Hadei di tuk Công viên nước Đầm Sen brei padeih ngak dalam 7 harei kayua oh caik hatai tal bruk pacang jit dalam dom harei lễ 30/4 - 1/5, dom labik me-in sambai dalam ban raya HCM hu ngak catang bruk pacang caga jit Covid-19. Kadha vak di Minh Thắm – urang vak di rayo sap ndom VN daok di ban raya HCM:

Hu dom tanjaoh ia mata uan hadar saabat; hu dom drut drui, pandik harao nao duah kubo adei saai dalam kapul, hu dom tuk joa kandang hadar veik saman daok ranaih nao ngak lin oh huac matai lahik anak akaok phao di khol kamang; saong hu gam bui sambai, tatuak drei anak bruk salih bahrau mbaok mata di bhum taneh hu sa saman mbom li-ua… Nan lac biak rilo drut drui tuk mai veik mblang mesuh dahlau daih di dom urang lin Điện Biên dahlau daih, hu ndem tal dalam kadha vak di Nguyễn Hiền angaok mbao Điện Biên Phủ, daa mikva saong taong abih gauk tui pang:

Urak ni, dalam tuk jit ruak Covid-19 daok rah tabiak khang, dom urang dalam negar daok pambuak haong dom urang daok di negar langiu, peih bruk ba menuac tame negar suan hukum tapa jalan tapen negar tame Việt Nam, abih di nyu nan lac dom tỉnh bhum tapen negar Tây Nam. Anak bruk ni, Bộ đội Biên phòng, Công an, Quân sự saong karja dom tinh, ban daok glaih glar pacang cakak. Urang vak Phan Ánh, lac urang vak di rayo sap ndem VN daok di bhum taneran kraong CL hu kadha vak brei thau ka bruk ni di An Giang.

Anak bruk rah tabiak srau kadau di jit ruak Covid-19 saong bruk mbuan njom mbak jit ruak tapa jalan tapen negar, gah BP dom tỉnh Tây Nguyên hu patagok bruk pasang iek, ngak jeng paga pacang khang kajap dalam pacang caga jit. Kapul urang vak di rayo sap ndom Việt Nam daok di Tây Nguyên hu kadha vak brei thau:

Phú Qúy lac huyen kaoh pulao di tỉnh Bình Thuận, daok atah di ban Phan Thiết jaik 57 hải lý, ralo bhap bini diukrai meng bruk nao tasik, dalam nan hu rilo gilai taong chap ikan di bhum tasik atah. Dalam dom harei tapa, dom gah, dom pakat di huyen kaoh pulao Phú Qúy daok pataom tame bruk pathau khan, daong ka bhap bini thau cambaic ka labik dang, bruk ngak di cử tri dalam palih ruah urang ka QH saong HĐ bhap bini dom pakat anak tal. Kadha vak di Đoàn Sĩ – urang vak di Rayo sap ndem VN daok di Ban raya HCM:

Jaik 29 triệu 500 mbang ieu phone hu asal yau pachot hu gah kỹ thuật di 5 nhà mạng viễn thông pacang cakak dalam 9 bilan tapa. Bruk ini bahrau hu Cục Viễn thông, Bộ Thông tin & Truyền thông brei thau. Tok dalam 3 bilan akaok thun ini, dom nhà mạng hu pacang labaih 8 triệu 500 mbang ieu pachot. Min bruk ieu phone yaih khan, tin nhắn yaih khan suan hukum daok salih tapa 1 jalan ngak bahrau, ba tal oh takik khat lahik, tui nan hu menuac lahik jien padai. Kayua habar bo hu rilo tin nhắn yaih khan, mbang ieu phone yaih khan pamaong tapak tame hatai caong, hatai takre di urang pandar phone? Kayua halei yau nan saong jalan langyah bruk ini yau habar?

Jit ruak Covid-19 di Campuchia dak harei dak khang, tui nan urang njom ruak biak rilo, kayua yau nan ye dom tỉnh biên giới Tây Nam hu jalan tapen negar haong Campuchia daok khang drei pacang cakak jit. Kadha vak di Lê Thu hu ndom ka dom jalan ngak khang dalam pacang caga jit njom mbak tame puk palei di dom tỉnh hu jalan tapen negar haong Campuchia:

Dalam 1 bilan tapa, taneh ia drei oh hu urang halei njaom bahrau dalam bhap bini, dom menuac njauk Covid-19 meng negar lingiu tame jeng hu brei daok karei chip saong hu pasang iek gene piah taong yaom saong hu dom jalan ngak piah pasang iek jit ka nyu lagaih. Min meng bruk jit ruak daok rah tabiak khang di rilo taneh ia ngan saong menuac njauk ruak saong menuac metai biak rilo, tui nan, jit ruak biak mbuan njaom tame Việt Nam, abih di nyu lac di jalan tapen negar Tây Nam. Gah chức năng brei ba tabiak dom jalan ngak yau habar piah pacang cakak, pasang iek jit ruak?

Piah caga siam ka dom đơn hàng jeng yau jalan patagok bruk ngak mbang pablei salih bahrau, meng quý 1, rilo DN di tỉnh Bình Phước pataom tame pilih ruah, pabak urang ngak. Gam haong nan, yaok DN jeng hu rilo jalan ngak karei di gauk piah dui pachreih, khik takai urang ngak... Kadha vak di Minh Luận angaok báo Bình Phước ndom ka dom kham merat di doanh nghiệp piah jhul khang bruk dui pachreih, khik takai urang ngak, da-a mikva saong taong abih gauk tui pang:

Lac tame tuk patagok bruk ngak piah ngak hu bruk ba tabiak dalam ngak mbang, pablei salih 6 bilan akaok thun 2021 min hu biak rilo doanh nghiệp dalam tỉnh Bình Dương jeng daok having akaok haong bruk duah menuac ngak. Kurang urang ngak, ngak brei doanh nghiệp glaih glar nduac nao tal dom bhum palei piah duah urang ngak atau patagok rilo bruk daong, piah dui pachreih urang ngak. Kadha vak di Xuân Trung angaok báo SGGP brei thau ka bruk ini: