Urak ini, di dom tỉnh dalam bhum taneran kraong CL, jit ruak COVID- 19 mboh yau daok tagok veik. Piah pacang caga jit ruak, dom tỉnh daok jhul khang bruk klauk vắc xin mbang 3, mbang 4 ka bhap bini. Kapul urang vak di rayo sap ndom VN daok di bhum taneran kraong CL hu kadha vak brei thau ka bruk nan. Da-a mikva saong taong abih gauk tui pang

Harei pataom ilamu - thể thao dom bangsa tỉnh Bình Thuận thun 2022 birau peih tabiak di tỉnh Bình Thuận meng harei 19 tal harei 21/8 ngan haong rilo bruk ngak biak gheih brei mboh veik dom rija roya, adat cambat siam gheih di bhap bini dom bangsa dalam tỉnh. Đoàn Sĩ - urang vak di Rayo sap ndem VN daok di Ban raya HCM brei thau ka harei pataom ilamu ini:

Meng bruk raong kaya ikan sit sot, raong tui hatai, hadei di tuk hu tame tal pato pakai bruk raong hadang, rieng, rilo urang nong di tỉnh Cà Mau hu jien mek tame tani tanat. Dom tal pato pakai dalam bruk ngak nong yau ini, hu daong ka urang nong khang hatai yam tagok ngak kaya meda. Kadha vak “Cà Mau: urang nong ngak mbang tagok meng hu pato bruk raong hadang, rieng” di Trần Hiếu, urang vak di rayo sap ndom VN daok di bhum taneran kraong CL. Da-a mikva saong taong abih gauk tui pang

Lac huyện bhum ceik di tỉnh Đồng Nai, Xuân Lộc hu 25 bangsa takik. Dalam dom thun tapa, urang hu angan je dalam bhap bini bangsa takik di Xuân Lộc tuk halei jeng patagok siam bruk ngak di drei, rik daong khik kajap, tani tanat chính trị, kham merat jak ba bhap bini cakrok kinh tế, diukrai siam tui ilamu bahrau, padang ngak palei pala bahrau, daong salih bharau mbaok meta palei negar. Kadha vak "Urang hu angan je dalam bhap bini bangsa takik di Xuân Lộc rik prein dak padang palei negar" di urang vak Hoàng Liên hu daong ka mikva saong taong abih gauk thau cambaih jang ka bruk ini, da-a mikva saong taong abih gauk tui pang.

Meng tuk hu pok brei angan lac urang hu angan je dalam bhap bini urang Cam daok di xã Bình Sơn, huyện Long Thành, ong Đô Hô Sên tuk halei jeng duah jalan khik ramik akhar haroh di bangsa meng bruk peih tal pato akhar haroh Cam brei ka dom adei sit. Ong ngak bruk nan haong hatai caong lac piah ka akhar haroh saong ilamu di urang Cam oh lahik nao. Kadha vak di My Ni mangaok báo Đồng Nai hu ndom ka ong Đô Hô Sên:

Dom thun jaik di ini, bruk pablei salih menuac biak srau kadau, meng pablei salih tapak tal pablei salih tapa tangin urang karei, atau tapa mạng, tapa web... Urang njauk bala di dom bruk pablei salih menuac saong sang di dom urang nan gaok oh takik kan kandah, hu bruk ba tal metai lahik. Yau nan, bruk pablei salih menuac bhian hu dauk, hu me-om tagok blah kanduh yau habar? Brei ngak hagait piah pacang cakak bruk pablei salih menuac? Urang vak Kim Thanh haong Phương Thoa hu kadha vak ndom ka bruk ini, da-a mikva saong taong abih gauk tui pang:

Dom baoh kadaoh thu jhuk jangaih ginup thaik thaok karei di gauk hu kak kajap haong bhap bini Gia Rai saong Ba Na daok di Tây Nguyên meng kan mai mbiah tal harei ini. Dalam dom harei ngak rija di palei, baoh kadaoh thu hu caik alak piah khik ka nyu pahe bingi yau tamo. Dalam yaok baoh sang, baoh kadaoh thu lac pandap hu pandar yaok harei, saong daok hu khik ramik, hu patoa veik meng rai ini tapa rai karei, hu pandar ka rilo bruk karei di gauk. Kadha “dom bangsa adei sa-ai” adit ini, da-a mikva saong taong abih gauk pang kadha vak di Ngọc Thu mangaok báo Bangsa saong Patagok, brei thau ka bruk pandar saong yaom glaong ilamu di baoh kadaoh thu dalam raidiuk bhap bini Gia Rai, Ba Na:

Peih ngak danak dak “Amaik raong” kayua Trung ương Kapul urang kumei Việt Nam ba tabiak haong makna bak hatai anit ranam, Kapul urang kumei Công an ban Cần Thơ hu padang jalan ngak, brei thau tal taong abih urang jakar, hội viên saong pambuak tal dom kapul nyaom, menuac urang piah hu mbaok, ba tangin tame di taong abih menuac sia, gam daong patrun pandik harao, gam jeng labik pambak tame khang kajap piah ka dom adei metui medar kayua jit COVID-19 khang hatai yam tapa kan kandah, yam tagok dalam raidiuk. Kadha vak di kapul urang vak di rayo sap ndom VN daok di bhum taneran kraong CL:

Dalam thun bac 2022 - 2023, dom anek saih di TPHCM tagok rilo jang labaih 21 rabau di gah công lập saong langiu công lập. Bruk tagok rilo yau nan, lac kayua menuac sia tagok rilo saong pataom rilo di dom quận, huyện daok dalam tuk đô thị hóa, dom labik ngak kong yau ban Thủ Đức, Quận 12, quận Bình Tân, huyện Bình Chánh saong huyện Hóc Môn. Bruk ini nyu kateik trak tagok gah pato megru ban raya. Kadha vak di Đan Phương mangaok báo Tin Tức hu ndom ka bruk ini:

Ấp Phước Quới, xã Phú Tân, huyện Châu Thành lac bhum palei hu rilo bhap bini bangsa Khmer daok di tỉnh Sóc Trăng. Di pak ini hu palei pak kriem laa meng kan mai hu angan je, hu daong ka rilo sang hu jien mek tame tani tanat, tabiak truh kathaot, yam tagok tani tanat raidiuk. Yaom lac bruk pak kriem laa di pak ini rah tapa rilo trun - tagok, min dalam dom thun tapa, meng hu bruk sangka daong ba di Kanja pak ini saong bruk kham marat pato bruk ngak di dom urang nao dahlau bo bruk ngak meng kan ini daok hu khik ramik tal urak ini. Bahrau ini di palei ngak hu sa labik blei pandap pak meng kriem laa, daong ka palei ngak pak ini hu jalan lagaih piah cak rok patagok. Kadha vak di urang vak Thạch Hồng brei thau ka bruk nan: