Hadei di sa thun gam ngak tabiak, pablei tabiak negar langiu, gam pacang caga jit COVID-19, dom doanh nghiệp ngak hadang, jeng yau gah hadang mek hu rilo jak jeng siam mekre. Rilo tỉnh ban ngak hadang hu jien mek tame meng bruk pablei tabiak negar langiu tapa bruk ba tabiak, gaok mai mek hu glaong abih kuhria meng dahlau mai. Ini jeng lac kadha piah caong khin ka bruk cakrok patagok di gah hadang dalam thun 2022. Kadha vak di Hồng Nhung angaok báo Tin Tức brei thau ka jak jeng siam mekre mai meng drei hadang dalam thun bloh:

Bahrau ini, Sở padang ngak TP.HCM hu harak ka 10198/SXD-TT payua ka UBND TP brei thau ka dom danak dak sang danaok taneh riya mboh yau “plaih hukum ieu pataom phun jien” tui jalan caik jien cọc, khik labik, oh ka ngak njauk dom adat hukum gah sang daok, pablei salih sang danaok taneh riya. Biak di nyu, di dom ban prong yau TP.HCM, bruk “plaih hukum ieu pataom phun jien” rah tabiak rilo, ngan tui rilo jalan ngak karei di gauk min jabat chức năng oh ka langyah hu abih. Kadha vak di Duy Phương urang vak di rayo sap ndom VN daok di TP.HCM hu khan brei thau ka bruk ini. Daa mikva saong taong abih gauk tui pang:

Meng thun 2011 tal ini Bộ chỉ huy quân sự tỉnh Đồng Nai daok ba tabiak ngak ngak bruk dak padang khik iek saong pandar tapon dân quân duah thau ka dom baoh sang di labik daok piah peih bruk jak ba (iew katut lac bruk dân quân thau cambaih ka baoh sang). Siam lagaih tuk camereip di bruk ngak ini, lac hu daong ka dân quân samar drahthau cambaih labik daok, ngak jeng hatai jia ngan haong karja puk palei saong bhap bani. Daa mikva saong taong abih gauk pang kadha vak di Thành Chung - urang vak di báo Quân Khu 7 ndom ka jalan ngak ini:

Meng hatai oh huac kan kandah, taong abih “kayua bhap bani bo ngak”, urang jakar, urang lin Vùng 2 Hải quân hu jeng labik caik hatai jia, labik pambak tame khang kajap ka urang taong ikan angaok tasik. Kadha vak di Minh Nhân angaok báo Bà Rịa-Vũng Tàu (BR-VT) hu daong ka khaol drei thau cambaih jang dom bruk ngak di urang jakar, urang lin bhum 2 Hải quân dalam danak dak “Lin tasik Việt Nam ngak labik pambak tame ka urang taong ikan nao tasik”:

Dom tỉnh, ban dalam bhum kinh tế prong gah meraong lac TP.HCM saong Đồng Nai, Bà Rịa – Vũng Tàu tukvak tapa gaok kan kandah ka jalan mbak nao mai, ngak ka bruk cak rok patagok oh ka samu haong pren khang. Peih talaih hu bruk kan kandah ini meda ngak brei salih bahrau khang saong cak rok patagok khang bruk ngak mbang kinh tế. Yau nan min, urak ini dom tỉnh, ban dalam bhum jeng daok having akaok haong bruk duah jien buh tame ngak jalan mbak nao mai, hu danak dak dang veik di labik rilo thun ini mai. Kadha vak di Duy Phương, urang vak di rayo sap ndom VN daok di ban raya HCM hu ndom ka bruk ini. Daa mikva saong taong abih gauk tui pang:

Mikva saong taong abih gauk anit ranam! Dalam jit praong Covid-19 hu mboh dak harei dak rilo kreih camin hadah dalam anek saih – sinh viên. Meng hatai ba akaok nao dahlau, dom sinh viên abih drei hu mbaok tame bruk daong ka bhap bini, rik daong jhul kadun likuk jit ruak. Trần Thị Thu Thảo – sinh viên thun ka 5 gah Y di Sang bac ĐH Buôn Ma Thuột lac 1 dalam dom urang yau nan. Hadei di ini, kol dahlak likau khan asal kadha vak di urang kumei sinh viên ini angaok blah Web di sang bac bo anai daok bac ka dom harei halan hatian hu mbaok tame pacang jit:

Mikva urang pang rayo anit ranam! Anak bruk bak menuac ruak tapa prein taong ruak ka urang ruak Covid-19, prein kateik tagok bruk ngak dak harei dak trak damak ngan saong dom urang ngak bruk gah y tế di TPHCM , yaok ratuh sinh viên y khoa meng dom sang bac ĐH gam haong hatung hatian abih drei saong ilamu bac megru hu, halan hatian tame labik pasak jit, hu mbaok tame daong bruk duah urang ruak, dut iek, klauk vaccine... kham merat ba tangin tame rik daong jhul kadun likuk jit ruak. Kadha vak di Hồng Giang angaok báo Tin tức hu daong ka kol drei thau cambaih jang bruk halan hatian ba akaok nao dahlau di sinh viên dom sang bac ĐH, Khoa Y Dược di TPHCM labik akaok pacang jit tukvak tapa:

Thun 2021 meng blaoh hu maong lac sa thun khat lahik praong di gah du lịch ban raya HCM tuk oh hu sa urang tuai dunya halei mai ban raya HCM, daok tuai dalam taneh ia tok hu 15 triệu mbang, trun 54,3% duk haong thun 2019 saong trun 5,6% duk haong thun 2020. Urak ini, tuk bruk jit ruak COVID-19 daok pasang iek hu, bruk klauk vaccine dalam taneh ia saong angaok dunya dak harei dak glaong, gah du lịch ban raya HCM daok caong biak rilo tame bruk pasiam veik dalam thun 2022. Kadha vak di Minh Thắm – urang vak di rayo sap ndom VN daok di ban raya HCM.

Dalam thun 2021, yaom lac jit ruak Covid-19 ba mai rilo kan kandah, min gah ngak nong jeng rik daong tame biak prong dalam bruk cakrok patagok kinh tế di tỉnh An Giang. Meng hatai kham merat patagok pren khang di gah ngak nong jeng pren khang piah cak rok patagok kinh tế palei pala daok dalam nyaom dang akaok Bhum taneh taneran kraong Cuu Long, tỉnh An Giang daok kham merat peih ngak dom sarak cakrok patagok bruk ngak nong tui jalan siam gheih saong pandar ilamu glaong tame dalam bruk ngak tabiak piah cak rok patagok khang kajap. Kadha vak di Phan Ánh brei thau ka bruk ini.

Danak dak bruk ngak negar padang ngak palei pala birau hu Đảng bộ Đồng Nai tacei pato peih ngak biak khang.Tamat tukvak 2008 -2021, tỉnh ba akaok dalam bruk padang ngak palei pala birau, ngan saong 61 dalam 121 xã mek hu angan palei pala birau paglong saong dalam thun 2021 hu 6 xã tut angan ngak hu palei pala birau kiểu mẫu. Kadha njauk biai nan lac bruk pakacah gauk padang ngak palei pala birau hu pambak praong tal yaok puk palei. Kadha vak di Bình Nguyên angaok mbaok Đồng Nai điện tử grei thau ka bruk nan: