Jabat lambaok rayo sap ndom VN daok di ban raya HCM daok di Tòa nhà VOV hu padang ngak bahrau di labik ka 7 Nguyễn Thị Minh Khai, phường Bến Nghé, Quận 1-TPHCM. Tòa nhà bahrau hu ba tame pandar meng akaok thun 2019, min labik ini dahalu daih lac labik ngak bruk di jaik rabau urang di rayo sap ndom VN 2 – lac angan ieu dahlau daih di Jabat lambaok rayo sap ndom VN daok di ban raya HCM. Tapa labaih 40 thun gam saong rilo tuk trun – tagok, dom rairah hu rik prein tame ngak brei hadah angan Rayo sap ndom Việt Nam.

Mai palei Đá Trắng, xã Sông Bình, huyện Bắc Bình, tỉnh Bình Thuận ndom tal ong Lầm Chắn Vằn, urang bangsa Nùng ye thei jeng thau saong abih panuac pok meyaom, kayua diuk pasang ong lac urang tuk halei jeng kham merat ngak mbang, tari tareng bac megru thau kuhri kuhria bruk ngak mbang piah cak rok patagok kinh tế meng dua palak tangin di drei. Ong lac sa urang nong naih gheih di puk palei ngak hu bruk pala pablak phun panat haong phun patei ba jien tame labaih 150 triệu đồng/thun. Na Uy – Urang pambuak bruk haong jabat lambaok rayo sap ndom VN daok di bal raya HCM hu kadha vak ndom ka bruk ngak mbang kinh tế di ong Lầm Chắn Vằn.

Meng harei 1/9, dom labik bac da-a di Đồng Nai brei ka anek saih tame thun bac bahrau. Thun bac ini, dalam tỉnh hu 938 labik pato meng mầm non tal THPT, ngan saong jaik 75 rabau anek saih, hu pabak 43 sang bac bahrau, dalam nan rilo meng lac sang bac mầm non tư thục. Dom bruk njauk ngak hu Đồng Nai kham merat ngak ka nyu siam piah peih thun bac bahrau 2020-2021 ngan saong rilo bruk bharau hu ba tabiak, abih di nyu lac bruk pato saong bac dalam tuk jit Covid-19 daok mbuan njom mbak. Nan lac asal kadha vak di Công Nghĩa angaok Báo Đồng Nai:

Bruk bayar jien taneh ka rahra hu taneh njauk karja mek veik lac 1 dalam dom bruk praong hu ban sit Vũng Tàu, tỉnh Bà Rịa- Vũng Tàu pataom tame tacei pato saong peih ngak dalam vaktu meng thun 2015 tal thun 2020. Kayua lac ngak siam bruk ini, oh khat lahik ka bhap bini ye meda ba mbuan lagaih ka ban sit Vũng Tàu peih ngak rilo danak dak praong, jeng sa ban praong, hacih, mekre saong njauk daok. Kadha vak di Lưu Sơn, urang vak di rayo sap ndom VN daok di ban raya HCM hu ndom tal bruk ini:

Dalam dom phim, dom thaok binguk brei mboh veik tukvak Chủ tịch Hồ Chí Minh puac harak Tuyên ngôn Độc lập, menek tabiak taneh ia Việt Nam Dân chủ Cộng hòa di Mblang bein Ba Đình sajarah dakrai harei 2/9/1945, mboh hu jaik 20 urang lin khik iek lễ đài. Ini lac dom urang in dalam tapon nyaom bol pan phao karong, gam bak phao, khik caga salamat ka Wa Ho saong dom urang pan akaok cách mạng negar drei daok angaok khán đài tuk nan. Di tuk pahadar harei Negar 2/9 thun ini, urang vak Nguyên Nhung brei thau veik dalikan di dom urang jakar cách mạng umo taha khan ka bruk ngak hu makna praong glaong di 75 thun dahlau:

Huyện bhum ceik Bác Aí, tỉnh Ninh Thuận hu padang veik di bilan 1 thun 2001, neh tabiak memg huyện Ninh Sơn. Lac sa huyện hu labaih 90% bhap bini bangsa Raglai, thei hu mai tal bhum taneh ini jeng mboh raidiuk pak ini ngak ka urang mboh meyaom saong dak harei dak pambauk khang kajap. Dom bruk salih birau dalam raidiuk di bhap bini Bác Aí hu khan cambaic laic dalam kadha vak di Trần Hữu Đức, angaok harak mbao điện tử Ninh Thuận:

Urak ini, pandap meng palei ngak meng kan njauk salih khang kayua kinh tế darak pasar saong gaok rilo kan kandah dalam bruk pablei pandap, ba tal mbuan lahik nao. Kayua yau nan ye, Bình Dương daok kham merat ngak brei pamedeih palei ngak hadei di sa tukvak atah ndih var meng dom bruk ngak yau ye:padang palei ngak pataom sa labik, patagok du lịch pambuak haong palei ngak meng kan… gam khik ramik gam patagok yaom glaong ilamu.

Bruk khik ramik plei ngak dalam tuk hu rilo salih bahrau, abih di nyu lac dalam tuk kinh tế kan kandah yau urak ini, lac sa cuang kandah praong. Min jeng hu oh takik palei ngak daok “diuk veik” meng kham merat di dom urang daok ranaih umo. Nan lac dom urang thau sahneng, thau ngak, ndung bak dalam rup hatai caong pamedeih veik palei ngak, khik ramik ilamu dom puk palei. Kadha vak hadei ini di Ánh Nguyên angaok Báo An Giang brei thau ka dom urang Cam daok ranaih umo kham merat khik ramik bruk ngak, saong tapa nan hu daong ka urang mboh saong thau iek praong, thau khik ramik ilamu meng kan di bangsa drei

Daok atah di baoh taneh, raidiuk lingiu pulao daok gaok rilo kan kandah, abih di nyu lac bruk biến đổi khí hậu nyu ngak kan kandah oh sit tal dom bhum tasik, pulao yau urak ini, min dom urang lin tasik saong bhap bini di Trường Sa tuk halei jeng thau yam tapa cuang kandah piah pasram, megru saong ngak kaya meda ka raidiuk labik pulao atah. Da-a mikva saong taong abih gauk pang kadha vak di Thu Lan saong Nguyễn Ninh – mBan Thời sự- Rayo sap ndom VN piah thau jang ka bruk gheih mekre di dom baoh pulao labik akaok riyak, jhung ngin ini kayua dom rai urang jakar, urang đoàn, dam dara angaok pulao buh prein dak padang

Cục Bruk ngak (Mintri Lao động Thương binh Xã hội) kuhria mboh dahlau lac, dom menuac ngak lahik bruk ngak meda tagok, meng 60.000 tal 70.000 urang yaok bilan, rilo meng lac menuac ngak gah du lịch, labik brei pah labik ndih daok saong mbang menyum, gah padang ngak, pajeng ba, ngak pandap... Dom doanh nghiệp gaok kan kandah nan meda hu tal 70%, dalam tuk dom urang ngak njauk padeih bruk, takik bruk meda hu meng 3 triệu meteh tal 5 triệu urang.