Pathau mikva saong taong abih gauk! Dom harei ini, angaok dom mblang hamu di phường Văn Hải, Phước Mỹ (ban sit Phan Rang – Tháp Chàm) saong xã Nhơn Hải, Vĩnh Hải (huyện Ninh Hải), tỉnh Ninh Thuận, urang nong daok jan van trun pajaih dom janih njam patam, baoh karaoh piah pablei Tết. Yaom lac langik tasik oh siam laghaih saong yaom kaom khak drak phun pajaih tagok glaong, min urang pala njam patam di Ninh Thuận thei jeng caong mong njam patam pala njauk saong pablei hu yaom piah hu jien mbang Tết ka nyu trei sil. Kadha vak di Jasi – urang vak di rayo sap ndom VN daok di TP.HCM.

Urak ini di rilo tinh, ban, bhap bini bangsa takik thau patagok dom yaom glaong ilamo pambuak haong cak rok patagok kinh tế, rik daong tame bruk padang ngak palei pala bahrau saong bruk patagok di dom tinh, ban. Anak tal, tuk Danak dak bruk ngak pakat negar cak rok patagok kinh tế xã hội bhum bangsa takik saong bhum ciek tukvak 2021 – 2030 hu peih tabiak ngak, ye bruk khik ramik ilamo pambuak haong patagok kinh tế meda ba mai dom salih bahrau biak siam.

Peih tabiak ngak di akaok bilan 7/2021 - lac tuk jit COVID-19 mbang ka 4 tamuh tabiak khang, Sarak 68 di Rajaei ka dom sarak daong urang ngak ngan haong yaom jien 26 ribau tỷ đồng piah daong ka urang ngak saong urang pandar manuac ngak gaok kan kandah kayua jit praong COVID-19 hu makna biak praong, bak hatai anit ranam. Sarak ini hu brei mboh jalan diukrai siam gheih “Sa candaih tuk eik samu sa paok tuk trei”. Kadha vak di urang vak di rayo sap ndem VN hu brei thau ka dom siam lagaih di sarak ini.

Meng bhum taneh dang tagok mesruh pacang khamang dahlau daih, hu bruk daong prein di tapon nyaom bol pan phao kraong Quân khu 7, Bình Hòa Nam harei ini daok salih bahrau tapa yaok harei, raidiuk di bhap bini dak harei dak tagok, jeng labik hadah ka padang ngak palei pala bahrau di bhum taneh tapen negar huyện Đức Huệ, tỉnh Long An. Tapa nan brei mboh cambaih ka bruk dak padang thế trận lòng dân dak harei dak khang kajap angaok bhum taneh mesruh metak dahlau daih di tapon nyaom bol pan phao kraong QK 7. Di tuk pahadar 77 thun Harei padang Bol bala Bhap bini Việt Nam (22/12/1944 - 22/12/2021) saong 32 thun harei Quốc phòng abih bhap bini, da-a mikva saong taong abih gauk pang kadha vak di Thu Cúc saong Tuấn Anh, brei thau bruk dak padang thế trận lòng dân dak harei dak khang kajap angaok bhum taneh mesruh metak Bình Hòa Nam, huyện Đức Huệ, tỉnh Long An- bhum taneh kak kajap haong bruk tabiak rai di tapon nyaom bol pan phao kraong Quân khu 7.

Huyện Ninh Phước bhian lac labik hu rilo urang njom ruak Covid -19 dalam rahra rilo abih di tỉnh Ninh Thuận. Min, hadei di tukvak camereip daok having akaok, meng jhul samar bruk klauk vắcxin, patagok bruk khik iek manuac nao, mai meng bhum mbuan njom glaong, nan ye tal kreh bilan 12 ni, huyện Ninh Phước hu patrun pakat jit meng bhum katam jeng bhum hijao, patui jalan peih ngak bruk pacang caga jit ruak Covid 19 dalam tukvak diukrai palagaih, salamat, sami samar pasang iek hu jit ruak Covid-19 siam lagaih. Kadha vak di Minh Triều - urang pambuak bruk haong danak dak brei mboh dom kham marat pasang iek, dak harei dak jhul kadun likuk jit ruak di huyện ini:

Hu labaih 800 inem krung, labik mekre dane angan, labaih 500 inem krung ilamo hu pok brei angan lac inem mek ilamo pakat negar, tỉnh Thái Nguyên daok peih ngak danak dak pandar công nghệ số hóa labik inem krung piah brei mboh inem krung ilamo dalam không gian ảo. Bruk padang hệ thống dữ liệu haong gauk dalam gah ilamo jeng lac sa dalam dom bruk daok hu pamaong tal tuk peih tabiak danak dak ka 6 “khik ramik, patagok yaom glaong ilamo meng kan siam lagaih di dom bangsa takik pambuak haong cak rok patagok du lịch”, di danak dak bruk ngak negar cak rok patagok kinh tế xã hội bhum bangsa takik. Kadha vak di urang vak di rayo sap ndem VN daok di tỉnh Thái Nguyên.

Dahlau di ini 75 thun, dang anak bruk trak ribau kilo tuan di rak mbuk tuk kol Prang jak hatai khin mai meblah veik taneh ia drei sa mbang tra, piah khik bebat, tự do di Negar, harei 19/12/1946, Chủ tịch Hồ Chí Minh tabiak Panuac iew tabih gauk dalam negar dang tagok mesruh pacang khamang.

Sang bac Phổ thông Bangsa bán trú Trung học cơ sở Krong daok di labik atah bayah di xã Krong, huyện Kbang, tỉnh Gia Lai. Langiu di bruk pato bac, dom cei gru, anai gru daok ba hatai anit ranam piah jak ba anek saih urang bangsa takik nao tal sang bac. Hoàng Qui, urang vak di Rayo sap ndom VN daok di bhum Tây Nguyên hu kadha vak brei thau ka dom urang pato akhar haroh di bhum kan kandah palei Krong. Da-a mikva saong taong abih gauk tui pang:

Anak bruk tagok rilo F0 yaok harei di TP.HCM, yaom lac hu ieu pataom manuac urang meng rilo sang iek ruak piah padang balai y tế nao mai, klah rabha naong trak ka dom balai y tế, min ban raya jeng daok dang anak bruk kurang menuac tui iek, daong taong ruak ka F0. Piah lang talaih kan kandah ini, ban raya daok ieu pataom gah y tế tư nhân tame bruk pacang caga jit. Urang vak Kim Dung daok di TP.HCM hu kadha vak ndom ka bruk ini:

Tỉnh Kon Tum hu jalan tapen negar labaih 292km haong dua negar ayut lac Lào saong Campuchia. Dalam dom thun tapa, gah biên phòng Kon Tum hu pambuak bruk haong karja 13 xã, dalam 4 huyện bhum tapen negar di tỉnh peih ngak hu siam rilo bruk daong ka bhap bani patagok KTXH. Gam haong nan, ngak siam bruk pathau khan, jak ba bhap bani hu mbaok tame pasang iek, khik caga jalan tapen negar, cột mốc, padang ngak hu thế trận biên phòng taong abih bhap bani khang kajap. Kadha vak di Khoa Điềm, urang vak di rayo sap ndom VN daok di bhum Tây Nguyên brei thau ka dom bruk ngak hu siam mekre daong ka bhap bani cak rok patagok KTXH saong khik caga khang kajap jalan tapen negar.