Kazik lac angan ieu anit ranam bo menuac urang Quảng Nam ieu kiến trúc sư Kazimierz Kwiatkowski – urang negar Ba Lan, (ndih tapui thun 1944 saong palang lahik di thun 1997). Ong lac urang hu labaih 10 thun daok di VN saong abih di nyu nan lac hu sa tukvak suai lavik daok veik di Mỹ Sơn piah tacei pato bruk pasiam dom bimaong klak ini. Kadha vak hadei ini di Hoàng Sơn hu daong ka kol drei thau cambaih jang ka hatai anit ranam saong dom rik daong hu yaom glaong di Kazik brei ka bruk pasiam veik dom bimaong kalan Mỹ Sơn:

Dalam dom harei tabung glong di Cách mạng Bilan 8 thun 1945, Chủ tịch Hồ Chí Minh hu chỉ thị ka Akok Mentri Nội vụ Võ Nguyên Giáp, Mentri pathau khan saong ong Xuân Thủy, sa dalam klau urang jakar ngak praong di Ủy ban Cánh mạng tuk nan di Bắc bộ lac brei samar padang ngak ka pahu Rayo papar sap pakat negar.

Tame thun bac birau 2019-2020, dom palei hu ralo bhap bini Khmer diukrai di bhum taneh Tây Nam bộ daok peih ngak siam dom sarak buh jien padang ngak birau, pasiam veik sang bac , duk bilik bac, pandap pandar pato bac, piah dak harei dak pabak siam bruk bac da-a, paglaong asar pato megru di bhum urang bangsa takik.

Tuk daok diuk, Chủ tịch Hồ Chí Minh biak sang ka tal bruk pala menuac. Langiu dom mbang ndem meyai tapak di dom sang bac, WaHo hu vak 23 harak thư payua ka gah pato megru. Dalam nan, Wa biak iek praong bruk “ bac nao gam haong ngak” saong labik dang praong di gru pato dalam bruk pato saong bac. Saong urak ini, jalan sahaneng di Chủ tịch HCM daok hu Đảng, Karja, Gah pato megru peih ngak tui meng bruk salih birau taong abih gah, saong bruk praong lac pamoang tal “patao pakai anek manuac Viet Nam di abih gah”.

Thun bac 2019-2020 hu peih tabiak, min di rilo palei dalam taneh ia daok kurang duk bilik bac, pandap bac, dom bilik bac khang kajap hu takik, bilik bac tạm daok ralo. Kayua anek saih tagok ralo dalam tuk jien buh tame padang duk bilik bac hu takik, nan ye bruk trun tal bac saong tagok anek di yaok tal bac daok rah tabiak di dom sang bac dalam thun bac ini, abih di nyu lac di dom ban raya.

Luac rai dang tagok ka bruk peih paha bangsa, peih paha anek menuac, Chủ tịch Hồ Chí Minh tok hu sa caong khin biak praong lac ngak yau habar ka taneh ia drei hu độc lập, rahra drei hu tự do, thei jeng hu haniem phul. Kayua yau nan ye, dahlau di tuk nao atah, dalam Di chúc di Wa, hatai sahneng ka anek menuac saong peih paha anek menuac ndung bak hatai anit ranam praong glaong, 1 triết lý nhân sinh bo Wa buh rilo pren dak padang. Pahadar 50 thun ngak tui Di chúc Chủ tịch Hồ Chí Minh, da-a mikva saong taong abih gauk pang kadha vak di urang vak Lại Hoa hu angan lac: “Hatai sahneng ka anek menuac dalam Di chúc di Chủ tịch Hồ Chí Minh”:

Jaik tame thun bac bahrau 2019-2020, min rilo labik pato di dom bhum urang bangsa takik di tỉnh Bình Thuận jeng daok nanrilo kan kandah. Kadha vak di Đoàn Sĩ – urang vak di rayo sap ndom VN daok di ban raya HCM hu ndom tal bruk ini:

Klak tapa tuyến y tế cơ sở, tagok dom sang iek ruak pakat angaok piah iek saong jru ruak lac bruk meng lavik mai di bhap bini. Kayua yau nan ye, di Ban raya HCM, yaom lac hu padang pabak rilo sang iek ruak min bruk quá tải di dom sang iek ruak daok rah tabiak. Tukvak tapa, gah y tế ban raya pataom tame buh jien ngak balai y tế, salih birau saong pambuak bruk haong sang iek ruak pakat ngaok piah pachreih urang mai iek ruak di labik ini.

Tỉnh Bà Rịa - Vũng Tàu hu 5 huyện, bal tapen tasik lac TP Vũng Tàu, dom huyện Long Điền, Đất Đỏ, Xuyên Mộc saong Côn Đảo. Tukvak tapa, quy hoạch dom đô thị tapen tasik hu tỉnh ini roh duah saong peih ngak samu guak. Yau nan min, Bà Rịa - Vũng Tàu jeng oh ka mek hu yau hatai caong khin nan lac quy hoạch dom bal tapen tasik gam grap tanat cakrok patagok khang kajap, gam ngak jeng kadha biak karei di puk palei. Kadha vak hadei ini di Lưu Sơn, daok di bal ray HCM ndom tal asal kadha ini, daa mikva saong taong abih guak tui pang:

Thưa quí vị và các bạn! Bal raya HCM urak ini hu 48 labik mbuan glut jaleih daok di dom quận huyện yau: Nhà Bè, Cần Giờ, Bình Chánh, Thủ Đức, Bình Thạnh… Dalam tuk nan, bilan hajan ribuk daok mai tal saong bruk glut jaleih daok rah tabiak khang, bal raya HCM daok peih ngak rilo jalan piah pakhang pasiam dom labik glut jaleih. Kadha vak di Hà Khánh – urang vak di rayo sap ndom VN daok di TPHCM brei thau ka bruk nan: