Danak yaok sa xã hu sa pandap OCOP ba mai rilo bruk kein lagaih, patagok rilo pandap siam krei di bhum palei, rik daong ba bruk ngak ka urang di palei pala. Hu rilo pandap OCOP di bhum taneran kraong Cuu Long hu mbaok di rilo sieu thi, labik pablei praong saong dom blah web pablei salih, dom pandap OCOP hu rik daong ngak salih mbaok meta puk palei, patagok kaya nong di bhum palei, pachreih bruk padang jalan ngak mbang birau di dom bhum palei. Binah akok di kadha vak “Ba pandap OCOP bhum taneran kraong Cuu Long tal tangin urang blei pandar” ngan saong kadha: “Padang ngak pandap OCOP nan lac bruk caong khin yam atah” kayua nyaom urang vak di Rayo sap ndem Viet Nam daok di Bhum taneran kraong Cuu Long ndem ka bruk ini:

“Dom dam dara jhui ndih var angaok ja yah, bo njauk kham meat oh padeih piah mek hu dom jak jeng bahrau praong jang, duh ka taneh ia, duh ka bhap bini hu siam di abih”- Ini lac kadha praong hu ndom tal di ong Võ Văn Thưởng -UV Mintri Chính trị, Thường trực Ban Bí thư di tuk peih bruk pok meyaom 10 dam dara Việt Nam hadah krah di abih, 10 dam dara Việt Nam meda tagok di anak tal 2020 saong pahadar 25 thun Giải thưởng dam dara Việt Nam hadah krah di abih hu peih tabiak ngak di Hà Nội di tuk pahadar 90 thun Harei padang Kapul dam dara CS Hồ Chí Minh.

Gam haong rai dam dara ban sit La Gi, t.Bình Thuận, urang đoàn – dam dara phường Tân Thiện tuk halei jeng patagok bruk ba akaok nao dahlau, halan hatian ka raidiuk bhap bini, rik daong biak rilo tame bruk patagok KTXH. Kadha vak di Trúc My angaok báo Bình Thuận hu daong ka kol drei thau cambaih jang ka bruk ba akaok nao dahlau, halan hatian di urang Đoàn dam dara daok di phường Tân Thiện:

Ngan haong kadha “Klah rabha anit ranam”, alin hadiah dom “van huak” bak hatai anit ranam di manuac sia tal dom urang hu rai diuk kan kandah, danak dak “Triệu van huak” kayua MBan gul pataom Kapul dam dara pakat negar peih ngak hu pok brei nagan lac sa dalam 9 danak dak dam dara hadah krah thun 2020. Bruk ini hu ngak jeng pren pambak khang tal 15 tỉnh bal dalam negar ka yaom glaong di bruk kein lagaih, caik veik hatai sahneng siam mekre ka kapul dam dara.

Bal raya HCM hu bruk padang ngak, peih praong biak samar, tui nan bruk caong hu sang daok dak harei dak glaong. Dom quận, huyện atah pasak bal raya hu menuac sia grauk labik palih ruah piah daok. Ini jeng lac labik pablei salih sang “klau gam” (gam sa mblang taneh, gam harak gar brei adat padang ngak, gam sổ hồng) dak harei dak rilo, mbuan ba tal bruk merak guak.

Anak bruk ia mbak njaom tame dak harei dak khang, tỉnh Sóc Trăng hu ba tabiak rilo jalan ngak piah pacang khik padai Đông Xuân 2021 di urang nong. Meng puac thun 2020 tal ini, rilo danak dak pacang ia mbak, khik ia taba hu buh jien tame ngak saong ba tame pandar. Langiu di nan, dom puk palei daok pathau khan, jak ba urang nong ngak padai tui panuac kakei di gah ngak nong, abih nyu lac tuk hu tua riya pandiak bhang, njaom ia mbak.

Anak dom kan kandah dalam bruk dui pachreih urang buh jien tame ngak mbang kayua jit ruak Covid-19, Rilo labik ngak kong di Bà Rịa – Vũng Tàu samar drah duah jalan ngak ka nyu lagaih, pambak tame dom kein laghaih di mạng xã hội piah meyaih khan danak dak, dom sarak daong tal dom urang buh jien tame ngak mbang. Tapa nan, rilo harak pambuak bruk kanar hadar, sanya gauk saong caik jien dahlau piah khik taneh hu peih ngak.

Meng akaok bilan 2/2021 tal ini, yaom thanh long di Bình Thuận mengt 15.000 - 20.000đ sa kg, dalam tuk dahlau di nan sa bilan, janih baoh kayau ini tok pablei hu meng 5.000 - 7.000 đồng sa kg, hu tuk yaom laik trun daok 2.000 - 5.000 đồng/kg. Piah ka urang pala thanh long oh daok duh hatai ka labik pablei, ngak brei grap tanat darak pasar yaom kaom ye brei hu bruk rik daong di rilo gah.

Pathau mikva saong taong abih gauk! Dom thun jaik di ini, dom hợp tác xã dalam tỉnh Ninh Thuận oh lac kham merat salih jalan ngak tui Hukum HTX kiểu bahrau, bo daok kham merat pandar ilamu công nghệ tame bruk ngak, ba bruk ngak, paglaong jien mek tame ka dom urang dalam HTX saong urang ngak. Tapa nan, daong ngak hu dom tanut padang ngak palei pala bahrau paglaong di puk palei, mbluak abih nan lac di bhum urang Cam. Kadha vak “Ninh Thuận patagok bruk ngak di kinh tế hợp tác xã dalam bhum urang Cam” di Ái Nghiêm, urang vak di rayo sap ndom VN daok di bal raya HCM hu daong ka mikva saong taong abih gauk thau cambaih laih jang ka bruk ngak di HTX di bhum urang bangsa takik:

Meng bruk youtube Thơ Nguyễn njauk gah chức năng taong phạt kayua ba tagok clip “likau vía búp bê bac naih” bahrau ini, sa mbang tra menuac sia oh klah di duh hatai anak dom video oh tabiak hagait, kanjah jhak hu biak rilo angaok mạng xã hội meda ngak khut hatai sahneng, jalan ndom puac daok dang di uranaih. Dom video jhak ini nyu ngak khut hatai sahneng di uraniah tal halei, saong ngak habar piah khik caga anek bhik anak dom asal kadha oh siam daok lac bruk pandik akaok di dom amaik ame? Da-a mikva saong taong abih gauk pang kadha vak di urang vak di rayo sap ndom Việt Nam brei thau ka bruk ini: