Meda lac mikva urang pang Danak dak papar sap Cam hu bhian randap haong sap ba danak dak, sap bac kadha vak di sa-ai Musa Phương angaok riyak langik. Lac sa dalam dom urang kak kajap haong danak dak papar sap Cam meng harei padang tabiak tal harei ini, langiu di bruk ramik veik ka nyu siam dom panuac langyah, sa-ai daok lac menuac lang sap, bac kadha vak... Meng di tuk TP.HCM peih bruk brei daok atah di gauk biak catang, sa-ai ngak bruk online di sang. Saong dalam tukvak nan, rilo bruk pandik harao rah tabiak dalam baoh sang di sa-ai. Kol drei pang dom panuac khan di sa-ai Musa Phương tapa kadha vak: “Medeih tagok meng thau lac drei daok diuk”:

Lac sa dalam 54 bangsa adei saai daok di angaok taneh ia akhan haroh S, bhap bini Chăm An Giang meng kan mai hu ba drei tame song bhap bini dom bangsa karei dalam ilamu, mbang ngui dok dang haong bui sambai raok tết. Yaom lac dok khik ka drei dom ilamu meng kan biak karei di urang Chăm Islam, min, tame tuk Tết meng kan di urang Việt Nam, mik va urang Chăm di An Giang jeng ba drei tame song bhap bini dalam taneh ia, raok sa thun bahrau haong rilo caong khin bahrau. Kadha vak di Ánh Phan – urang vak di rayo sap ndom VN dok di bhum taneran krong CL brei thau bruk chreih chrai bui sambai caga uan raok thun bahrau 2022 di mik va Chăm pak ni:

Thun 2021, jit ruak Covid-19 rah tabiak srau kadau ngak kan kandah oh takik tal rai duik song bruk ngak mbang pablei salih di bhap bini An Giang, jeng yau bhap bini dalam taneh ia. Min meng hatai thau jum pataom gauk, dong gauk dalam jit prong Covid-19, bhap bini Chăm di An Giang hu ba gauk yam tapa kan kandah, yam tagok tani tanat rai duik dalam siam mekre bahrau. Kadha vak di urang vak Phan Ánh dok di bhum taneran krong CL hu ndom ka bruk ni:

Tết Nguyên đán thun sak Ramaong 2022 daok mai tal biak jaik. Tapa sa thun rilo kan kandah, srau kadau kayua jit COVID-19 dui atah, yaok baoh sang, yaok đơn vị, yaok tỉnh, ban dalam taneh ia daok ba drei palagaih haong raidiuk “siam mekre bahrau”, caga taduan raok thun bahrau haong hatai caong hu siam mekre jang dalam thun bahrau. Dalam tuk jit COVID-19 di dom labik jeng daok rah tabiak, kan si kuhria mboh dahlau hu, meng bruk hu mbaok di biến chủng bahrau, piah hu mbang Tết dalam siam mekre, haniem phul, khik kajap prein yava, salamat ka rup drei, ka sang drei saong ka bol bhap rahra, yaok urang kol drei jhui “klaak tapa” dom jalan pacang caga jit, khik ramik jalan diukrai khang kadang, ngak njauk tui dom adat salamat angaok jalan mbak nao mai. Kadha vak di Thanh Trà angaok báo điện tử di TTXVN hu ndom ka bruk ini:

Peih ngak danak dak bruk ngak negar padang ngak pelei pala bahrau, meng jien buh tame ngak di Kanja, bruk kham marat di puk palei gam haong bruk sa hatung hatai di bhap bini, rilo xã hu rilo bhap bini Cam di 2 tỉnh Ninh Thuận saong Bình Thuận mek hu chuan palei pala bahrau. Urak ini, dom puk palei daok peih rilo jalan ngak piah khik ramik, paglaong siam mekre dom asal kadha palei pala bahrau, yam tal bruk padang ngak palei pala bahrau paglaong, palei pala bahrau kiểu mẫu. Kadha vak di Jasi, lac urang vak di rayo sap ndem VN daok di ban raya HCM brei thau ka mbaok mata palei pala bahrau di bhum bhap bini Cam Ninh Thuận saong Bình Thuận:

Tapa sa thun jit ruak bak kan kandah ngan haong rilo pok jien daong gam gam, thun ini rilo tỉnh, ban jeng kham merat pataom pren piah sangka iek glang Tết ka bhap bani, urang kathaot ngan haong pok jien buh tabiak rilo jang thun dahlau. Ta-eng di TPHCM, thun ini lac sa thun biak glaih glar di dom urang daok di labik pacang jit ruak saong lac sa thun hu rilo khat lahik di bhap bani, nan ye bruk sangka iek glang Tết jeng karei jang dut haong dom thun dahlau. Rilo sarak piah sangka iek glang Tết ka bhap bani TPHCM hu khan brei thau tapa kadha vak hadei ini di Tá Lâm angaok báo Tuổi Trẻ:

Tết nguyên đán thun sak rimaong 2022 mai tal biak jaik, ini lac tukvak piah ka dom doanh nghiệp jhul samar dom bruk pablei pandap saong urang blei hu rilo pilih ruah piah blei. Tapa duah thau mboh lac, dom pandap pablei tết nguyên đán hu biak rilo, yaom kaom tani tanat saong hu tal 90% pandap panda hu asal dalam taneh ia hu parang tabiak pablei. Kadha vak di urang vak Nguyễn Hằng hu khan brei thau ka darak pasa Tết thun ini:

Yaom lac thun 2021 lac sa thun biak kan kandah di gah du lịch kayua jit praong COVID-19, min Việt Nam jeng daok yam tagok jeng Labik mai tal dang akaok châu Á thun 2021 saong mek hu angan Labik mai tal khang kajap dang akaok châu Á di World Travel Awards. Ini meda lac sa prein pachreih ba biak praong ngan haong gah du lịch Việt Nam, dalam tuk du lịch di dunya daok peih pambah mbang gilac veik, tuai dunya meda pilih ruah dom labik mai tal di Việt Nam. Kadha vak di kapul urang vak Thông tấn xã VN brei mboh dom doanh nghiệp du lịch daok pasiam viek bruk ngak saong dom jalan ngak siam mekre, salamat, sami samar piah peih bruk du lịch dalam thun ini:

Oh lac dom janih kaya nong bo dak harei dak hu rilo pandap panda gaok rilo kan kandah tuk pablei tabiak di labik tapen negar Trung Quốc. Dom doanh nghiệp (DN), urang blei jeng mboh hu dom bala meda rah tabiak meng bruk pablei tapa negar lingiu tui jalan tiểu ngạch, min oh khin salih karei, kayua bhian randap haong bruk pablei pandap dalam tukvak katut saong oh thau brei ngak hagait, ngak meng halei piah meda salih karei. Kadha vak di Nguyễn Quỳnh mangaok mbao VOV.VN hu ba tabiak dom jalan meda ngak hu piah langyah dom kan kandah dalam bruk pablei kaya nong tame darak pasa Trung Quốc urak ini:

Bruk biến đổi khí hậu rah tabiak dak harei dak catang ngak kan kandah tapak tal bruk ngak nong, tuk vak tapa, huyện Ninh Sơn, tỉnh Ninh Thuận hu ba tabiak rilo bruk pandar ilamu glaong, tuk akaok mereip daok ba mai siam lagaih, kein laba, paglaong jien mek tame ka bhap bani. Kadha vak di Thanh Thịnh hu ndom ka bruk ini: