Bhap bini Cam tỉnh Bình Thuận hu jaik 9.100 sang gam haong labaih 42.000 menuac, meblah labaih 3,26% menuac sia dalam tỉnh. Urang Cam pak ini rilo meng tui agama Bà-la-môn haong Bà-ni. Dalam tỉnh hu labaih 400 halau janeng. Sap ndom di dom urang nan hu bhap bini pang tui. Dom urang ini gheih ba dom adat cambat tanarakun tame piah langyah dom cuang kandah tamuh tabiak dalam raidiuk di bhap bini. Di tuk pahadar 90 thun harei padang Mặt trận bangsa yasa Việt Nam haong Harei ilamu Mặt trận Negar Việt Nam (18/11/1930-18/11/2020), Jasi – urang vak di rayao sap ndom VN daok di ban raya HCM hu kadha vak ka bruk ngak, labik dang di dom halau janeng Cam dalam bruk dak padang talei jum pataom bangsa.

Anak dom cuang kandah di gah ngak nong Việt Nam jeng yau gah café daok gaok, ye salih bahrau, sahneng duah bahrau lac jalan piah cakrok patagok. Abih di nyu lac tuk Việt Nam hu mbaok tame dom hiệp định pablei salih rai bahrau yau ye: Hiệp định pablei salih tự do Việt Nam –EU (EVFTA), Hiệp định pambuak bruk abih gah saong tiến bộ tapa Thái Bình Dương (CPTPP); Hiệp định pambuak bruk kinh tế toàn diện khu vực (RCEP). Piah ka gah café cakrok khang kajap njauk haong prein khang, labik dang di drei, dom urang ngak café di Tây Nguyên daok kham merat salih bahrau, sahneng duah jalan nao di drei brei ka cafe Việt Nam. Kadha vak di Hương Lý, urang vak di rayo sap ndom Viet Nam daok di Tây Nguyên ka dom salih bahrau, sahneng duah bahrau ini:

Urak ini rilo tỉnh ban di bhum taneran kraong Cuu Long daok biak iek praong bruk cak rok patagok điện angin di bhum tapen tasik. Oh lac tok daong pandar siam pren khang di yaok puk palei, dom danak dak ngak salah blaoh meda daong ba mai mbaok meta bahrau ka bhum palei, rik daong biak siam tame bruk cak rok patagok kinh tế-xã hội di yaok tỉnh bal saong taong abih bhum taneran kraong Cửu Long dalam dom thun anak tal:

Lac labik pambuak dom jalan hu makna praong di bhum ĐôngNam bộ, tỉnh Đồng Nai daok peih ngak labaih 1.000 danak dak, dalam nan hu rilo danak dak gah jalan mbak piah ngak brei patagok kinh tế -xã hội. Yau nan min, meng akok thun mbiah tal ini, tỉnh hu ba tabiak khung yaom taneh birau, abih di nyu lac taneh ngak nong di rilo labik tagok meng 3 tal 4 mbang dut saong dahlau diah, ba tal dom danak dak patagok phun jien buh tame ngak , gaok kan kandah dalam bruk daong bayar jien taneh saong peih taneh. Bruk nan hu ndem tal dalam kadah vak di Hoàng Bách angaok harak m,bao SGGP:

Lac tỉnh hu lagaih ralo gah ngak nong công nghệ glaong, tukvak tapa, Lâm Đồng tuk halei jeng pataom dom prein khang piah jhul gah kinh tế ngak nong patagok. Tal urak ini, taneh ngak nong pandar công nghệ glaong di tỉnh hu labaih 60.000ha, meblah 20% taneh pala drak, ba bruk pala drak duah hu sumu 180 trieu/ha/thun, glaong jang rilo mbang dut saong tanut kuhria rah tapa dalam negar. Yau nan min, bruk cak rok patagok gah ngak nong công nghệ cao di Lâm Đồng daok gaok kan kandah praong lac kurang phun jien. Quang Sáng, urang vak di Rayo sap ndem VN daok di Tây Nguyên hu ndem ka bruk nan:

Tiền Giang lac tỉnh daok di pabah jalan tame tabiak bhum gah Pei negar, hu bruk dulich cak rok patagok khang dut saong dom labik karei dalam bhum taneran kraong Cuu Long. Yau nan min, kayua jit ruak Covid-19, bruk rivang main dulich di tỉnh Tiền Giang trun takik, dalam tuk nan hu bruk cak rok patgok dom sarak daong, pachreih urang daok suai damuai ngak ka gah dulich di tỉnh gaok rilo kan kandah. Kadha vak di Nhật Trường brei thau ka bruk ini:

Thau lac danak dak jalan radaih cao tốc Bắc - Nam 2 labik tapa Vĩnh Hảo - Phan Thiết saong Phan Thiết - Dầu Giây lac hu daong Bình Thuận patagok bruk cak rok kinh tế, dom thun tapa, abih gah chính trị di tỉnh ba tangin tame bruk peih taneh. Tal urak ini, Bình Thuận daok dang akaok nao dahlau dalam bruk peih taneh dut saong dom tỉnh hu jalan cao tốc padang ngak dalam thun 2020. Kadha vak di Trần Thi brei thau ka bruk ngak hu njauk uan tabuan

Sa-ai Hùng Ky, urang ngak nong bangsa Cam daok di palei Tuấn Tú, xã An Hải, huyện Ninh Phước, tỉnh Ninh Thuận, lac urang daneiy angan pala rabung hijao – janih phun hu pagap yau “njam patao”. Sami samar hadah krah dalam bruk ngak mbang pala drak, bruk ngak meda di sang sa-ai Hùng Ky hu taduan raok rilo urang jakar pakat glaong di Đảng, Karja mai rivang, pachreih.

Jalan padang mbang ngui hu dom urang ilamu taong yaom lac bak kan kandah, min urak ini daok hu rilo urang umo ranaih kham ngak, dalam nan hu gah ngak nong. Yau nan min, piah ba pandap hacih sa-at, pandap hu angan je tal urang blei pandar, njuak brei hu hatai takre, kham merat oh huac glaih glar saong buh jien tame ngak suai lavik. Piah plaik bruk pala njauk - laik yaom, brei hu sa jalan ngak suai lavik ka bruk ngak nong hacih sa-at. Bruk nan hu ndom tal dalam kadha vak hadei ini di Gia Bảo angaok harak mbao SGGP:

Khat lahik kayua glut jaleih rah tabiak di dom tỉnh ĐBSCL tagok tui thun. Di dom tỉnh ban yau Cà Mau, Đồng Tháp, An Giang, Tiền Giang, Bạc Liêu…” meda lac patui gauk ba tabiak bruk khẩn cấp ka glut jaleih Dalam tuk nan dom thủy điện angaok krong Mê Công padang tagok ngak ka cuah haong gluh njauk pacang veik . Kayua kurang gluh, ia nyu nduac mbang tame tame takai krong saong mbat kraong piah pabak veik gluh kurang… nan ye glut jaleih tagok rilo . Jalan ngak patrun khat lahik kayua glut jaleih di ĐBSCL dok lac bruk samar drah hu batabiak