Di Việt Nam, tui harak di Sang iek ruak Ung bướu Trung ương, dom urang ruak ung thư phổi hu njuk pakao hala meblah tal 96,8%. Dom urang metai kayua dom ruak OH njaom mbak meblah 73% dalam abih tih dom urang metai kayua ruak kik saong njuak rambuis di Việt Nam. Sa dalam dom makna lac kayua urang njuk pakao hala. Tukvak harei dunya oh njuk pakao hala thun 2019, khaol dahlak likau khan kadha vak di Hạnh Dung ndom ka dom kan kandah dalam bruk iek ruak phổi tắc nghẽn mạn tính kayua njuk pakao hala di tỉnh Đồng Nai:

Meng hu peih prong bruk pilih ruah urang hadei di tuk bac tamat trung học cơ sở, rilo labik pato bruk ngak di bal raya HCM khang hatai salih bahrau jalan palih ruah piah patagok bruk meriak gauk dalam tukvak yau urak ini. Dalan bruk meriak gauk, dom sang bac pato bruk ngak hu angan je caong lac bruk meyaih khan rup binguk, thông tin meda hu peih ngak siam, patrun patakik bruk amek saih, sinh viên tame suan sang bac kayua laik tame bruk palih ruah saong njuak klak bac meteh dhi. Dom asal kadha ini hu Mỹ Dung, urang vak vak di rayo sap ndom Việt Nam daok di bal raya HCM ndom tal dalam kadha vak hadei ini:

Yau khaol dahlak hu khan brei thau bloh, di bal sit Ngã Bảy, tỉnh Hậu Giang bahrau mboh sa sruh jit tả pabui Châu Phi di sa trang trại hu labaih 1.200 drei pabui. Kadha daok ngak ka rilo urang raong pabui duh hatai saong kan si thau hu nan lac di trang trại ini, bruk pasang iek jit ruak hu peih ngak catang meng dom bilan ini mai, min oh thau kayua habar pabui jeng njaom ruak blaoh metai rilo. Kadha ini brei mboh jit tả pabui Châu Phi daok pambak samar saong dak harei dak rilo di bhum taneran kraong CL. Kadha vak di Tấn Phong – urang vak di rayo sap ndom VN daok di bhum taneran kraong CL.

Pathau mik va song tong abih gauk! Thun 2012, Sở Giao thông Vận tải TPHCM song dom quận, huyện peih bruk padang ngak dom jalan kiểu mẫu “hajao, hacih, mekre, siam” rah tui ribaong Nhiêu Lộc- Thị Nghè. Sở ni jeng hu sinya taduan trách nhiệm anak urang dang akaok Ubbhap bini ban raya ka bruk khik ramik siam mekre bruk nao mai angaok jalan, langyah bruk lih mek jalan, takai jalan di 159 jalan. Min, hadei di 7 thun ngak, jaik abih dom “jalan kiểu mẫu” ni jeng nerak tachauk yau dahlau deih. Kadha vak di urang vak Tiến Dũng:

Pathau mik va song tong abih gauk . Tỉnh Bình Phước lac sa dalam dom tỉnh hu taneh pala amriak kalu tagok khang , min dalam labaih 2 thun tapa dok dang anak bruk laik yaom khang. Piah yam tapa tuk vak kan kandah, rilo bruk pala amnriak kalu pambuak haong raong pabe hu dong ka urang nong tagok jien duah hu. Min suai lavik, brei padang ngak mô hình pambuak bruk song pablei pandap piah tagok tapon pabe tui jalan khang kajap, siam mekre. Kadha vak di Hòang Bắc angaok mbao Sài Gòn Giải Phóng hu ndom tal bruk ni :

Bilan hè pandiak pa-uh mai tal, jeng lac tuk uraniah yam tame mbang padeih hè. Bruk dom adei me-in sambai haong gauk bo oh hu bruk khik iek di dom amaik ame mbuan ba tal dom bala pandik harao.

Pathau mik va song tong abih gauk! Meng rilo thun ni mai, bruk dauh ia tuk halei jeng lac bruk pandiak di ban raya HCM. Langik hajan ia dauk, triều cường ia dauk…daok tui gambhap bini daok dalam ban tuk bilan hajan mai tal. Yaom lac ban raya HCM hu rilo jalan ngak piah patrun bruk nan di anak meta jeng yau suai lavik, min bruk dauh ia daok rah tabiak thun tui jalan thun hadei trak jang thun dahlau . Kadha vak di Hà Khánh, urang vak di rayo sap ndom VN daok di ban raya CM hu ndom ka bruk ni:

Pathau mik va song tong abih gauk! Tukvak tapa, rilo urang nong di bhum taneran kraong CL oh lac khang hatai salih janih phun pala, athur rong tui jalan lagaih song biến đổi khí hậu bo dok thau pandar dom mô hình bahrau dalam sản xuất, piah ba mai kein laba glong dut song jalan ngak meng kan. Bruk roh duah, buh jien tabiak ngak nong thông minh, tui jalan lagaih haong langik tasik hu peih tabiak jalan ngak bahrau ka urang nong pak ni. Kadha vak di Tấn Phong- urang vak di rayo sap ndom VN dok di tỉnh Hậu Giang:

Tui kuhria mboh di Mentri Lao động- Thương binh saong Xã hội, yaok thun Việt Nam hu labaih 200 ribau cử nhân oh hu bruk ngak. Dom chuyên gia ndom lac, hu rilo makna ba tal bruk ini, min binah prong jeng kayua dom urang ini daok kurang saong yếu gah kỹ năng mềm. Kadha vak di Mỹ Dung, urang vak di rayo sap ndom Việt Nam daok di bal raya HCM hu ndom tal bruk ini:

Harei 27/5 anak tal, nyaom roya urang lambaok dom bangsa takik mbang ka III thun 2019 huyện Hàm Thuận Bắc, tỉnh Bình Thuận hu peih tabiak, tal tukvak ini, di dom xã saong dom palei hu rilo bhap bani bangsa takik dalam huyện hu ngak blaoh bruk palih ruah urang lambaok nao hu mbaok di nyaom roya. Ini lac tukvak piah taong yaom kadha ngak hu dalam bruk ngak bangsa saong lac tukvak piah pok meyaom dom kapul nyaom saong manuac sia naih gheih bhum urang bangsa takik dalam huyện. Long Thiệu urang pambuak bruk haong rayo sap ndom VN daok di tỉnh Bình Thuận hu kadha brei thaw: