Jaik dua thun ini mai, piah cak rok patagok kinh tế-xã hội saong khik kajap quốc phòng an ninh bhum tapen negar, Bộ Tư lệnh Quân khu 7 hu peih ngak Danak dak “Padang labik daok jaik taphia balai khik iek tapen negar” tukvak 2019-2025 di 3 tỉnh Tây Ninh, Long An saong Bình Phước, ba mai siam mekre mboh di anak meta. Urang lin saong bhap bani daok jaik taphia gauk, ba gauk khik caga bhum tapen negar, pacang caga jit ruak, diuk rai sron mbon.

Dalam ndam lakhah di urang Cam, oh kurang hu dom baoh karah Mata. Ngan saong urang Cam, karah Mata oh lac piah cuh ngak mekre bo nyu daok lac pandap ngak adat, kaya ngui pandap piah, lac pandap brei mboh panuac sanya anit ranam gauk tal luac rai, saong tapa nan brei thau lac urang bangsa Cam.

Urang Cam daok di bhum Meraong negar, bhian tui agama Islam. Raidiuk ilamu saong adat cambat di urang Cam pak ini daok hu khik veik rilo ilamu siam gheih, sa dalam dom adat cambat nan, lac adat ngak likhah tui Hukum Islam.

Cồn Sơn daok di bhum 1, phường Bùi Hữu Nghĩa, quận Bình Thủy, ban sit Cần Thơ, atah di pasak jaik 6 km. Cồn Sơn praong labaih 70ha, biak mekre, hu pagap yau asar intan di kreh ban, saong meng bruk du lịch bhap bini, Cồn Sơn hu ngak brei hadah hadai jang ka du lịch Cần Thơ. Tuk thun bahrau tal mai, Cồn Sơn daok hu rilo bruk ngak dui pachreih tuai damuai, abih di nyu nan lac labik Tết meng kan hu ngak brei chreih chrai menuac sia.

Dalam rai diuk jar var harei ini, jeng daok hu dom urang trak hatai haong ilamo bangsa. Dom urang nan nao rah meng palei angaok, tal puk ala, duah pataom dom ilamo di bangsa drei daok kandaong veik, haong hatai caong khin dom ilamo klak nan oh lahik nao, bo daok hu khik tal dom rai hadei. Dalam dom urang njauk iek praong nan, hu ong Thường Xuân Hữu (ong Gru di palei Cavait Lạc Trị, xã Phú Lạc, huyện Tuy Phong) saong sa-ai Ức Viết Vòng (daok di palei canar Tịnh Mỹ, xã Phan Thanh, huyện Bắc Bình) tỉnh Bình Thuận. Đoàn Sĩ, urang vak di rayo sap ndom VN daok di bal raya HCM hu khan brei ka mikva saong taong abih gauk thau dom bruk ngak piah khik ramik ilamo Cam di ong Thường Xuân Hữu saong sa-ai Ức Viết Vòng:

Peih ngak danak pakat negar padang ngak palei pala bahrau, meng bruk daong prein, daong jien di karja, kham merat di puk palei song bruk pachreih tui di bhap bini, rilo xã hu rilo urang Chăm di 2 tỉnh Ninh Thuận song Bình Thuận mek hu tanut palei pala bahrau. Urak ni, dom puk palei dok peih ngak rilo jalan piah khik ramik, paglaong siam mekre dom tanut palei pala bahrau. Kadha vak di Aí Nghiêm, urang vak di rayo sap ndom VN dok di ban raya.HCM ndom ka mbaok meta puk palei bahrau di bhum urang Chăm Ninh Thuận song Bình Thuận:

Di tỉnh Kon Tum angaok jalan tapen negar atah 292 km taphia dua negar Lào saong Capuchia, Tết mai tal biak jaik. Dom harei ini, bhap bini saong dom urang jakar, urang lin biên phòng tỉnh Kon Tum daok chreih chrai cang taduan raok tukvak langik palao thun klak sak tikuh 2020 saong raok thun birau sak kubao 2021. Thun ini, bhap bini 13 xã, di 4 huyện bhum taphia negar di tỉnh Kon Tum gam uan raok Tết gam pacang caga jit Covid-19. Kadha vak “Tết bak hatai anit ranam gauk di urang lin haong bhap bini bhum taphia negar Sa Loong” di Khoa Điềm, urang vak di rayo sap ndom Viet Nam daok di bhum Tây Nguyên brei thau ka bruk nan:

Sa bilan xuân birau daok mai tal ngan saong rilo caong khin birau. Thun ini, rilo sang kathaot di Đắk Lắk, abih di nyu lac dom baoh sang di bhum atah bayah meda uan raok tết main xuân hu bui sambai jang tuk hu sang birau praong laneing lanoi, hu padang ngak meng phun jien di danak dak 167. Dom baoh sang hu padang ngak meng phun jien di sarak karja, hu bruk rik tame meng baoh sang, but pajaih gam haong bruk daong di bhap bini ngak brei bilan xuân siam mekre jang, anit ranam jang.