Anak bruk srau kadau di jit praong Covid-19, tỉnh Bình Thuận thau lac, bruk samar peih ngak dom sarak daong ka urang ngak gaok kan kandah kayua jit praong Covid-19 tuk Sarak 68 di Raja-ei, meda pabak pren khang piah jhul kadhul likuk jit ruak, peih ngak hu jayah dua bruk haong gauk. Jang urang halei karei, dalam tukvak ini, dom urang ngak, abih di nyu lac urang ngak tự do, urang ngak eng drei caong hu daong samar drah di abih. Kadha vak di Đoàn Sĩ – urang vak di rayo sap ndom VN daok di bal raya HCM:

Mintri Pato Megru bahrau hu harak payua dom Mintri, dom jabat samu mintri, jabat di Rajaei, UB bhap bini dom tỉnh, ban di Trung ương haong dom labik pato - megru ka bruk klah rabha kan kandah, daong ka anek saih, sinh viên haong amaik ame dalam tuk jit ruak Covid-19. Tui nan, Mintri Pato Megru ieu dom jabat khik tani tanat yaom jien bac dalam thun bac 2021-2022 yau thun bac dahlau, piah klah rabha kan kandah kayua bala meng langik tasik, kayua jit ruak ba mai. Kadha vak di Minh Hường – urang vak di rayo sap ndom VN brei thau ka jalan ngak njauk pok meyaom ini:

Meng hu bruk daong prong abih meng dom sang iek ruak tuyến Trung ương, dom Pasak Pasiam veik pren yava samar drah di bal raya Ho Chi Minh saong dom tỉnh, ban hu peih tabiak ngak bruk ngan haong dom kham merat glaong abih piah taong ruak ka dom urang ruak trak, mbuan metai, patrun patakik di abih dom manuac metai. Kadha vak di Trần Lam angaok báo Nhân Dân brei thau ka dom kham merat di dom y bác sĩ piah meblah veik suan yava ka dom urang ruak Covid-19 trak di dom tỉnh gah Meraong:

Having akaok, duh hatai, nan lac bruk di yaok ribau urang nong di bhum taneran kraong Cửu Long urak ini tuk tame bilan yuak padai hè thu, kayua padai yuak blaoh oh hu menuac blei. Kadha vak di Cao Phong saong Thanh Hải angaok báo SGGP ndom ka dom jalan ngak piah duah jalan pablei yaok triệu tấn padai di bhum taneran kraong Cửu Long:

Labaih 6.000 “bhum hijao siam mekre” hu padang tagok di dom tổ dân phố, tổ bhap bani, khu phố, ấp, hẻm, chung cư dalam bal raya HCM. Tui pakat mbuan ba tal njaom mbak jit ruak, Mban Tacei pato pakat negar pacang caga jit Covid-19 parabha dom labik jeng 4 sambo màu. Urak ini bal raya hu labaih 156.000 bhap bani hu mbaok tame khik iek “bhum hijao”. Kadha vak di nyaom urang vak báo SGGP brei thau bruk kham merat khik caga dom jak jeng dalam pacang jit tapa bruk peih prong dom “bhum hijao” salamat di bal raya HCM:

Piah taduan raok dom urang daok di bal raya Hồ Chí Minh saong dom tỉnh gah Meraong mai veik palei dalam tukvak jit ruak dak harei dak khang, huyện Ninh Phước, tỉnh Ninh Thuận hu padang saong ba tame pandar 9 labik brei daok karei pataom sa labik. Dalam nan, hu sa labik kayua huyện khik iek, tacei ba; 8 labik daok veik hu jao ka pakat xã khik iek. Kadha vak hadei ini di urang pambuak bruk Minh Triều brei thau dom kham merat di huyện Ninh Phước dalam bruk taduan raok bhap bani, patagok dom jalan pasang iek dịch tễ piah plaih njaom mbak nao mai dalam dom labik brei daok karei pataom sa labik kayua xã khik iek.

Pathau mikva saong taong abih gauk! Tui panuac ieu di Karja, di Rajaei haong di urang pan akaok Mintri Y tế, tui panuac ieu di baoh hatai, yaok rabau y bác sĩ, kỹ thuật viên gah Brak tagok jalan tame Meraong daong prein. Blaoh kapul y bác sĩ di sang iek ruak Tai Mũi Họng TW jeng ba gauk tagok jalan tui. Piah daong ka mbang nao atah di dom urang lin ao mbong patih hu lagaih jang dalam tuk ngak bruk, dom urang di kalup kapul Mbuk mekre Việt Nam hu nao tal sang iek ruak piah cakak mbuk ka dom y bác sĩ. Kadha vak di urang vak Bích Ngọc ka dalikan drut drui ini:

Pathau mikva saong taong abih gauk! Meng hatai kayua gah meraong ralow darah, kreh bilan 8, dom sang iek ruak Trung ương daok di Hà Nội yau ye Sang iek ruak Bạch Mai, Sang iek ruak Phổi Trung ương, Sang iek ruak Hữu nghị Việt Đức… hu ieu pataom dom urang jakar y tế samar tagok jalan piah daong prein, daong bruk ka gah Meraong pacang jit COVID-19. Hu urang hu amaik ame taha, hu anek sit min halan hatian nao tame labik pandiak, tame pasak jit mbang ini. Kadha vak di Ngọc Bích angaok báo Tin Tức-TTXVN hu daong ka kol drei thau cambaih jang ka bruk sa hatung hatian daong TPHCM pacang jit di dom y bác sĩ mai meng dom tỉnh gah Brak:

Bruk halan hatian “Bilan hè hijao” thun ini di Bình Thuận rah tabiak dalam tuk biak karei kayua kan kandah di jit praong Covid-19. Nan ye, jalan peih ngak dom asal kadha halan hatian jeng hu salih karei piah lagaih haong bruk rah tabiak di jit ruak. Kadha vak di Thanh Thủy angaok Báo Bình Thuận brei thau ka dom harei hè biak karei di urang đoàn, dam dara dalam tỉnh:

Urak ni tỉnh An Giang dok tame tuk vak tabung glong yuak, mek janih kaya nong, rong glang …, abih di nyu lac padai Hè - Thu thun 2021. Min, kayua kan kandah di jit ruak Covid-19, bruk yuak saong pablei gaok biak rilo kan kandah. Kayua yau nan ye, tỉnh dok samar ba tabiak dom jalan ngak piah lang talaih kan kandah, abih di nyu nan lac bruk pambuak gauk dong pablei padai ka urang nong. Urang vak Phan Ánh hu kadha vak ndom ka bruk ni: