Pathau mikva saong abih gauk! Dalam danak dak papar sap Cam ngan haong kadha “adat cambat ngak nong di urang Cam Ninh Thuận” harei ini, khol dahlak hu yaih khan dom adat ngak nong di urang Cam pagam haong phun padai yau ye adat likau hajan, peih kuac ribaong, mbeik binek, adat padang sang kathaom, adat uan dom tukvak praong tagok di phun padai, adat uan lisei bahrau...ndung mbak ilamo padai ia. Taong abih dom adat ini brei mboh hatai caong di bhap bini ka sa bilan pala drak siam makre, hu hajan siam, hangin lagaih saong sa raidiuk trei sir. Daa mikva saong abih gauk tui pang:

Dalam 12 drei sak, drei rimong dang di labik ka 3, hadei di anek takuh song kubao, brei mboh ka pren khang song bruk ginreih mboh biak huac, meda khik iek pabah mbang pacang di 4 gah. Dalam bhap bini urang Việt ieu rimong lac ong "klau pluh", patao "ceik glai" piah brei mboh bruk iek prong. Ramong dok hu makna siam hatai, ngak ka urang mboh huac, khang kadang saong oh kadun likuk anak kan kandah. .Bruk ni brei mboh yaom glaong di drei rimong dalam rai duik di urang Việt saman dahlau saong harei ini.. Kadha vak di urang vak Hoàng Liên hu dong ka mik va song tong abih gauk thau jang ka bruk ni . Daa mik va song tong abih gauk tui pang

Meng dom kham merat, thau sahneng, thau ngak, oh huac kan kandah, hu oh takik urang nong bangsa Chăm sak rimong di tỉnh Bình Thuận mek hu rilo jak jeng dalam bruk ngak mbang. Dalam nan hu ong Hai Hổ, ndih tapui thun 1962, daok di xã Phan Hoà, huyện Bắc Bình song muk Huỳnh Thị Muộn ndih tapui thun 1974, daok di xã Phú Lạc, huyện Tuy Phong. Dalam dom harei akaok thun bahrau, daa mik va song tong abih gauk taom gaok haong dom urang nong Chăm sak rimong ni tapa kadha vak di Jasi – urang vak di rayo sap ndom VN dok di ban raya .HCM:

Di tuk uan thun bahrau, danak dak papar sap Cam harei ini hu yaih khan dom nghệ sĩ ranaih umo urang Cam nan lac: ca sĩ Thanh Pháp, nhạc sĩ Inư Tuấn haong Hán Văn Trà ngan saong dom kadha daoh bahrau di dom nghệ sĩ ini daok hu bhap bani takre pang.

Đảng CSVN kayua lãnh tụ Nguyễn Ái Quốc-Hồ Chí Minh padang tabiak, pan akaok ba jalan saong pato pasram. Wa Ho - dua baoh panuac ginreih saong tuk halei jeng daok dalam baoh hatai di bhap bini Viet Nam. Wa Ho lac brei mboh ka hatai jia, lac bruk su-uh su-un dalam baoh hatai di urang bangsa Cam. Hatai ranam nan hu jeng prein khang pachreih ba dom rairah bhap bini bangsa Cam harei ini halan hatian bac megru saong ngak tui jalan diukrai hadah krah di HCM.

Dalam tuk rilo janih phun mbang baoh gaok kan kandah ka bruk pablei tabiak kayua jit ruak Covid – 19 ye dom janih nho bahrau di Ninh Thuận yaom kaom jeng daok hu tani tanat, urang pala nho jeng daok hu kein laba. Hu yau nan, mai meng urang pala nho di Ninh Thuận hu salih tapa pala dom pajaih nho bahrau tui tanut chuẩn VietGap. Nho that atau dom pandap ngak tabiak meng nho VietGap Ninh Thuận pabak hu hatai caong di urang blei, ba jien tame tani tanat ka urang pala nho. Likau hu gam bui sambai haong urang pala nho Ninh Thuận anak jak jeng ini tapa kadha vak hadei ini di Minh Triều, urang pambuak bruk haong danak dak:

Bruk karam ca nô pajeng tuai du lịch ngak ka rilo menuac metai di Quảng Nam nan lac panuac pahadar ka bruk siam mekre salamat dalam tuk nao ma-in meng jalan ia, jeng yau panuac pahadar ka bruk siam mekre, salamat du lịch dalam tuk caga peih veik pabah mbang du lịch. Kadha vak di kapul urang vak báo Tiền Phong ndom ka bruk dom tỉnh, ban yau Kiên Giang, Lâm Đồng ngak catang veik dom adat hukum ka bruk siam mekre salamat du lịch lac panuac pahadar ka taong abih dom tỉnh ban saong jabat hadei di bala biak trak meng blaoh:

Ngan saong urang bangsa Cam, oh lac dalam rija roya bilan Xuan bo jaik abih dom rija roya bhap bini jeng oh kurang hu sap chreih chrai di Gi-năng, Paraneng, Ráp-pà-nà, Hagar…Sap dui pachreih takai bhap bini samar yam tagok dom bimong, kalan piah hadar dhar phol dom po yang buh prein padang palei, mbeik binek ba ia ngak hamu, likau po yang sraong daong ka abih gauk hu trei sir, haniem phol saong abih di nyu nan lac hu ba drei tame bui sambai haong dom rija roya.

Kinh tế kapul nyaom di tỉnh Ninh Thuận bo praong abih lac hợp tác xã daok tagok khang. Rilo hợp tác xã ngak tui chuỗi giá trị, pandar ilamo kỹ thuật hu tabiak rai saong ngak bruk hu kein lagaih, ba bruk ngak, paglaong jien mek tame ka dom urang dalam HTX saong urang ngak. Tapa nan, rik tame bruk ngak salah dom asal kadha padang ngak palei pala bahrau paglaong di puk palei, abih di nyu nan lac di bhum bangsa Cam. Kadha vak pataom veik di urang vak Hoàng Liên brei thau ka bruk Ninh Thuận cak rok patagok kinh tế HTX pambuak haong padang ngak palei pala bahrau. Daa mikva saong taong abih gauk tui pang.

Meng akaok jit tal abih thun 2021 meng blaoh, tỉnh Bình Dương hu labaih 290.000 urang njauk Covid-19 saong labaih 3.000 urang ruak metai. Ini jeng lac sa dalam dom labik tamuh jit aval haong dom menuac njom ruak saong metai glaong ka 2, tok dang hadei TPHCM. Dalikan amaik metain nao duah tin di kreih bilan jit lac dalikan brei mboh ka trách nhiệm, oh huac kan kandah glaih glar di urang ngak báo. Urang kumei phóng viên Thiên Lý – lac urang vak di rayo sap ndom VN daok di Bình Dương, gam lac tác giả, gam lac menuac di dalikan ini. Da-a mikva saong taong abih gauk tui pang: