Lac sa tỉnh hu rilo kein lagaih meng tasik, tỉnh Bình Thuận ba tabiak bruk lac tal thun 2030 hu bruk kinh tế khang gah tasik dalam bhum Duyên hải Nam Trung Bộ, pamong tal cak rok patagok kinh tế tasik khang kajap, abih gah pambuak saong quốc phòng, an ninh khang kajap. Piah ngak hu bruk nan, Bình Thuận palih ruah njauk bruk praong, ba tabiak rilo jalan ngak lagaih, siam. Kadha vak “Daong urang taong ikan patagok bruk ngak mbang tasik, ilamu meng Bình Thuận” di Hoàng Xuân hu ba tagok mbao Quân đội nhân dân, da-a mikva saong grauk ayut tui pang:

Bắc Bình lac sa huyen hu rilo mikva bangsa Cam di abih dalam tỉnh Bình Thuận. Di ini, dom yaom glaong ilamo meng kan di urang Cam daok khik yau daok tamo. Dom janih kadha adaoh di bhap bini, ragam, alak ragu di dom rai dahlau hu urang Cam pato caik brei ka rai hadei, khik ramik saong brei patagok. Patui di ini, daa mikva saong taong abih gauk gam pang trích đoạn ma-in ragam ragu ngan haong kadha “Âm vang ngày hội” hu nghệ nhân ưu tú Lâm Tấn Bình dak padang

Bruk ba menuac suan hukum tapa negar Campuchia ngak bruk jeng daok rah tabiak srau kadau. Bruk ngak suan adat hukum ini ba tal rilo kanjah jhak yau ye pachot, kateik greik urang piah blah mek jien ndo, taong paoh, jhak tal prein yava urang ngak… saong daok ngak kan kandah ka gah chức năng dalam bruk khik ramik urang ngak tame tabiak negar, khik kajap siam mekre, sron mbon bhum taphia negar gah Tây Nam. Kadha vak "Jalan ngak halei piah pacang bruk tapa negar ngak bruk suan hukum?" di kapul urang vak di rayo sap ndom VN daok di ban raya HCM hu daong ka mikva mboh cambaih jang ka bruk ini.

Bhum taneran kraong Cửu Long lac bhum pala, ngak baoh kayau praong di taneh ia. Piah paglaong năng suất, chất lượng baoh kayau daong ka po bein saong hu rilo kein laba jang, trun takik phun jien, paglaong bruk meriak gauk ye bruk pandar jamriak dalam pala, ngak baoh kayau lac bruk njauk ngak saong daok hu ngak. Kadha vak di urang vak Nhật Trường daok di bhum taneran kraong CL: "Pandar jamriak piah ka bhum taneran kraong CL ngak baoh kayau tui jalan ngak pandap pablei tapa negar langiu".

Lac sa xã bhum ia taba di huyện Trần Văn Thời, tỉnh Cà Mau, labik hu rilo urang bangsa Khmer daok, tabiak meng labik biar, min meng hu bruk sa hatung hatian haong gauk rik prein yava tame di bhap bini, xã Khánh Bình Đông ngak hu salah taong abih 19 tiêu chí palei pala bahrau tui bruk ba tabiak. Kadha vak di Huỳnh Anh, mangaok báo điện tử Thông tấn xã VN ka bruk Cà Mau ngak salah bruk brei angan xã mek hu tanut palei pala bahrau dalam thun ini.

77 thun tapa, Rayo sap ndom VN (VOV) tuk halei jeng yam takai nao sa jalan haong bangsa dalam dom bruk sajarah praong di taneh ia saong pambuak pagam baoh hatai yaok triệu urang Việt Nam. Di tuk pahadar 77 thun padang Rayo sap ndom VN, kol dahlak likau khan kadha vak pataom iek veik, hu ba tagok báo điện tử VOV.VN ka Sap ndom Viet Nam 77 thun nao sa jalan haong bangsa.

Thau cambaih makna praong di bruk paglaong chất lượng pato pakai menuac ngak, piah pabak ka bruk cakrok KTXH di tỉnh, dalam dom thun tapa, tỉnh Sóc Trăng biak caik hatai sangka tal bruk patagok pato pakai di bhum bhap bini bangsa takik. Kadha vak di urang vak Thạch Hồng hu ndom ka bruk patagok pato pakai bhum bhap bini bangsa takik di Sóc Trăng.

Thun bac bahrau 2022-2023 tỉnh Bình Thuận hu jaik 310.000 anek saih di 3 pakat bac. Taong abih dom sang bac, labik pato bac daok caga ginup abih janih ka thun bac bahrau, meng labik laboa tal pandap pato bac, saong hu pato pabak sap Việt ka anek saih bangsa takik daok caga tame tal bac 1. Kadha vak di Jasi – urang vak di rayo sap ndom VN daok di ban raya HCM hu ndom ka bruk ini:

Bhap bini Khmer daok di bhum Bảy Núi, tỉnh An Giang meng tari taring dalam ngak mbang, hu hatai khin yam tagok meng kan kathaot, urak ini daok hu tani tanat raidiuk. Kadha vak: “Urang ngak nong bangsa Khmer bhum Bảy Núi tabiak truh kan kathaot” di mangaok báo Nông nghiệp Việt Nam.

Mỹ Phước lac bhum taneh cách mạng, lac labik pacang caga khang kajap ka Labik căn cứ tỉnh ủy Sóc Trăng, nan ye njauk tayah tayac biak khang meng mesruh metak, raidiuk di bhap bini gaok rilo kan kandah, sang kathaot daok rilo, lac xã kathaot di huyện Mỹ Tú, tỉnh Sóc Trăng. Meng tuk taneh ia hu peih paha, gam haong bruk cakrok di tỉnh, xã Mỹ Phước patagok hu ilamu cách mạng hào hùng, peih ngak hu rilo bruk praong dalam saman salih bharau. Tal urak ini, bhum taneh cách mạng xã Mỹ Phước oh padeih hadah hadai. Kadha vak di urang vak Thạch Hồng brei thau ka bruk hadah hadai nan di bhum taneh cách mạng Mỹ Phước