Taong mek ikan oh hu kein laba, gilai kapal ikan di dom tỉnh tapen tasik Bhum taneran kraong CL ndih di ar dak harei dak rilo. Makna lac kayua dom gilai kapal taong mek hu biak rilo jang dom kaya ikan brei adat taong mek tui jalan khang kajap. Taphia bruk taong mek ikan tapa tanut, dom kapul gilai kapal di Bhum taneran kraong CL jeng pataom tame dom janih taong mek palai pajoa kaya ikan dalam aia yau halam katung, lưới rùng, lồng bát quái, te, xiệp... ngak khat tayah dom mblang caih menek, mblang pajaih di dom janih kaya ikan dalam aia. Kadha vak di Tấn Thái angaok báo SGGP brei thau ka bruk ini gam haong bruk kham merat rami ramik veik dom kapul gilai kapal taong ikan piah cak rok patagok ka nyu samu gauk di bruk taong mek saong khik caga, piah pamaong tal bruk khang kajap di bruk ngak ikan di dom tỉnh bhum taneran kraong CL:

Tukvak tapa, bruk pathau khan ka pacang caga jit Covid-19 di bhum urang Cam dalam huyện Ninh Phước, tỉnh Ninh Thuận daok hu peih ngak biak khang ngan haong rilo jalan ngak biak gheih. Dalam nan, bruk jhul khang pahau khan meng sap Cam hu daong ka bhap bani thau cambaih saong peih ngak siam bruk pacang caga jit. Kadha vak di Minh Triều, urang pambuak bruk haong rayo sap ndom VN brei thau dom jalan ngak siam lagaih daok hu tỉnh ini peih ngak:

Ban raya HCM daok padang jalan ngak piah pacang caga jit ruak saong pasiam veik bruk kinh tế. Gam haong nan, dom doanh nghiệp jeng daok caga piah pasiam veik bruk ngak mbang, pablei salih, diuk rai haong jit ruak piah pasiam veik saong cak rok patagok. Kadha ba tabiak nan lac bruk pambuak gauk di gah y tế palei saong dom doanh nghiệp yau habar ka nyu siam mekre, daong ka doanh nghiệp grap tanat bruk ngak mbang, pablei salih. Việt Hùng, urang vak di Rayo sap ndom VN daok di TP.HCM hu kadha vak ndom ka jalan nao di Doanh nghiệp dalam pacang caga jit:

Tal urak ini, taong abih dom huyện, ban saong xã, phường, ban sit di tỉnh Bến Tre jeng hu mai veik haong siam mekre bahrau. Yau nan min, tỉnh mboh lac bruk pacang caga, jhul kadhul likuk jit ruak tal ini tok lac akaok mereip, dịch COVID-19 meda tamuh gilac veik, njaom mbak tame tuk halei jeng hu, labik halei jeng hu. Kayua yau nan ye, tỉnh ini thau lac bruk prong lac khik caga jak jeng di bruk pacang caga jit, piah pataom tame cakrok patagok kinh tế - xã hội. Kadha vak di Huỳnh Phúc Hậu angaok báo điện tử di TTX VN hu daong ka khaol drei thau cambaih jang ka dom kham merat khik kajap "bhum hijao", daong patagok veik bruk ngak mbang kinh tế di tỉnh Bến Tre:

Pathau mikva saong taong abih gauk! Urang K’ho diuk meng bruk ngak nong saong jia tui rilo po yang nan ye yaok thun bhian peih ngak rilo rija. Jeng meng iek praong bruk ngak nong, urang K’ho hu rilo adat cambat dhar phor yang padai yau ye: adat drak padai, adat uan padai bahrau... Urang K’ho daok hu peih ngak dom adat yau: adat likau hajan, adat tapen ia.Min meng mbang jit ka 4 tamuh tabiak, urang bangsa K’ho daok di huyện Lạc Dương takik brei ngak dom adat meng kan; saong brei padang dom kapul eng drei khik caga, parabha gauk khik iek luac harei melam piah tui iek bruk tame tabiak palei. Meng hu yau nan, yaom lac labik jaik taphia ban Đà Lạt, labik hu dom menuac njauk COVID-19 glaong abih di tỉnh Lâm Đồng bo tal urak ini, huyện Lạc Dương jeng daok lac “bhum hijao” oh ka hu urang halei njauk COVID-19. Kadha vak di Quang Sáng, urang vak di rayo sap ndom VN daok di bhum Tây nguyên brei thau ka bruk khik caga bhum hijao – bhum oh hu jit COVID-19 di urang bangsa K’ho daok di huyện Lạc Dương:

Pathau mikva saong taong abih gauk! Dalam mbang jit COVID-19 mbang ka 4 ini, lingiu sruh jit di Bàu Trúc, ban sit Phước Dân, dom palei Cam di huyện Ninh Phước jeng hu menuac ruak dalam palei. Sa dalam dom makna ngak brei jit ruak njom mbak samar lac kayua daok pataom gauk. Ini lac bruk bhian randap di mikva urang Cam Ninh Thuận meng kan mai. Min tuk jit ruak daok rah tabiak srau kadau, piah pacang caga hu siam jit ruak, mikva salih karei jalan diukrai bhian randap ini. Kadha vak di Minh Triều, urang pambuak bruk haong rayo sap ndom VN hu ndom tal bruk salih bahrau biak siam ini:

Pathau mikva saong taong abih gauk! Piah samar pacang hu bruk njom mbak dalam bhap bini, dom puk palei dalam tỉnh Ninh Thuận daok jhul samar bruk klauk vaccine caga jit COVID-19 ka rahra, abih di nyu lac sinh viên, urang ngak, dom menuac ngak bruk tự do... Meng nan, hu daong ka urang sahanang hatai bac megru, ngak bruk, rik daong ngak hu 2 bruk haong gauk lac “gam pacang caga jit ruak, gam pasiam saong patagok kinh tế”. Kadha vak di Minh Triều, urang pambuak bruk haong rayo sap ndom VN daok di ban raya hCM brei thau ka bruk nan, da-a mikva saong taong abih gauk tui pang:

Dalam jaik 2 thun meng tuk jit ruak Covid-19 tamuh tabiak mbiah tal ini, bruk ngak tabiak saong pablei kaya nong di Đồng Nai dang anak rilo kan kandah, tavak tavaiy. Dalam nan, bruk pablei saong labik pablei kaya nong daok lac bruk kan langyah. Abih di nyu lac urak ini, rilo janih kaya nong, kaya raong glang daok dang anak bruk mbuan iew blei daong kayua gar kandong, kan pablei kayua jit ruak. Meng doanh nghiep, urang blei tal urang ngak nong brei kham merat duah jalan piah pasiam veik bruk ngak tabiak, parilo jalan pablei tui jalan “diukrai saong jit ruak”. Urang vak Bình Nguyên hu khan brei thau ka bruk ini dalam kadha vak angaok mbao Đồng Nai:

Urang lambaok Ban raya HCM saong dom tỉnh: Bình Dương, Đồng Nai, Long An caong khin taduan raok urang ngak di dom tỉnh, ban karei gilac veik ngak bruk

Hadei di sa adit ngak iek peih veik bruk pablei salih, brei ba-ar nao darak ka bhap bini daok di Quận 7, TP.HCM daok brei adat ka bhap bini pasram rup pabhap, me-in thể thao. Dua labik karei tra hu brei ngak iek nan lac huyện Củ Chi, huyện Cần Giờ jeng hu peih ngak veik rilo bruk ngak mbang, pablei salih pandap pandar yaok harei, piah ba raidiuk tapa siam mekre bahrau. Kadha vak di kapul urang vak di rayo sap ndom Viet Nam daok di Ban raya HCM brei thau ka bruk nan: