Meng akaok bilan thu tal urak ni, bhap bini daok dalam bhum njauk ia mbak njom tame di tỉnh Vĩnh Long tuk halei jeng gaok kan kandah kayua kurang ia taba piah pandar. Anak dom kan kandah ni, rilo kapul nyaom, menuac urang dalam saong langiu tỉnh hu ba gauk tame daong rahra meng rilo jlan ngak piah klah rabha dom kan kandah di bhap bini dalam tỉnh.

Bilan thu thun ni dui atah, ia di dom danao, binek dalam tỉnh Bà Rịa – Vũng Tàu daok takik, ngak ka rilo phun pala thu lagu kayua kurang ia pruh, ngak kan kandah oh sit tal bruk pala drak, tui nan meda hu rilo taneh phun pala mbuan lahik abih.

Dalam bruk peih paha bangsa, peih paha xa hoi saong peih paha anek manuac, Chủ tịch Hồ Chí Minh caik abih rai mesruh meblah mek bebat tự do ka taneh ia, ba haniem phul mai ka rahra, peih tabiak sa saman birau ka bangsa Viet Nam. Saman Hồ Chí Minh hu brei mboh cambaih meng klau sajarah lac: Tuyên ngôn Độc lập, Panuac iew taong abih bhap bini dalam negar dang tagok mesruh metak saong Di chúc nan lac tabung glong jalan sahaneng Hồ Chí Minh. Pahadar 130 thun Harei menek di Chủ tịch Hồ Chí Minh, khol dahlak likau khan kadha vak di PGS-TS VŨ HỒNG QUANG daok ngak bruk di Học viện Chính trị Quốc gia Hồ Chí Minh ka 3 vaktu sajarah nan:

Bruk Pasak pasang iek ruak kik tỉnh Đồng Nai birau hu tani tanat bruk ngak meng puac thun 2019 hu mbang ngak iek khang saong samar patagok hu siam lagaih, jeng gah hu labik dang praong dalam luac dom bilan tabung glong pacang caga jit Covid-19. Kadha vak di Văn Phong angaok harak mbao SGGP hu ndem ka labik dang di gah y tế dự phòng dalam bruk pacang caga jit Covid -19 saong dom ilamu bac megru hu meng bruk ngak dalam tukvak nan:

Wa Hồ nao atah blaoh min rup binguk di Wa jeng daok miat dalam baoh hatai dom rairah urang Việt Nam jeng yau dalam baoh hatai bhap bini dom bangsa takik. Di tuk pahadar 130 thun harei menek di Wa (19/5/1890 - 19/5/2020), Đoàn Sĩ – urang vak di rayo sap ndom VN daok di ban raya HCM hu kadha vak “Bhap bini bangsa takik di tỉnh Bình Thuận bac megru saong ngak tui jalan hadah krah siam mekre di Wa Hồ":

Bruk pandar siuk khẩu trang y tế lac piah pacang caga njom mbak ruak Covid-19. Yaom lac hu labik pataom mek, ngak hacih hareik min hu dom urang hadei di pandar blaoh siuk y tế pacang pabah idung klak parak ban glai ban glo di labik công cộng, mbuan njom mbak ruak saong hareik klak tabiak gah langiu. Bruk pandar siuk khẩu trang y tế yau halei piah gam khik caga hu prein yawa, gam takik klak hareik tabiak gah langiu lac bruk hu rilo urang sangka caik hatai. Urang vak Huyền Trang hu kadha vak ndom tal bruk nan:

Dom harei tapa, dom baoh sang daok di bhum ceik Praong saong ceik Sit di dom phường 1, 2, 4, 5 saong Thắng Nhì, Ban sit Vũng Tàu, tỉnh BR-VT biak haduh hatai kayua bruk kuac lam taneh ceik, padang sang daok di labik ini daok rah tabiak dak harei dak rilo. Bruk nan meyah oh pacang cakak hu meda ba tal bala metai manuac jeng yau khat lahik drap ar di bhap bini kayua glut jaleik taneh meda rah tabiak tuk halei oh thau, abih di nyu lac di bilan hajan. Kadha vak di Lưu Sơn, urang vak di Rayo sap ndem Viet Nam daok di Ban raya HCM brei thau ka bruk nan:

Meng Jit Covid-19 nyu ngak ka gah dulich Ban raya HCM khat lahik biak trak. Tui kuhria, dalam dua bilan akaok thun 2020, tuai damuai saong jien mek tame di dom công ty ba tuai nao rivang main trun meng 50% tal 60% dut saong tukvak ini thun dahlau. Abih di nyu nan lac, dalam bilan 3, dom công ty takik tuai jeng yau jien mek tame, trun meng 95% tal 100% dut sapng tukvak ini thun dahlau. Tuk jit ruak hu pacang, dom doanh nghiệp saong gah chức năng daok peih bruk ngak veik, rami ramik veik bruk dulich hadei di jit Covid-19. Hà Anh, urang vak di Rayo sap ndom Viet Nam daok di Ban raya HCM hu kadha vak ndem ka bruk ini:

Taneh glai tapen huyen Bắc Bình, tỉnh Bình Thuận saong huyen Đức Trọng, tỉnh Lâm Đồng mbiah tal urak ini jeng daok lac sa dalam dom labik pandiak ka bruk ngak suan Hukum ngak glai. Pak ini, bruk jak tak glai, pajeng ba kayau suan hukum rah tabiak srau kadau, hu bruk ba tal khat lahik trak njauk langyah hình sự. Kadha vak di Lê Phúc angaok harak mbao Bình Thuận brei thau ka bruk nan:

Meng puac bilan 4, dom bruk ngak tabiak pandap panda, pablei salih dịch vụ di dom tỉnh: Sơn La, Điện Biên, Lai Châu hu brei adat peih pabah mbang ngak bruk gilac veik. Ini lac bruk bui sambai ngan saong jaik abih dom labik pablei salih di dom tỉnh kayua kareih pabah mbang padeih ngak bruk piah pacang caga Covid-19 dalam tukvak tapa. Tui nan jeng lac bruk uan tabuan meda hu ba mai rilo kein lagiah dalam bruk ngak mbang patagok kinh tế -xã hội di dom tỉnh hu ralo urang bangsa takik diurai.