Dom thun tapa, bruk peih ngak dom sarak daong di Đảng haong Karja brei ka bhap bini bnagsa takik, bhum biak kan kandah oh lac hu daong ngak ka mbaok meta palei pala hu hadah hadai, bo daok hu daong ka yaok rabau baoh sang tabiak truh kan kathaot, raidiuk dak harei dak trei sir. Kadha vak: “Bình Thuận: bhum bhap bini bangsa takik ginup meda tagok meng hu sarak karei” hu ba tagok báo Bình Thuận. Da-a mikva saong taong abih gauk tui pang.

Meng caong khin ba Cồn Sơn jeng labik dulich siam mekre, salamat, dom thun tapa, công an phường Bùi Hữu Nghĩa, quận Bình Thủy, Ban Cần Thơ ba tabiak ngak rilo bruk jak ba. Bruk kham merat abih drei, gheih pathau khan sarak di Đảng, hukum di Karja tal yaok baoh sang di Cồn Sơn hu ngak brei hacih sa-at bhum palei, tani tanat an ninh, trật tự, jhuk patagok gah dulich di Ban Cần Thơ. Kadha vak “ Cần Thơ: Jak ba gheih brei ka bhum kraong ribaong sron mbon” di Hồng Phương – Ánh Hồng urang vak di Rayo sap ndem VN daok di bhum taneran kraong Cuu Long:

Meng kham merat tame bruk saong khang hatai talaih klaak “thẻ vàng” di UB châu Âu (EC), bruk pacang chap mek kaya ikan dalam ia suan hukum di tỉnh Bà Rịa Vũng Tàu daok hu siam mekre tagok. Kadha vak “Bruk bui sambai meng kham merat taoh talaih “thẻ vàng” EC di Hồng Phúc angaok harak mbao Bà Rịa - Vũng Tàu hu daong ka mikva saong dom ayut thau cambaic jang ka bruk nan

Yaok thun, tukvak ini lac tame bilan ia ndik di Long An saong dom tỉnh di bhum taneran kraong Cuu Long. Min thun ini, gah angaok kraong jeng lac labik taphia negar di tỉnh Long An, ia ndik suai mai, ngak brei urang ngak nong biak haduh hatai. Piah caga ka bruk ia ndik oh lagaih, urang nong di bhum taphia negar Đồng Tháp Mười samar salih jalan raong glang, pala drak. Kadha vak “ Ia ndik suai mai, urang nong di bhum taphia negar Long An samar salih jalan ngak mbang” di Nguyễn Quang - urang vak di rayo sap ndom VN daok di Ban raya HCM.

Daok dalam bhum ikonomi praong di gah Maraong negar, gam haong rilo kaya siam lagaih, Bình Thuận ieu lac sa tinh hu prein maraik gauk dalam bruk pachreih hu rilo gah buh jien tame. Min, kayua jalan mbak daok takik daok sit yau nan ye bruk cak rok patagok di Bình Thuận ka oh samu haong kein laba. Kayua yau nan ye, Bình Thuận daok dak harei dak njuak lang talaih dom kan kandah ka bruk pambuak jalan mbak di dalam haong langiu ba kein laba piah cak rok patagok ikonomi, abih di nyu nan lac di bhum tasik. Kadha vak cih di Đoàn Sĩ – urang vak di rayo sap ndem VN daok di ban raya HCM hu ndem mayai tal bruk ini, daa mikva saong taong abih gauk tui pang:

Atah labaih 23 km, min tapi jalan tapen tasik gah Hòa Thắng – Hòa Phú yau ye blah pataih khan bai pambuak dom jalan mbak nao mai di tỉnh Bình Thuận piah cak rok patagok kinh tế ikonomi, du lịch jirah rivang saong pakajap karo nagar palei di pak ini. Hadei di tuk ba tame ngak, gah jalan Hòa Thắng - Hòa Phú hu patagok kein lagaih mai meng tasik. Kadha cih vak di Thuỳ Linh hu ba tagok mbao Bình Thuận Online hu ndem mayai tal bruk ini:

Meng hatai kham merat, oh huac glaih glar, rilo urang đoàn dam dara dalam tỉnh Tiền Giang hu yam tagok ngak kaya meda di mangaok bhum taneh palei drei. Nan lac dom dam dara urang ngak nong, khin ba drei tame, takre bac megru, oh huac kan kandah piah yam tagok tal jak jeng. Kadha vak “Bruk dam dara padang mbang ngui di Tiền Giang” di urang vak Nguyễn Sự angaok harak mbao Nhân dân.

Ấp 4, xã Xuân Hưng, huyện Xuân Lộc, tỉnh Đồng Nai hu tal 90% urang bangsa Cam. Rilo thun tapa, palei Cam ini hu karja dom pakat sangka buh jien tame peih ngak dom sarak bangsa saong danak dak padang ngak palei pala bahrau. Bruk sangka di karja gam haong bruk kham merat di mikva hu daong ba KTXH saong mbaok meta palei Cam salih karei tapa yaok harei. Asal kadha ini hu kol dahlak ndom tal tapa kadha vak: “Palei Cam Xuân Hưng daok salih bahrau” di urang vak Hoàng Liên, da-a mikva saong taong abih gauk tui pang:

168.139 sang hu mbaok tame, labaih 5,3 triệu m2 taneh hu alin hadiah brei, kuhria tabiak yaom jien lac 10.000 tỉ đồng, lac bruk ngak hu praong njauk caik hatai di bruk jak ba bhap bini alin hadiah taneh peih praong hẻm di TP.HCM dalam 20 thun tapa. Kadha vak:“Rahra ban raya alin hadiah taneh peih praong hẻm” di Quang Quý hu ba tagok mbáo Sài Gòn giải phóng. Da-a mikva saong taong abih gauk tui pang.

Piah paglaong kein laba bruk ngak sara, tỉnh Ninh Thuận daok pataom tame ngak ka nyu samu gauk dom salih bahrau jalan ngak piah paglaong năng suất, chất lượng, parilo dom janih pandap gah sara. Meng nan, pabak hu bruk blei sara dalam taneh ia, pamaong tal pablei sara tabiak negar langiu saong ba brei bruk ngak, paglaong jien mek tame, tani tanat raidiuk di urang ngak sara.