Anak bruk dom urang ruak dalam bhap bini di Ban raya HCM tagok yaok harei, abih di nyu nan lac dom urang mboh ruak tame iek ruak di dom labik y te, tapa nan brei mboh, anek ruak hu mbaok di grauk labik dalam ban raya saong dom urang ruak meng labik pacang caga dak harei dak tagok samar. Kayua yau nan ye, Ban raya brei hu dom jalan ngak catang jang piah pacang hu jit ruak. Kadha vak di Thành An angaok mbao SGGP hu ndem ka bruk nan:

Dalam tuk jit ruak Covid-19 daok rah tabiak dalam kan kandah, abih di nyu lac meng puac bilan 4, mbang jit ka 4 pambak praong tabiak rilo tỉnh, ban dalam negar ngak kan kandah tal bruk ngak di dom D.N dalam labik ngak kong, pasak kinh te praong. Min, dalam 6 bilan akaok thun ini, abih tih jien mek tame meng bruk pablei salih pandap tame tabiak negar hu jaik 317 tỷ USD, tagok 32,2% dut saong tukvak ini thun dahlau. Tui dom urang ilamu, bruk mek hu 600 tỷ USD meng pablei salih tame tabiak negar dalam thun 2021 lac meda ngak hu. Kadha vak “Rilo prein khang piah ka bruk pablei salih tame tabiak negar 6 bilan puac thun daok tagok glaong” di urang vak Nguyên Long hu ndem ka bruk nan:

Meng hatai caong khin samar pacang cakak, jhul kadhul lakuk jit ruak, gam haong bhap bani dalam negar, bhap bani dom bangsa takik di tỉnh Ninh Thuận sa hatung hatai saong gauk pachreih tui bruk pacang caga jit. Yaom lac rai diuk daok gaok biak rilo kan kandah, min mikva abih hatai rik daong kadung jien vắc xin pacang caga jit covid-19. Kadha vak di urang pambuak bruk Minh Triều daok di Ninh Thuận hu ndom ka dom kham merat dalam bruk pacang caga jit di bhap bani:

Jit covid-19 daok rah tabiak khang, ngak kan kandah prong tal rai diuk di bhap bani saong bruk ngak mbang pablei salih di dom doanh nghiệp dalam saong langiu tỉnh Bình Thuận. Kan kandah lac yau nan, min dalam dom harei tapa hu biak rilo manuac urang, jabat, doanh nghiệp… abih hatai klah rabha, pachreih tui bruk pacang caga jit, meng hatai caong khin rik daong pren haong tỉnh Bình Thuận samar jhul kahul lakuk jit ruak, ba mai rai diuk sron mbuan ka bhap bani. Kadha vak di Thanh Thuỷ angaok báo Điện tử Bình Thuận brei thau ka bruk ini:

Anak bruk brei thau lac TP.HCM ba tabiak pok jien daong 886 tỷ đồng brei ka dom menuac gaok kan kandah kayua jit Covid-19 saong hu peih brei dalam 7 harei ngak bruk, hu biak rilo rahra mboh uan tabuan saong caong lac jien daong samar tal tangin piah trun meneing dom kan kandah, glaih glar kayua jit ruak urak ini. Kadha vak di Minh Thắm haong Việt Hùng – urang vak di rayo sap ndom VN daok di ban raya HCM.

6 bilan akaok thun 2021, dalam tỉnh Đồng Nai hu jaik 20 ribau mbang baoh sang kathaot, jaik kathaot, baoh sang bahrau tabiak truh kathaot, baoh sang kan kandah hu mesriay phun jien sarak meng Gilang pariak sarak karja tỉnh. Kadha vak di Văn Chính angaok báo Đồng Nai brei thau dom kham merat di dom gilang pariak sarak karja Đồng Nai dalam bruk ba mbuan lagaih ka bhap bani hu mesraiy phun jien ini:

Meng dom harei puac bilan 6 tal ini, gah y tế bal raya Hồ Chí Minh brei jul samar bruk klauk vaccine pacang COVID-19 mbang 5 ka dom urang daok di dom labik mbuan njaom mbak jit; urang ngak di dom Cty, doanh nghiệp; dom jabat, mban ngành dalam bal raya. Kadha vak di nyaom urang vak angaok báo Tin Tức brei thau dom kham merat di bal raya HCM dalam bruk jul samar bruk klauk jru vaccine COVID-19 ka bhap bani:

Taong abih 63 tỉnh bal dalam negar jeng hu sap gap blaoh blai ka mbang pakacah tamat THPT thun bac 2021 tui bruk ba tabiak. Dalam tuk jit ruak Covid-19 daok tamuh khang, bruk kuhria caga ka mbang pakacah ini di dom tỉnh, ban abih di nyu lac di bal raya HCM, hu peih ngak yau habar? Khol drei duah thau tapa kadha vak di Phan Thảo saong Thu Tâm angaok báo SGGP:

Anak bruk srau kadau di jit ruak Covid-19, dom tỉnh bal yau bal raya HCM atau Bình Dương brei padeih atau kareik pabah mbang dom labik pablei salih pandap mbang menyum yaok harei yau siêu thị, labik pablei mbuan laghaih, darak đầu mối, darak pablei lẻ... Piah oh ngak klaoh bruk pabak pandap panda, jabat khik iek karja, dom doanh nghiệp hu ba tabiak rilo jalan ngak, pabak ginup pandap ka darak pasar. Kadha vak di urang vak Bá Toàn brei thau ka bruk caga peih ngak dom jalan ngak ini di dua tỉnh, ban angaok nan:

Mikva urang pang rayo anit ranam! Jit ruak Covid-19 tamuh tabiak khang, ngak brei oh takik urang ngak daok diukrai, ngak bruk di TP.HCM laik tame kan kandah tuk brei padeih bruk atau bruk ngak takik veik, trun jien mek tame. Klah rabha kan kandah haong urang ngak, hu rilo po sang trọ dalam ban raya brei trun jien pah phòng, alin hadaih pandap piah ka urang pah bilik daok hu cadu prein dalam tuk kan kandah. Kadha vak di Tỷ Huỳnh, urang vak di rayo sap ndom VN daok di TPHCM brei thau ka bruk nan, da-a mikva saong taong abih gauk tui pang: