Bilan pilih ruah thun ini, dom sang bac đại học jeng pandar biak rilo jalan ngak piah pilih ruah, meng bruk iek tui mbang pacacah taong yaom prein bac, taong yaom hatai sahneng, iek tui bruk pacacah tamat trung học phổ thông, chứng chỉ bac sap negar langiu pakat dunya… Dom salih bahrau ka jalan ngak saong peih rilo mbang pacach hu jalan tabiak kadha pacacah karei di gauk hu ngak brei tagok rilo jalan hu pilih ruah halei oh atau ngak kan kandah tal dom urang pacacah thun ini? Daa mikva saong taong abih gauk pang kadha vak di urang vak Minh Hường hu ndem ka bruk ini:

Dalam dom thun tapa, bruk thể dục thể thao bhap bini daok cakrok dalam bhap bini urang Cam daok di huyện Bắc Bình, tỉnh Bình Thuận tui rilo jalan ngak, dui pachreih hu rilo rahra hu mbaok tame. Tapa nan, nyu rik daong paglaong prein yava bhap bini piah hu siam mekre dalam bac megru, ngak bruk, jeng yau dak padang jalan diukrai khang kadang, pasiam ilamu, hatai sahneng ka mikva Cam. Jasi – urang vak di rayo sap ndom VN daok di ban raya HCM hu kadha vak ndom ka bruk ini:

Maong iek dom urang dit blong, caoh mbanh daok ranaih umo thun di Việt Nam bahrau pakacah di giải U23 Đông Nam Á, oh kan piah mboh sa Quang Nho biak karei. Meng ilamu hu pato pasram meng sit di sa labik pato hu angan je yau Học viện Hoàng Anh – Gia Lai, Dụng Quang Nho tacei ba mbang pakacah biak gheih, biak njauk haong angan lac akaok kapul, bo tapa nan daok brei mboh di sa-ai, oh karei hagait sa urang tamia ragu samba. Dụng Quang Nho lac urang caoh mbanh hu rilo menuac takre, abih di nyu nan lac, urang pan akaok kapul U23 pakat negar hadah mbaok meta gam haong dom ayut dalam kapul, yar glaong cúp vô địch Đông Nam Á. Kadha vak hadei ini, hu daong ka kol drei hu thau cambaih jang ka urang dit blong lac urang Cam ini:

Bruk pambuak dulich di Ban raya HCM saong Bhum taneran kraong Cuu Long hu peih gilac veik chip hadei di tuk Viet Nam birau brei peih pabah mbang taduan raok tuai dunya, ba mai hatai caong siam mekre ka bruk pasiam veik dulich Viet Nam. Kadha vak di nyaom urang vak angaok mbao Người Lao động ka tukvak ameh ka gah dulich Ban raya HCM saong Bhum taneran kraong Cuu Long. Da-a mikva saong grauk ayut tui pang:

Thau cambaih jalan ngak di Đảng ka bruk iek glang prein yawa bhap bini, dom thun tapa, gah Y tế tỉnh Kon Tum hu dom takai yam khang kajap, abih di nyu nan lac y te puk palei. Tapa nan, dak harei dak pabak siam jang bruk iek ruak, khik caga prein yawa ka bhap bini, rik daong praong tame jak jeng di bruk patagok kinh te - xa hoi. Kadha vak di Khoa Điềm – urang vak di Rayo sap ndem VN daok di bhum Tây Nguyên ka bruk patagok di y tế puk palei di tỉnh Kon Tum dalam bruk iek ruak, khik caga prein yawa ka bhap bini.

Salih dom jalan ngak, peih praong darak pasa ye bruk paglaong buh jien tame ngak mbang, parilo pandap panda meng thanh long… Nan lac dom jalan njauk ngak bo dom gah khik ramik, doanh nghiệp hu ba tabiak piah langyah dom kan kandah di bruk pablei baoh that saong pamaong tal cakrok patagok suai lavik, khang kajap di phun thanh long. Kadha vak di kapul urang vak di mangaok mbao Nhân dân ka bruk duah jalan cak rok patagok siam lagaih di phun thanh long.

Hadei di sa tukvak suai lavik njauk kan kandah di jit ruak COVID-19, dalam dom bilan akaok thun ini, gah ngak ikan pra taduan hu rilo bui sambai saong daok tame tukvak praong tagok bahrau. Yaom lac yau nan, rilo urang raong ikan di Bhum taneran kraong CL brei thau lac “bui sambai oh ka bak hu abih” . Kadha vak angaok mbao điện tử Thông tấn xã VN ka darak pasa ikan pra hu siam tagok nao gam haong dom bruk haduh hatai tagok pandiak. Daa mikva saong abih gauk tui pang.

Kadung jien Daong urang kumei ngak mbang patagok radiuk (eiw lac CWED) di Kapol urang Kumei Ban raya HCM hu padang tabiak meng thun 2003 piah daong phun jien ka urang kumei ngak mbang patagok raidiuk, duah hu bruk ngak, patagok jien mek tame. Anak dom kan kandah kayua jit ruak Covid-19 tal bruk ngak mbang, raidiuk di dom urang kumei, Kapol urang kumei hu jao brei phun jien laba takik meng Kadung jien CWED daong ka adei sa-ai peih gilac veik bruk ngak mbang, pablei salih hadei di tuk jit ruak praong. Hu phun jien nan, rilo adei sa-ai dak harei dak yam tapa kan kandah, samar tani tanat raidiuk. Kadha vak “ Kadung jien CWED daong urang kumei Ban raya HCM pasiam bruk ngak mbang kinh te hadei di jit ruak Covid-19” di Ái Nghiêm – Urang vak di Rayo sap ndem Viet Nam:

Meng bruk hu mboh di anak meta di mbang jit ka 4 meng bloh, ban raya HCM mboh hu dom bruk oh ka lagaih saong bac megru hu dom ilamu, dom bruk samar drah njauk ngak, tui jalan thau lac y tế lac bruk prong, suai lavik, khik ka rahra hu pabak bruk y tế samar di abih tuk njauk ruak. Khin yau nan, brei pataom tame ka y tế cơ sở. Bruk ba jiak 300 sinh viên khóa Y 2015-2021, Đại học Y khoa Phạm Ngọc Thạch mai daong pabak ka bilai y tế dom phường, xã lac piah ngak hu bruk ni. Kadha vak di Quang Huy angaok mbao SGGP brei thau ka bruk hadei di sa bilan dom bác sĩ ranaih umo mai phường xã:

Meng thun 2018 tal urak ni, di bhum palei pala tỉnh Ninh Thuận, bruk taneh tagok yaom glaong oh ka mboh trun, oh lac taneh dok, bo taneh ngak nong jeng yau nan . Tuk yaom taneh hu jhul tagok glong, rilo sang rahra daok di palei pala parabha taneh piah pablei, hu dom urang jeng po blei pataom taneh. Kadha vak di urang pambuak bruk Thúy Linh dok di tỉnh Ninh Thuận hu ndom ka bruk ni: