambuak saong pasak pabak prein khang ka anek manuac bahrau peih ngak danak dak “pato pakai công nghệ thông tin oh mek jien ka urang joh jo”, piah ba bruk ngak online ka urang joh jo pak di sang.

Tui danak dak daok hu Sở Kế hoạch saong Đầu tư tỉnh Bình Thuận mek panuac piah pok tagok UBND tỉnh brei tapa, Bình Thuận meda brei ngak iek dui atah tukvak peih dom bruk ngak mbang pablei salih melam tal maong 6 dah page harei hadei di dom ban, labik rivang main praong, labik hu rilo tuai main. Meng danak dak ni, caong lac gah rivang main Bình Thuận meda hadah hadai jang hadei di tukvak jit ruak Covid-19, ba mai kein laba oh sit ka bhap bini dalam palei.

Tui Mintri Y tế, Việt Nam urak ni lac sa dalam 4 negar gam saong Anh, Đức, Thụy Sĩ hu bruk taong ruak HIV/AIDS siam abih di dunya ngan saong dom urang njom HIV hu iek ruak meng jru ARV hu dom virus ala tanut pacang cakak hu lac 96%, rik daong patrun bruk njom mbak HIV dalam rahra. Dalam bilan ngak pakat negar pacang caga HIV/AIDS thun 2020, Việt Nam pataom tame asal kadha “30 thun pacang caga saong dom siam lagaih piah cakak abih jit praong AIDS di Việt Nam”. Ini lac tukvak praong piah maong viek dom jak jeng di danak dak pacang caga HIV/AIDS, pataom veik dom ilamo piah ka rahra sa tangin haong gauk jhul kadhun likuk jit praong HIV/AIDS

Kayua kan kandah di jit ruak Covid-19, rilo doanh nghiệp di ban raya HCM hu tuk brei padeih ngak saong brei ka urang ngak padieh bruk. Min, jaik di ni mboh biak uan tabuan lac rilo doanh nghiệp di ban raya daok caong pilih ruah labaih 62 ribau urang ngak bruk kayua hu labik daok caong blei pandap, rilo abih lac doanh nghiệp ngak pandap pandar yaok harei, caga pandap panda ka Tết Nguyên đán anak tal.

Peih tabiak meng bilan 5 thun 2004, labik padeih padei 4 patuk Pandanus Resort, Mũi Né, Phan Thiết, lac sa dalam dom labik ngak mbang gah rivang ma-in pambuak pagam haong bruk khik ramik ilamu puk palei di tỉnh Bình Thuận. Taong abih labik padeih padei hu padang ngak ndung bak rilo inem mek ilamo Cam, ngak brei ka tuai caik hatai tal dom kadha biak karei, saong daok rik daong tame bruk khik ramik saong meyaih khan ilamo Cam… Daa mikva saong taong abih gauk tui pang kadha vak di Đoàn Sĩ – Urang vak di rayo sap ndom VN daok di bal raya HCM hu ndom tal bruk ini:

Cục siam mekre salamat pandap mbang (di Mintri Y tế) brei thau dom website, ứng dụng pablei salih điện tử daok pablei dom janih kẹo Hamer hu janih jru pasiam ruak di urang likei oh mbang ndih haong diuk hu, biak jhak ka prein yava. Akaok bilan 10 meng blaoh, gah chức năng mbang camriep hu mboh “ia pa-ok” – lac janih bahrau di ma túy atau janih ngak ka drei ma-hu takre hu sarau tame ia manyiek di pakao điện tử.

Thuận Hà, Thuận Hạnh lac 2 xã tapen negar di huyện Đắk Song, tỉnh Đăk Nông. Labik ni hu 2 jalan roya 14 saong 14C nduac tapa, hu rilo urang bangsa takik di gah barak tame daok. Sa thun tapa, tuk kapul công an chính quy hu ba mai ngak bruk di dom xã, kol co, klaik, bruk tội pham di Đắk Song trun daok takik; rilo bruk pambuak tal ma túy njauk taong yah, rik daong ka bhap bini sanang hatai ngak mbang, ngak hu jak jeng danak dak padang ngak palei pala bahrau di bhum tapen negar.

Dom thun tapa, bruk alin brei taneh ngak jalan di rilo puk palei dalam tỉnh Long An rah tabiak khang. Di huyện Tân Hưng, hadei di rilo thun jak ba bhap bani rik daong pren yava jien padai, jalan nao mai dalam palei Kênh Lộ Ngang hu ngak salah blaoh saong ba tame pandar. Canah jalan ini oh lac tol pambuak pagam dom xã di huyện Tân Hưng haong gauk bo daok pambuak pagam haong dom jalan nao mai dalam tỉnh Đồng Tháp. Bruk njauk biai nan lac, bhap bani huyện tapen negar Tân Hưng halar hatian alin labaih 6ha taneh peih prong jalan.

Tui tacei pato Xứ ủy Nam kỳ, maong 1 harei 23-11-1940, bruk Khởi nghĩa Nam kỳ di tỉnh Mỹ Tho tamuh tabiak. Kalan Long Hưng hu Ủy ban Khởi nghĩa tỉnh palih ruah ngak labik ngak bruk. Di pak ni, mbang camereip dalam negar, hala dok meriah bhong patuk kanjik katam hu tual angaok phun bàng di mblang kalan. Saong jeng lac mbang camereip di abih, angan “Việt Nam Dân chủ Cộng hòa quốc” hu vak tagok sa blah biểu ngữ tual di anak pabah mbang kalan