Harei pataom Papar sap pakat negar mbang ka 14 –thun 2020 hu peih tabiak di melam paguh (25/6) di bal Cao Lãnh, tỉnh Đồng Tháp. Dalam dom bruk di harei pataom, daok rah tabiak dom bruk hu mbaok di rilo urang lambaok. Harei pataom di dom urang ngak gah papar sap mbang ka 14 meda mek hu rilo jak jeng praong ngan haong dom tác phẩm hu pok meyaom.

Meng dom sarak daong di Raja-ei saong Bal raya HCM yau: brei dui atah, patrun jien je, jien laba gilang pariak, brei dui atah tukvak mesre saong danak dak pachreih bruk blei pandar hadei di jit ruak Covid-19, rilo doanh nghiệp di bal raya daok pasiam veik bruk ngak mbang pablei salih. Dom công ty daok blei jamriak, pandap panda tame piah peih prong bruk ngak mbang, peih tabiak jalan patagok bahrau.

Kuhria tal urak ini, tỉnh Bình Thuận hu bayar jien daong ka 113.593 urang dalam tinh gaok kan kandah kayua jit prong Covid-19, ngan haong yaom jien labaih 116 tỷ đồng. Dom urang hu ba-yar rilo meng lac urang hu buh rilo pren yava ka cách mạng saong gauk gar; urang hu bảo trợ xã hội daok mbang jien daong yaok bilan saong baoh sang kathaot, baoh sang jaik kathaot. Bình Thuận daok pasang iek, ba-yar jien daong ka dom nyaom urang daok veik. Yau nan min, rilo labik daok gaok kan kandah, having akaok dalam bruk duah thau urang ngak bruk tự do lahik bruk ngak kayua jit prong Covid-19

Di TPHCM, meng dom harei camereip hu urang ruak Covid-19, gam saong dom gah karei, labik halei hu bruk pacang caga jit, labik nan hu urang vak. Kadha vak di Ngọc Xuân, urang vak di rayo sap ndom VN daok di TPHCM brei thau bruk kham merat, oh sahneng hagait ka rup drei dalam tuk ngak bruk di dom urang vak daok di TPHCM, daong ka kol drei thau cambaih jang dom bruk ngak kandang joa saong bak makna di dom urang ngak báo

Dalam dom harei taneh ia ba gauk pacang caga jit Covid-19 saong daok pa-atah di gauk, dom bruk karei meda padeih ngak, min khau tin ka jit ruak brei gam gam khan ka bhap bini thau piah bruk pacang caga jit hu siam mekre jang. Di Rayo sao ndom Việt Nam (VOV), piah khan brei bhap bini thau cambaih saong thau njauk ka bruk daok rah tabiak di jit Covid-19, dom urang vak, dom urang biên tập njauk ngak bruk biak glaih glar, hu oh takik mbang dang anak bruk mbuan njaom ruak tuk ngak bruk.

Vaktu tapa, Sở ngak nong saong patagok palei pala tỉnh Bà Rịa – Vũng Tàu hu rilo mbang ieu ban sit Phú Mỹ langyah bruk ngak suan hành chính di Công ty Marina – Châu Pha ka bruk lik mek, padang ngak suan labik danao, min mbiah tal urak ni jeng ka oh langyah hu abih, doanh nghiệp ni jeng daok padang ngak vil val mbaok binek.

Giải Báo chí pakat negar thun ini daok brei mboh bruk kham merat, labik dang saong pok angan dom urang ngak báo di VOV hu rilo kadha gheih di abih, ba tal rilo siam mekre di abih dalam xã hội. Meng dom bruk ginum biai ngak brei hacih sa-at Đảng, dom urang pan akaok Đảng – Karja tal dom dalikan ka raidiuk, bruk mbang ngui, bruk khang hatai khik caga chủ quyền, taneh ia, urang vak di rayo sap ndom Việt Nam tuk halei jeng ba abih drei tame gah jalan saheng, nao gam haong taneh ia tapa rilo kadha praong.

Peih ngak dom danak dak bruk ngak negar, jaik abih dom tinh, ban dalam bhum taneran kraong CL hu padang dom janih darak bahrau yau ye siêu thị, kadai quan mbuan lagaih taphia dom darak meng kan piah duh ka bruk pablei salih pandap panda di rahra. Min, dom darak tamuh eng lih mek abih takai jalan di dom puk palei jeng daok hu biak rilo. Bruk ni ngak lahik salamat ka urang peih radaih saong dom urang pablei salih.

Pok jien dong 62.000 tỷ di rajaei brei ka urang ngak, dalam nan hu urang ngak gaok kan kandah kayua jit prong Covid-19 lac bruk ngak biak siam biak hu makna, min tal kreih bilan 6, Mintri Lao động Thương binh song Xã hội jeng bahrau pasang iek, brei daong ka 418 urang ngak. Gah langiu mbang nyaom, dom urang Quoc hoi cong khin dom mintri, dom gah chức năng samar hu jalan ngak piah ka urang ngak hu mbang tui sarak dong di karja tui njauk tacei pato di Thủ tướng Rajaei. Kadha vak di urang vak Việt Cường, Nguyên Nhung ndom ka bruk ni:

Urak ini, bhum taneran kraong Cuu Long tame bilan hajan, ini jeng lac tukvak bo karja palei saong mikva labik ini samar pasiam veik bruk pala drak hadei di mbang pandiak bhang khang dalam sajarah dakrai. Kadha vak di Nhật Trường – P.V VOV di bhum taneran kraong Cuu Long ndem la bruk pasiam veik bein phun baoh kayau bingi khut trak hadei di pandiak bhang, njom ia mbak di dua tỉnh Tiền Giang saong Bến Tre lac bhum palei hu taneh pala phun mbang baoh ralo di bhum taneran: