Jit ruak praong Covid-19 tuh mai yau sa ribuk,ba seik nao yaok pluh ribau doanh nghiệp di negar drei, tok dalam 3 tal 4 bilan tapa. Jeng daok nan yaok pluh ribau doanh nghiệp karei daok gaok kan kandah saong mbuan tabiak truh darak pasar. Yaom lac Rajaei hu ba tabiak dom paok jien piah daong daonh nghiep trun takik kan kandah, min tal tukvak ini, dom paok jien daong nan hu tal njauk labik ha-oh? Kadha vak di Thành Trung urang vak di Rayo sap ndem Viet Nam hu ndom cambaic laic jang ka bruk ini:

Tuk vak jiak di ni, di Bình Thuận, bruk par kalang hu mboh di rilo labik, meng ban sit tal puk palei, abih di nyu nan lac dalam tuk dom adei anek saih padeih bac kayua jit Covid-19 nan ye hu tuk lahaiy . Bruk njauk menyai nan lac, par kalang bhian duah dom labik taneh praong, klaak saoh, ye rilo urang prong, uranaih par kalang ala dom jalan talei điện, oh sahneng hagait tal rilo bala mbuan rah tabiak. Kadha vak di Văn Thuận – urang pambuak bruk haong rayo sap ndom VN dok di ban raya HCM hu ndom ka bruk ni:

Trà Vinh lac tỉnh hu boh sang kan kathaot glong abih di bhum taneran krong CL. Min, meng hu ngak samu gauk rilo jalan ngak, nan ye bruk patrun kathaot di tỉnh ni mek hu siam mekre, rai duik di bhap bini dalam tỉnh dak harei dak siam tagok. Hu yau ni meng hu bruk kham merat rik daong di dom urang hu angan je dalam tỉnh hu rilo urang bangsa takik. Kadha vak di Thạch Sa Oanh-urang vak di rayo sap ndom VN brei thau dom urang yau kreih camin hu rilo rik dong ka xã hội:

Dalam gilang ragu ragam meng kan di dom bangsa takik Việt Nam, ragu ragam di yaok bangsa ndung bak sa ilamu karei, kak kajap haong raidiuk, haong hatai sahneng di yaok bangsa. Tui thun bilan, meng bruk sahneng duah di dom nghệ sĩ, ragu ragam bangsa jeng hu ngak bahrau piah lagaih haong saman bahrau. Lingiu di bruk khik ramik ilamu meng kan, ragu ragam di dom bangsa takik daok hu daong ngak brei kaya meda jang ragu ragam Việt Nam. Kadha vak di Hồng Minh angaok báo Điện tử Bangsa saong Patagok hu ndom tal bruk ini:

Tukvak jaik di ini, hu yaok rabau menuac tut angan likau suak mek jien bảo hiểm xã hội (BHXH) 1 mbang kayua gaok kan kandah di jit Covid-19, rilo meng lac di dom tỉnh, ban yau Bình Dương, Đồng Nai, TP.HCM … Dom urang ngak nan suak mek BHXH 1 mbang piah langyah kan kandah di anak meta kayua lahik bruk, dom urang ilamu gah bruk ngak ndom lac, bruk urang ngak suak mek BHXH 1 mbang lac biak khat ka vaktu hadei. Kadha vak di urang vak Kim Thanh hu langyah cambaih bruk ini:

Mesup harei 6/1/1975, hala dok cách mạng hu tual tagok tabung Dinh Tỉnh trưởng Phước Long. Ini lac kadha praong dalam chiến dịch bilan bingu thun 1975, peih paha gah meraong negar, yasa taneh ia. 45 thun hadei di harei peih paha, meng bhum taneh bak mbom, siu, harei ini Phước Long hu salih bahrau biak samar, jeng sa labik cakrok di tỉnh Bình Phước. Thiên Lý, uang vak di rayo sap ndom VN daok di ban raya TPHCM hu kadha vak “Taneh apui” Phước Long oh ndih var angaok jayah, da-a mikva saong taong abih gauk tui pang:

Lac palei daok rah tui Jalan Roya 1A hu biak rilo sang pablei salih sit sot, rilo kuan mbang menyum, UB bhap bani bal sit Lương Sơn (huyện Bắc Bình, tỉnh Bình Thuận) thau lac bruk pathau khan hu yaom biak prong piah pacang, caga jit Covid -19. Meng ngak siam bruk pathau khan bo mbang mesruh pacang caga jit Covid -19 hu bruk pachreih tui di bhap bani pak ini, dalam nan hu rilo baoh sang urang Cam.

Dom harei tapa, bhap bani Cam An Giang gam haong dom bangsa adei sa-ai karei dalam tỉnh sa hatung hatai haong gauk kham merat pacang caga jit ruak Covid-19. Oh lac ngak siam bruk daok atah di gauk, bruk anit ranam gauk, daong ba gauk dalam bhap bani tuk halei jeng hu patagok, manuac urang sangka daong ba gauk yam tapa kan kandah

Mbang taong prong pacang jit covid 19 tui tacei pato di Raja-ei: Dak kan kandah, dak ngak khang saong samar drah, sa hatung hatai haong gauk, jhul kadhul likuk jit ruak, daok hu taong abih bhap bani dom kapul nyaom chính trị xã hội dalam negar hu mbaok tame.

Dom harei puac bilan 4 ini, mikva urang Cam Bàni di Ninh Thuận, Bình Thuận uan raok Ramưwan. Dalam tuk nan, urang Cam di An Giang, Tây Ninh, Đồng Nai, Bình Dương, ban raya Hồ Chí Minh tame bilan eik Ramadan. Kayua jit ruak Covid-19 rah tabiak srau kadau nan ye harei uan raok (meng harei 22 tal harei 24/4) saong bilan Ramưwan haong bilan eik Ramadan thun 2020 ( meng harei 25/4 tal harei 25/5) di bhap bini Cam oh daok rah tabiak dalam chreih chrai, bui sambai yau dom thun dahlau.