Dalam dua thun tapa, di tỉnh Dak Lak hu tal 2.000 danak dak điện ia harei ngaok tabung sang, hu prein khang abih tih labaih 120.000kWp hu pambuak tame. Điện ia harei tamuh tabiak ba tal điện di rilo bhum palei di tỉnh Dak Lak bak abih. Kadha vak di Minh Huệ, urang vak di Rayo sap ndem VN daok di bhum Tây Nguyên hu ndem ka bruk cak rok patagok năng lượng hacih di tỉnh ini:

Danak daong urang Taha umo kan kandah, kurang dalam raidiuk tapa bruk pambak praong Kalup kapol pambuak dom rai daong gauk di Việt Nam kayua Jabat pambuak bruk Dunya Hàn Quốc daong tapa Kapol Daong Urang taha umo Hàn Quốc. Danak dak hu peih ngak di dom tỉnh, ban yau ye: Ninh Bình, Thái Bình, Hải Phòng, Hưng Yên, Bắc Ninh…Dalam klau thun peih ngak, lac meng thun 2018 - 2020, danak dak ba tabiak bruk padang takik di nyu lac 204 Kalup kapol siam, dalam nan hu 54 Kalup kapol hu padang tabiak meng prein khang di palei; tapa nan paglaong prein ngak bruk di Kapol urang taha umo dom pakat saong karja di palei ka bruk daong, khik iek saong peih praong kalup kapol. Kadha vak di Minh Châu angaok harak mbao Nhân Dân điện tử yaih khan ka Kalup kapol pambuak dom rai Daong gauk di palei Lập Aí, xã Song Giang, huyện Gia Bình, tỉnh Bắc Ninh.

Dalam tuk cak rok patagok đô thị, chung cư tamuh tabiak dak harei dak rilo, pabak hu caong khin ka sang daok di bhap bini dalam dom ban praong yau ye Hà Nội atau ban raya HCM. Yau nan min, rilo bruk tavak tavaiy gah ngak po, pandar sang chung cư jeng daok hu, ka oh lang yah hu abih. Sa dalam dom bruk nan lac suai ngak harak brei pandar taneh, quyền ngak po sang danaoh saong drap ar pagam saong taneh (daok ieu lac sổ hồng), ba tal dom suh sah di bhap bini tuk daok di chung cư.

Dalam cung cầu pandap panda hu sa bruk oh njauk nan lac, urang nong, doanh nghiệp ngak tabiak pandap pablei yaom bier, kan pablei tabiak, dalam tuk urang blei pandar haong yaom biak glaong. Piah jhul khang bruk pambuak cung cầu, lagaih ka gah sản xuất saong urang blei, Sở Công thương TPHCM hu peih ngak danak dak pambuak bruk pablei salih vaktu 2016 -2020 haong dom tỉnh, ban Đông- Tây Nam bộ. Danak dak ni hu rik daong jhul khang bruk blei kaya nong ka urang nong, doanh nghiệp, padang labik pabak pandap tani tanat ka darak pasa dalam ban saong jhul khang bruk pablei tabiak negar langiu.

Uan Tết Trung thu thun 2020, dom harei tapa, karja saong bhap bini daong gauk peih ngak rilo bruk piah sangka uranaih dalam nan hu uranaih bangsa Cam, brei ka dom adei hu labik main bui sambai saong siam mekre. Aí Nghiêm, urang vak di Rayo sap ndem Việt Nam dhar ngak bruk di Ban raya Hồ Chí Minh brei thau ka dom bruk ngak piah iek daong dom adei bangsa Cam sang kan kandah di Ban raya HCM saong Đồng Nai dalam bilan Trung thu ini, da-a mikva saong grauk ayut tui pang:

Tết Trung thu – ia bulan bak baoh bilan 8, hu maong lac adat cambat di bhap bini ngak hamu ngak apuh saong ilamu nak padai ia. Oh lac di Viet Nam bo di Trung Quoc, Nhật Bản, Hàn Quốc…jeng hu uan raok Trung thu ngan saong rilo adat cambat karei. Tết Trung thu oh lac adat cambat bo daok hu makna ka jalan sahaneng, tapa thun bilan min daok hu bhap bini khik ramik, patagok tamo mbiah tal harei ini.

Jaik 1 thun tapa, radaih Gilang tapuk nao mai di tỉnh Đắk Lắk hu nao tal rilo sang bac saong dom puk palei di bhum atah bayah dalam tỉnh. Meng yaok rabau baoh tapuk, jaik pluh baoh komputer hu pambuak Internet… dak tani tanat dalam radaih, sruh radaih hu rilo janih ini daok rik daong ba ilamu puac tapuk nao jaik jang dom uraniah saong rahra di dom puk palei dalam tỉnh Đăk Lăk. H Xíu, urang vak di rayo sap ndom VN daok di Tây Nguyên hu kadha vak brei thau ka radaih tapuk nao mai ini

Lingiu dom danak dak điện hangin angaok mbaok haluk, angaok pulao, Bình Thuận daok hu prein khang điện hangin langiu tasik. Prein khang ini daok dui pachreih dom menuac urang di dunya buh jien tame ngak mbang. Tui nan, dalam tukvak katut panak, hu 2 danak dak điện hangin yaom yaok pluh tỷ USD angaok bhum tasik Bình Thuận.

Tuk kol Prang mai meblah veik taneh ia drei di puac thun 1945, pabak veik panuac ieu daong taneh ia di Chủ tịch Hồ Chí Minh, lac: “Kol drei taduan lahik taong abih, min oh taduan lahik taneh ia, oh taduan ngak halin halak”, meng gai kreim, to, thong… bhap bini An Phú Đông- sa palei sit daok di tapen kraong Bei Gon, khang hatai dang tagok mesruh pacang kol khamang. Meng bein paneng bhong di An Phú Đông – hu jeng 1 chiến khu Cách mạng. Kadha vak di Văn Phòng angaok báo SGGP brei mboh veik dom harei camereip mesruh metak di bol bala saong rahra Nam bộ, saong brei thau bruk salih bharau mbaok meta An Phú Đông harei ini

Bilan palih ruah ĐH-CĐ thun 2020, hu rilo thí sinh brei thau lac tame bac di dom sang bac đại học tui dom jalan palih ruah oh pandar điểm pakacah tamat THPT saong daok nao tame bac dom tuk bac camereip. Rilo sang bac brei thau, bruk palih ruah tui rilo jalan ngak jak jeng bo oh pambak abih tame điểm pakacah trung học phổ thông yau dom thun dahlau diah lac bruk pasram piah ka dom sang bac peih ngak bruk eng drei dang tabiak palih ruah anek saih.