Huyện Cần Giờ daok atah pasak ban raya HCM labaih 50 km. Yaom lac 2 thun tapa gaok kan kandah kayua jit ruak, min abih hệ thống chính trị saong bhap bini dalam huyện jeng daok kham marat khik kajap dom asal kadha padang ngak palei pala bahrau, pamaong tal dom asal kadha paglaong. Abih di nyu nan lac danak dak “yaok xa sa pandap OCOP pambuak haong du lịch sinh thái” daok hu peih ngak biak khang rik daong pasiam raidiuk bhap bini di huyện kaoh pulao. Nguyễn Quang – urang vak di rayo sap ndem VN daok di ban raya HCM hu kadha vak ndom ka bruk ini:

Chuyển đổi số dalam KT kapul nyaom lac số hóa bruk pala, ngak, pablei salih, dịch vụ, pandar công nghệ piah thau hu asal di nyu, pandar pablei salih điện tử. Abih di nyu lac, siam lagaih, kein laba meng chuyển đổi số dalam pala, ngak saong pablei kaya nong hu brei mboh bloh saong hu pagap yau jalan nao oh salih karei hu di bruk cakrok patagok. Kadha vak di Uyên Hương mangaok báo online di TTXVN hu ndom ka bruk ini:

Hadei di vu camriep hu jak jeng di mblang hamu praong 56 ha ngan haong 103 baoh sang hu mbaok tame, rilo urang nong di xã Phước Hậu, huyện Ninh Phước, tỉnh Ninh Thuận taong yaom dom pajaih bahrau hu jao ka mikva pala hu rilo siam lagaih jang dut saong pajaih asar gul vil daok hu pala di pak ini meng lavik mai. Dom sarak daong samar piah ka urang nong salih tapa pala dom janih pajaih hu chất lượng glaong lac bruk bo urang nong di Ninh Thuận daok caong maong piah hu jien mek tame glaong meng pala padai. Kadha vak di Minh Triều urang pambuak bruk haong danak dak hu ndem tal bruk ini:

Bhum taneh siam Chợ Gạo dahlau daih lac labik pabak dom pajaih padai tamuh hu dalam pandiak bhang, pacang hu halak halin, brei năng suất glaong ka abih miền Tây. Min, urak ini, di huyện Chợ Gạo meda lac oh daok mblang hamu, bhap bini rilo meng pala thanh long, min janih baoh kayau ini urak ini takik pablei hu, laik yaom biak bier. Klaak padai pala phun thanh long blaoh tuk thanh long oh hu labik pablei, laik yaom, bhap bini having akaok oh thau klaak thanh long, pala phun hagait veik? Bruk kadah kadaiy ini hu Ngọc Phúc khan brei thau tapa kadha vak hu ba tagok mbao SGGP:

Dom mbang tagok yaom oh lac ngak kan kandah tal raidiuk yaok harei di bhap bini bo daok ngak kan kandah biak rilo tal ruk ngak, iek glang prein yava, bac da-a saong patagok, abih di nyu lac ngan saong urang kan kathaot saong ngak ka urang tuk halei jeng having akaok haong kan kandah. Dalam tuk yaom xăng menyek tagok glaong saong bruk lạm phát mbuan tagok glaong, ngak habar piah cagar veik haong bruk tagok yaom lac bruk sangka di rilo doanh nghiệp saong bol bhap rahra. Kadha vak hadei ini di Đại Dương mangaok báo Tiền Phong hu ndom ka bruk ini:

Tapa 2 thun jit Covid-19 srau kadau, dom doanh nghiệp pajeng ba jeng meda lac abih prein jaik abih. Doanh nghiệp halei patuah, daok ngak bruk hu, ye jien mek tame jeng trun tal 80%. Bahrau tapa mbang ribuk hadei jit praong, urak ini, doanh nghiệp pajeng ba dalam taneh ia kan kandah dak mangaok kan kandah, tuk yaom xăng menyek tagok glaong. Mạnh Phương, urang vak di rayo sap ndom VN hu kadha vak ndom ka bruk ini:

Piah ngak jeng bruk tagok khang ka gah du lịch, sa dalam dom jalan ngak bo TP.HCM daok jhul khang nan lac patagok du lịch jalan ia. Min, urak ini jeng daok rilo tavak tavaiy piah ka bruk du lịch jalan ia di ban raya HCM mek hu siam lagaih yau hatai caong. Kadha vak: Patagok du lịch jalan kraong di ban raya HCM jeng daok rilo tavak tavaiy” di Minh Thắm, urang vak di rayo sap ndom VN daok di ban raya HCM.

Bruk glut jaleih taneh tapen kraong daok jeng bruk samar drah ngan haong bhap bini bhum kraong ribaong Cà Mau. Karja saong gah chức năng pak ini daok ngak yaok bruk piah pacang caga, min bruk glut jaleih jeng oh mboh padeih veik, hu labik rahtabiak trak damak jang. daa mikva saong taong abih gauk pang kadha vak “Bruk mbuan glut jaleih bhum kraong ribaong Cà Mau” di Hữu Tùng hu ba tagok mbao Nhân dân.

Piah samar peih talaih "thẻ vàng" gilai taong ikan ngak suan adat hukum, oh pathau khan saong oh tui njauk adat hukum (IUU) bo Ủy ban châu Âu (EC) ba tabiak ngan haong kaya ikan Việt Nam, tỉnh Bà Rịa Vũng Tàu daok jhul khang peih ngak dom jalan samu gauk piah pacang cakak bruk ngak suan adat IUU. “Bà Rịa– Vũng Tàu paglaong akaok saneng di urang taong ikan piah Ủy ban Châu Âu peih talaih "thẻ vàng" nan lac kadha vak di Gia Khang, urang vak di rayo sap ndom VN daok di TPHCM. Daa mikva saong taong abih gauk tui pang:

Urak ini Tiền Giang padang hu bhum pala sa janih thanh long pablei tabiak negar langiu jaik 9.400 ha, yaok thun hu labaih 236.000 tấn baoh. Labik pala rilo di abih lac huyện Chợ Gạo hu jaik 7.500 ha saong hu Cục Sở hữu trí tuệ brei harak chứng nhận nhãn hiệu tập thể ka baoh thanh long Chợ Gạo. Kadha vak angan: “Tiền Giang patagok pren meriak gauk ka bhum pala thanh long pablei tabiak negar langiu” di Minh Trí angaok hrak báo điện tử Thông tấn xã Việt Nam.