Bruk to yaom 4 mblang taneh di Thủ Thiêm, ban Thủ Đức ngan song yaom biak glaong meng kan mai oh ka bhian mboh, lac 37.346 tỉ đồng, glaong jang 7 mbang yaom ba tabiak tuk camereip di puac thun 2021, ngak brei yaom taneh di labik ni pandiak tagok, tuk rilo labik tagok meng 10-15%. Min, tuk doanh nghiệp blei hu taneh tapa to yaom ba gauk klaak jien caik takai, ye nyu ngak ka yaom taneh di labik gah timun ban raya HCM trun halei oh? Nguyễn Quang – urang vak di rayo sap ndom VN daok di ban raya .HCM hu kadha vak ndom ka bruk ni:

Hadei di Tết anek sak rimong 2022, rilo urang nong di bhum taneran krong CL njauk padai đông xuân dalam bui sambai jang rilo mbang kayua dom pajaih padai pahe hu urang mai blei, doanh nghiệp caik jien takai blei meng 6.500-8.500 đồng sa kg, glong jang padai thường 20%-30%. Bruk njauk uan tabuan nan lac, urak ni, rilo urang nong thau pambuak gauk ngak mbang, pala drak, ngak jeng mblang hamu prong gam ngak sa pajaih padai piah kak kajap haong bruk blei di doanh nghiệp. Kadha vak di Cao Phong angaok mbao SGGP hu ndom ka jalan nao bahrau di gah padai brah bhum taneran krong CL:

Di tỉnh Dak Lak, hu jaik 3.000 dam dara daok caga tagok jalan nao ngak lin di tuk akaok akaok birau 2022. Tuấn Anh – urang vak di Rayo sap ndem VN daok di Tay Nguyen hu kadha vak brei thau ka bruk ini, da-a mikva saong grauk ayut tui pang:

Huyện Di Linh (tỉnh Lâm Đồng) lac huyện hu rilo menuac lac urang bangsa K’ho. Tukvak tapa, bruk cakrok patagok urang đảng dalam bhum urang bangsa takik tuk halei jeng hu Đảng bộ huyện Di Linh caik hatai sangka. Kadha vak di Quang Sáng – Urang vak di rayo sap ndom VN daok di bhum Tây Nguyên hu ndom ka dom siam lagaih ba mai meng bruk patagok bruk ngak di urang đảng lac urang bangsa takik piah ngak brei salih bahrau jalan saneng, jalan ngak di bhap bani daok pak ini, meng nan cak rok patagok taong abih gah KT-XH di puk palei. Daa mikva saong taong abih gauk tui pang:

Sa dalam dom adat chào cờ ginreih di abih, meda lac adat rah tabiak di dom labik pulao atah. Dom urang halei patuah hu mbaok tuk chào cờ ginreih angaok dom baoh pulao praong, sit di Việt Nam jeng mboh biak drut drui. Dalam ngin dalam pandiak lai tame gauk, gam haong sap riyak tasik, adat chào cờ hu peih ngak dalam praong prang saong biak drut drui. Urak ini, da-a mikva saong taong abih gauk gam haong uirang vak Thu Lan nao tal Bilai Ra đa 595, Tiểu đoàn 551, Bộ tư lệnh Bhum 5 Hải quân angaok pulao Hòn Khoai piah hu mbaok tame chào cờ akaok thun angaok pulao:

Bilan akaok thun jeng lac bilan peih tasik. Yaok labik sa adat cambat karei di gauk dalam adat peih tasik. Hu labik, hadei di tuk ngak adat njuk ia halăm akaok thun, gilai ikan meng hu tabiak tasik taong ikan, min jeng hu labik, mikva urang taong ikan nao tasik luac dalam tuk Tết angaok dom baoh kapal, sruh gilai, payua hatai caong dom harei akaok thun hu bak kaya tasik, brei mboh bruk patuah ka palei ngak ikan dalam bilan nao tasik bahrau. Kadha vak di Lê Văn Chương angaok báo Hải Quân hu ba kol drei nao tal bhum tasik gah kreh negar piah pang dom dalikan urang taong ikan nao tasik harei akaok thun:

Darak pasar du lịch Việt Nam yau “medeih tagok” hadei di tuk Mintri Ilamu-Thể thao saong Du lịch ba tabiak jalan ngak pok tagok Thủ tướng Rajaei bruk peih pabah mbang abih dom bruk du lịch dunya meng puac bilan 3 thun ini. Bruk ini mboh lac lagaih hadei di 2 thun taong abih dom labik padeih padei, khách sạn, nhà hàng, hãng lữ hành…gaok kan kandah trak, oh hu jien mek tame kayua Covid-19. Kadha vak di urang vak Mỹ Hà hu ndom tal dom kadha brei hu piah peih pabah mbang darak pasar du lịch Việt hu kein laba. Da-a mikva saong taong abih gauk tui pang.

Jit Covid-19 mbang ka 4 tamuh khang di rilo labik, njaom mbak biak samar, ngak kan kandah tal yaok gah kinh tế xã hội di taneh aia. Yau nan min, luac dalam thun 2021, Bình Thuận peih ngak siam dua bruk haong gauk, lac gam pacang caga jit, khik siam pren yava ka bhap bani, an sinh xã hội, gam cak rok patagok bruk ngak mbang kinh tế. Kadha vak di Phúc Sinh angaok báo Bình Thuận điện tử, daa mikva saong taong abih gauk tui pang.

Maong tame sajarah labaih 300 thun haong hadom trun – tagok, rup binguk dom rai urang ngak nong Bhum taneran kraong Cửu Long jeng daok brei mboh hatai kham merat, tari taring, oh huac glaih glar, ba drei tame gluh baok di kraong Mekong piah ngak jeng dom “bilan pala siam, asar brah mekre”. Da-a mikva saong taong abih gauk pang kadha vak di Cao Phong angaok báo Sài gòn giải phóng.

Mbang tết thun sak ramaong thun ini, Đảng bộ, karja haong bhap bini tỉnh Sóc Trăng bak bui sambai jang tuk rilo xã hu rilo urang Khmer daok, mek hu angan xã palei pala bahrau paglaong. Rilo sang kan kathaot jeng sang ginup meda, sang danaok padang ngak dak harei dak praong - siam, jalan điện, jalan mbak, sang bac, bilai iek ruak hu ramik pasiam veik atau padang ngak bahrau. Nan ye mikva salam uan thun bahrau ini bak bui sambai jang. Kadha vak di Thạch Hồng, urang vak di rayo sap ndom VN daok di bhum taneran kraong CL: