Kayua gaok kan kandah di jit COVID-19, An Giang hu tal 65 rabau urang ngak meng ban raya HCM saong dom tỉnh Đông Nam Bộ mai veik palei, bruk duah brei bruk ngak tuk halei jeng lac bruk samar drah, njauk ngak chip. Kayua yau nan ye, hadei di tuk raidiuk hu mai veik siam mekre bahrau, tỉnh hu pataom tame peih dom tal pato bruk ngak katut panak harei, piah ka urang ngak samar duah hu bruk ngak, tani tanat raidiuk, jien mek tame. Da-a mikva saong taong abih gauk pang kadha vak di kapul urang vak angaok báo “Dân tộc phát triển điện tử”.

Dom harei puac thun ini, bruk pala drak di dom mblang hamu pala njam patam hacih saat di huyện Củ Chi (ban raya HCM) daok jar var jang tuk halei karei. Kayua ni lac tukvak bhap bini pataom tame caga njam patam pabak ka sarak pasa dahlau, dalam saong hadei di tuk Tết Nguyên đán. Kadha vak di Minh Sáng mangaok mbao Nông nghiệp Việt Nam brei thau ka bruk nan.

Yam tapa thun bahrau 2022, tỉnh Kon Tum hu 36 xã mek hu tanut palei pala bahrau, dalam nan rilo xã di bhum bangsa takik. Urak ni, bruk padang ngak palei pala bahrau di dom xã ni brei mboh, mengv pambak tabiak hu dom bruk ngak siam di dom menuac urang dalam puk palei, bhap bini jia tame ngak tui siam lagaih dalam bruk kham merat mek hu dom tanut. Khoa Điềm, urang vak di rayo sap ndom VN dok di Tây Nguyên hu kadha vak ka palei Kon Hnông Pêng, di xã Đăk Hring, huyện Đăk Hà padang ngak hu jak jeng palei pala bahrau meng bruk pambak tabiak hu dom bruk ngak siam dalam bhap bini.

Urak ni di tỉnh Bình Dương hu jiak 2.200 doanh nghiệp hu tut angan thưởng Tết sak rimong 2022 ka urang ngak. Bruk samar brei thau lac thưởng Tết hu dong ka urang ngak sahnang hatai ngak bruk tal harei puac abih di thun tui saka ia bilan, saong hu bui sambai jang dahlau di tuk yam tame mbang padeih rilo harei. Kim Dung – jurang vak di rayo sap ndom VN dok di ban raya .HCM hu kadha vak ndom ka bruk ni:

Meng sa huyện ngak nong, yam tagok meng labik biar, min meng kham merat glong, caong khin eng drei ngak po, song bruk ba tangin tame khang di abih hệ thống chính trị, urak ni, Vĩnh Cửu jeng labik hadah di tỉnh Đồng Nai. Dalam nan hu rilo bruk ngak hu praong dalam dak padang gah ngak nong patagok abih gah tui jalan chuyên canh, pataom tame, salih bahrau, gam song patagok du lịch sinh thái khang kajap. Ni jeng lac labik hu xã palei pala bahrau kiểu mẫu camereip abih di tỉnh. Kadha vak di Bình Nguyên angaok mbao Đồng Nai.

Dok meteh bilan tra lac tal Tết Nguyên đán, tuk vak ni hu kuhria mboh dahlau lac bruk blei pandap panda di rahra tagok glong abih dalam thun. Kayua yau nan ye, rilo palei ngak di Tiền Giang dok jar var kuhria caga nguyên liệu, pandap panda piah pabak ka bruk blei pandar di rahra, hadei di tuk vak atah njauk kan kandah di jit COVID-19. Kadha vak di urang vak Cao Thắng, angaok mbao Ấp Bắc.

Hadei di tuk pa-atah di gauk kayua jit Covid-19, tukvak ini, jeng yau dom urang ngak di Ban raya HCM, urang Cam daok thuvi thuvar nduac pakacah haong tuvak piah ngak mbang duah jien, caong khin pasiam raidiuk saong taduan Tet Nguyen dan 2022 daok mai jiak tal. Kadha vak di Ai Nghiem, urang vak di Rayo sap ndem Viet Nam daok di Ban raya HCM hu khan brei mikva saong grauk ayut hu thau cambaic jang bruk kham ngak duah jien di urang Cam daok di ban raya ini dalam dom harei dahlau meng Tet:

Ban raya HCM yam tame tukvak siam mekre bahrau hu labaih 3 bilan, rahra di ban raya jeng daok hu klauk pabak vaccine mbang klauk ka 3 saong meng akaok adit ini, taong abih dom bruk me-in sambai hu adat brei peih pabah mbang veik dalam tuk Tết daok mai tal biak jaik. Dom sân khấu kịch di ban raya HCM taong yaom, ini lac jalan siam lagaih piah peih ngak veik hadei di jaik 2 thun kreik pabah mbang kayua jit ruak, nan ye daok jar var kuhria caga ka bruk hadah gom di tuk Tết. Kadha vak di Minh Thắm, urang vak di rayo sap ndom VN daok di ban raya HCM:

Hadei di sa thun gam ngak tabiak, pablei tabiak negar langiu, gam pacang caga jit COVID-19, dom doanh nghiệp ngak hadang, jeng yau gah hadang mek hu rilo jak jeng siam mekre. Rilo tỉnh ban ngak hadang hu jien mek tame meng bruk pablei tabiak negar langiu tapa bruk ba tabiak, gaok mai mek hu glaong abih kuhria meng dahlau mai. Ini jeng lac kadha piah caong khin ka bruk cakrok patagok di gah hadang dalam thun 2022. Kadha vak di Hồng Nhung angaok báo Tin Tức brei thau ka jak jeng siam mekre mai meng drei hadang dalam thun bloh:

Bahrau ini, Sở padang ngak TP.HCM hu harak ka 10198/SXD-TT payua ka UBND TP brei thau ka dom danak dak sang danaok taneh riya mboh yau “plaih hukum ieu pataom phun jien” tui jalan caik jien cọc, khik labik, oh ka ngak njauk dom adat hukum gah sang daok, pablei salih sang danaok taneh riya. Biak di nyu, di dom ban prong yau TP.HCM, bruk “plaih hukum ieu pataom phun jien” rah tabiak rilo, ngan tui rilo jalan ngak karei di gauk min jabat chức năng oh ka langyah hu abih. Kadha vak di Duy Phương urang vak di rayo sap ndom VN daok di TP.HCM hu khan brei thau ka bruk ini. Daa mikva saong taong abih gauk tui pang: