Raok Tết thun anek sak takuh 2020, rilo jabat , kapul nyaom , doanh nghiệp di ban raya .HCM hu iek glang tani tanat rai duik mbang ngui dok dang ka urang ngak song urang kan kathaot, piah urang mboh bui sambai jang tuk Tết mai.

Dom harei puac bilan Puis saka aia bulan, Bộ Tư lệnh Vùng 4 Hải quân hu nao rivang saong tadhau ayuh Tết ka urang jakar, urang lin angaok pulao Trường Sa. Kadha vak di Thanh Hiếu, daok di bhum kreh negar nao haong kapul urang ngak bruk di Trường Sa:

Dom harei puac thun 2019, Bình Thuận taduan hu kadha bui sambai tuk adat Cầu ngư bahrau hu pok brei angan inem krung ilamo oh mboh di meta pakat negar. Ini oh lac bruk ngak ilamo tín ngưỡng bhap bani, bo tapa bruk ini hu daong pabak tame 1 pandap du lịch tasik dui pachreih tuai damuai dalam saong langiu negar mai haong bhum taneh ini di bilan 6 saka aia bulan yaok thun.

Angaok bal raya HCM urak ini hu 8 quận huyện saong 88 phường xã hu bruk klauk jru tiêm chủng biak biar. Dalam nan, hu 7 quận lac:10, 11, 12, Phú Nhuận, Tân Bình, Bình Tân, Bình Thạnh oh ka mek hu tỷ lệ tiêm chủng. Kadha vak di Thành Sơn angaok báo SGGP ndom tagok dom suh sah anak bruk yau nan:

Anek saih, sinh viên bal raya Hồ Chí Minh ndua angaok rup bruk ngak ka taneh aia dak harei dak prong siam jang, gheih ghang jang yau panuac kakei di Wa.

Daong duah urang njuak bala lac bruk di gilai 954 di Hải đội 511, Lữ đoàn 127, bhum 5 hải quân. Ini lac bruk njauk ngak tuk bala rah tabiak angaok tasik piah daong ka urang ngak ikan saong dom gilai gaok bala. Kayua bruk ngak, oh kuhria hagiat harei lễ, Tết, urang jakar, urang lin gilai 954 tuk halei jeng caga tabiak tasik piah daong bruk. Tết ini dom urang lin di kapan 954 taduan hu lệnh tabiak tasik khik iek, dahlau di tuk tabiak nao ngak bruk di tasik, gilai hu peih bruk raok tết aval jang ka urang jakar, urang lin, dalam bui sambai chreih chrai. Kadha vak di Phạm An bahrau payua mai meng bhum 5 HQ brei thau ka bruk nan:

Hu bruk dong di đồn biên phòng Đăk Dang (Bộ chỉ huy Bộ đội biên phòng tỉnh Đăk Nông), labaih 15 thun tapa, bruk pasiam veik mblang taneh Đăk Huýt, xã Quảng Trực, huyện Tuy Đức hu raong labaih 200 baoh sang urang bangsa takik pak ni. Meng labik lac hu rilo kan kandah, tok cong tame dom asar padai puh, urak ini mikva thau pala padai ia piah patagok rai duik . Kadha vak di urang vak di rayo sap ndom Viet Nam dok di bhum Tây Nguyên ndom ka talei rohim khang kajap di bol bala saong rahra di bhum taneh tapen negar ni:

Ban raya HCM hu yaok rituh darak praong sit tamuh eng di dom quận, huyện. Bruk yak klak darak tamuh eng di ban raya hu ngak meng lavik thun ini mai, min oh njauk lac labik halei jeng ngak hu. Tal urak ini, Quận 1 lac sa dalam dom quận biak takik yah klak hu rilo darak tameh eng hu meng yaok pluh thun. Kadha vak di Thu Hường angaok harak mbao SGGP brei thau ka bruk kham merat di Quận 1 piah bayar veik mbaok meta siam mekre ka pasak ban raya Ho Chi Minh:

Nho lac phun pala tok lagaih di Ninh Thuận, yaom lac oh ka tal 4% abih tih taneh pala drak min phun nho ba mai kein laba meng 15 tal 20% yaom jien mek tame meng bruk pala drak. Kadha vak di Nguyễn Thành angaok harak mbao Tin Tức hu daong ka mikva thau cambaih jang dom jalan daok ngak di tỉnh Ninh Thuận piah paglaong kein laba ka janih phun pala hu brei angan lac “ patao kumei” di bhum taneh bak pandiak saong hangin ini:

Dom harei tapa, di mblang radeih miền Đông, dom labik pablei harak radaih biak joa lange, takik hu tuai damuai. Min, dom hãng radeih chất lượng glong peih nao dom jalan gah kreih negar yau Quảng Nam, Quảng Ngãi, Bình Định… mboh yau dok padauk harak radaih piah pablei yaom glong ka radeih hợp đồng. Tui nan, dom po radeih ni khan lac harak radaih dalam bến hu pablei abih ye, daok harak di radeih pah gah langiu ye hadom jeng hu( ?!). Min yaom harak radeih langiu tuk halei jeng glong jang dut song yaom harak radeih peih dalam mblang radaih. Kadha vak di Quốc Hùng angaok mbao SGGP ndom ka bruk ni: