Dom thun tapa, danak dak padang palei pala bahrau di bhum urang bangsa takik saong bhum ceik tỉnh Ninh Thuận hu pambak tabiak khang praong, siam lagaih. Kayua yau nan ye, mbaok mata puk palei bahray di pak ini hu salih siam gheih. Tal urak ini, Ninh Thuận hu 13/28 xã bhum bangsa takik saong bhum ceik mek hu tanut palei pala bahrau, dalam nan hu rilo xã mek hu palei pala bahrau tanut glaong, rilo puk palei daok jeng palei brei ka urang pasang kiểu mẫu. Kadha vak cih di Công Thử hu ba tagok hala harak Online ndem tal bruk ini:

TP.HCM hu rilo mbuan lagaih piah khik ramik saong patagok yaom glaong di inem krung đờn ca tài tử. Yau nan min, bruk ba tabiak ngak, patagok yaom glaong đờn ca tài tử pak ini oh ka hu siam piah ngak jeng ilamu karei di Ban raya HCM. Kadha vak “Khik ramik saong patagok inem krung đờn ca tài tử - brei hu bruk kham merat ba tangin rik prein tame haong gauk” di Minh Thắm, urang vak di Rayo sap ndem VN daok di Ban raya HCM:

Tukvak tapa, gah ngak nong saong dom bhum palei dalam tỉnh Bình Thuận hu jhul khang bruk ieu da-a D.N buh jien tame ngak tabiak padai siam asal glong saong blei veik abih padai di urang ngak nong. Bruk nan dak tuk dak ba mai kein laba ka urang ngak padai. Kadha vak “Bình Thuận buh tame ka bruk pambuak gauk ngak saong pablei padai hữu cơ” di Đoàn Sĩ, urang vak di rayo sap ndom VN daok di Bình Thuận.

Urak ini, ruak COVID-19 jeng daok mbuan tamuh tabiak, dalam tuk nan bhap bini daok di bhum Taneran kraong Cuu Long klauk jru vaccine mbang ka 3, ka 4 daok biar. Piah pacang caga jit ruak, bruk brei patui klauk jru vaccine njauk hu dom pakat karja, gah y tế saong bhap bini sangka jang. Kadha vak: “Padrah pasamar brei klauk jru vaccine COVID-19” di kapol urang vak di Rayo sap TNVN daok di Bhum taneran kraong Cuu Long.

Urak ni, di Bình Dương jit ruak pandiak tabiak darah dok tagok song hu rilo urang metai. Dom urang urang ruak trak tagok yaok harei, ngak trak damak oh sit ka bruk tong ruak di tỉnh ni. Anak bruk yau nan, gah Y tế di tỉnh Bình Dương hu ba tabiak rilo jalan ngak piah pacang caga song pasang iek jit ruak . Thiên Lý, urang vak di rayo sap ndom VN dok di ban raya .HCM hu kadha vak ndom ka bruk ni:

Patagok jalan mbak nao mai, lac danak dak prong dalam bruk patagok kinh tế - xã hội di tỉnh Tây Ninh tuk vak 2021-2025; dalam nan, dom jalan mbak pambuak pagam song dom tỉnh bhum Đông Nam bộ dok hu ngak dahlau, dak harei dak siam piah dui pachreih urang buh jien ngak mbang tame tỉnh. Kadha vak di Xuân Trung mangaok mbao SGGP brei mbohlac Tây Ninh dok pataom pren, lang talaih dom kan kandah piah patagok dom danak dak jalan mbak prong:

Meng hatai caong yam tagok, Lộ Nữ Hoàng Tiên, sa urang kamei ranaih umo di palei menyim khan bai Mỹ Nghiệp, ban sit Phước Dân, huyện Ninh Phước, hu jeng Tiến sĩ gah Hóa Lý ngan song điểm xuất sắc, hu vak angan tame Bảng vàng caik veik angan di sang bac Đại học Khoa học song Công nghệ Hàn Quốc. Bruk ni, hu ngak hadah mbaok meta amaik ame, gauk gar,, but pajaih song bhap bini urang Chăm di Ninh Thuận. Kadha: Menuac gheih bruk siam adit ni, daa mik va song tong abih gauk pang kadha vak di urang pambuak bruk Minh Triều ndom ka urang kamei tiến sĩ bangsa Chăm angan Lộ Nữ Hoàng Tiên:

Bhap bini Cam Islam Ban raya HCM daok uan raok Roya Eid Adha thun 1443 saka Islam - thun 2022 saka ia harei meng harei 10 tal harei 12/7. Ini jeng lac tuk urang Islam ngak Kurban daong ka urang kan kathaot dalam bhap bini, sampayang taubat Alluah caong brei siam mekre dalam raidiuk. Kadha vak di Ai Nghiem – urang vak di Rayo sap ndem Viet Nam ka bruk bhap bini Cam di Ban raya HCM mbang Roya dalam siam mekre, patak pataom min daok khik hu ilamu siam gheih di muk kei:

Danak dak “Chợ Tốt pamaong mai Kinh Tế Tuần Hoàn” kayua Chợ Tốt (Website pablei salih, yaih khan online di Việt Nam) hong danak dak Patagok Liên Hợp quốc (UNDP) song Viện Chiến Lược Chính Sách Tài Nguyên & Môi Trường pambuak gauk peih ngak, hu rilo sahneng duah bahrau, bruk ngak hu makna, piah patoa chreih chrai, piah ka yaok urang Việt hu hatai sahneng song bruk ngak, piah salih tapa gah kinh tế tuần hoàn, pandar cai khang kajap. Kadha vak di urang vak Thuỷ Tiên hu khan ka makna siam mekre di danak dak ni:

Tuk vak jiak di ni, yaom brah di dunya dok tagok glong. Bruk ni takik rilo jeng pambak tal darak pasa padai brah di bhum taneran krong CL. Yau nan min, jien mek tame di urang nong anak meta oh tagok. Kapul urang vak di rayo sap ndom VN dok di bhum taneran krong CL brei thau ka bruk ni.