Việt Nam hu 53 bangsa takik ngan song 14 triệu urang , jiak 3 triệu boh sang, dok pataom gauk jeng puk, palei di 51 tỉnh, ban. Urak ni, bhum urang bangsa takik song bhum ceik jeng daok lac labik kan kandah di abih ,menuac ngak ilamu dok beir, kinh tế-xã hội cakrok suai di abih, dalam tuk bruk pabak dom dịch vụ xã hội jeng daok beir di abih song boh sang kan kathaot glong di abih dalam negar. Makna ba tal bruk ni rilo meng lac kayua bhum urang bangsa takik song bhum ceik jalan nao mai oh mbuan, langik tasik kan kandah, tabiak meng labik biar, phun jien ka pala drak, pajeng ba pandap panda abih rilo, nan ye biak kan piah dui pachreih urang buh jien tame ngak mbang. Dalam tuk yau nan, Ủy ban bangsa song dom mintri, dom gah pambuak tal, hu padang danak dak patagok kinh tế-xã hội abih gah bhum urang bangsa takik song bhum ceik vaktu 2021 - 2030. Daa mik va song tong abih gauk pang kadha vak di Thanh Tâm, urang vak di rayo sap ndom VN yaih khan ka danak dak ni :

Urak ni, jit ruak Covid-19 ngak kan kandah praong tal bruk pala drak song pablei kaya nong di urang nong, abih di nyu lac meng tuk peih bruk paatah di gauk. Anak bruk yau nan, di tỉnh Sóc Trăng, taphia bruk kham merat di karja, dok hu bruk ba tangin tame meng dom gah lac dom urang jakar, urang lin tapon nyaom bol pan phao krong, dom kapul nyaom, urang đoàn, dam dara … rik dong patrun kan kandah dalam bruk pablei kaya nong. Daa mik va song tong abih gauk duah thau tapa kadha vak di urang vak Thạch Hồng:

Jit Covid-19 rah tabiak dak harei dak srau kadau, kan si kuhria mboh dahlau, kan kandah tal jaik abih bhap bini, doanh nghiệp song urang ngak di yaok bruk ngak. Piah dong klah rabha kan kandah hong doanh nghiệp, rahra urang ngak, rilo sarak, jalan ngak bahrau dok hu peih ngak, taduan hu bruk sangka di bhap bini. Urang vak Thu Trang brei thau ka bruk ni:

Dalam tuk ban raya.HCM song dom tỉnh, ban gah merong dok peih bruk paatah di gauk, rilo urang ngak, abih di nyu nan lac urang ngak bruk tự do, urang taha lavang lavaih …gaok biak rilo kan kandah, njauk palih ruah jalan puac di abih lac nao palei plaih jit. Min, bruk mik va eng drei peih radaih patuh mboh lac oh siam mekre salamat ka urang peih radaih song ka bruk pacang caga jit. Kayua yau nan ye, bruk pambuak gauk ba dom urang khin mai palei hu siam mekre salamat dalam tuk ni, lac bruk praong njauk ngak. Kadha vak di Hà Khánh, urang vak di rayo sap ndom VN dok di ban raya .HCM hu ndom ka bruk ni.

Pathau mikva saong taong abih gauk! Dom harei tapa, tuk tỉnh Bạc Liêu pandar Sarak 16 di Thủ tướng Rajaei ka dom jalan samar drah pacang caga jit COVID-19 ye Kapul urang kumei dom pakat hu ba tabiak ngak rilo bruk biak siam, piah daong adei sa-ai kumei kan kandah, daok sa drei, ruak kik pandik harao… dalam tỉnh. Dalam nan njauk ndom tal bruk “Kapul urang kumei nao darak pasar brei” di kapul urang kumei ban sit Phước Long, hu ngak brei bui hatai rilo sang di labik ini dalam dom harei daok atah di gauk. Kadha vak di Tấn Phong – urang vak di rayo sap ndom VN daok di bhum taneran kraong CL.

Pathau mikva saong taong abih gauk! Tukvak tapa, manuac urang njauk Covid-19 di bal raya HCM gam gam tagok glaong, bal raya njauk dui atah tukvak pandar Sarak 16 di Thủ tướng Raja-ei. Kayua yau nan ye, hu biak rilo kan kandah, tavak tave rah tabiak yau kurang pandap panda y tế di dom sang iek ruak atau kurang pandap panda kaya mbang brei ka bhap bani daok di dom labik brei daok karei, labik pacang cakak. Mai meng bhap bani, dom kapul nyaom bol bhap rahra hu ba tangin tame haong karja langyah kadha kan kandah ini tui jalan samar drah. Dom dalikan ndom ka bruk ieu pataom pren khang di bhap bani dalam bruk pacang caga jit ruak hu khan brei thau dalam kadha vak di Minh Thắm – Urang vak di rayo sap ndom VN daok di bal raya HCM:

Pathau mikva saong taong abih gauk! Dalam tukvak pa-atah di gauk tui Sarak 16 piah pacang caga jit COVID-19, dom kapul nyaom yau Kapul urang kumei, kapul dam dara tỉnh Đồng Tháp thau patagok bruk halan hatian, klah rabha kan kandah haong bhap bini tapa dom bruk yau "Shipper ao hijao", "Urang kumei nao darak brei”. Tapa nan, daong ka bhap bini mboh hu bruk sangka, sahanang hatai piah gam haong Đảng, karja pacang caga jit hu siam mekre, jhul kadun likuk jit ruak, pasiam veik bruk ngak mbang, tani tanat raidiuk. Kadha vak di Chương Đài angaok báo Tin Tức brei thau bruk sangka iek glang di dom kapul ini:

Pathau mikva saong taong abih gauk! Thun ini, tui bruk ba tabiak di Mintri Pato Megru, hadei di tuk thau ka bruk pakacah mbang 1, anek saih pakacah blaoh hu 10 harei (meng harei 26-7 tal abih harei 5-8) ngak harak likau pasang iek veik kadha pakacah. Hội đồng pakacah brei pasang iek saong brei thau bruk pasang iek veik suai di abih lac harei 20-8. Gam haong nan, harei 5-8, dom sang bac ĐH meda brei thau điểm taduan mek hồ sơ pilih ruah angaok blah web Brei thau bruk pilih ruah di Mintri Pato Megru haong angaok blah web di sang bac. Dahlau di tukvak puac abih piah ka dom anek saih ngak harak likau pasang iek veik, da-a mikva saong taong abih gauk pang kadha vak di Minh Quân angaok báo SGGP piah tui nan bo sahneng kuhria ka bruk ini:

Pathau mikva saong taong abih gauk! Jit ruak Covid-19 dak harei dak khang, rilo tỉnh, ban gah meraong daok peih ngak Sarak 16 haong dom jalan ngak khang jang. Kayua yau nan ye, dom harei tapa, dom janih kaya nong yau ye baoh kayau, njam patam, baoh kraoh, kaya ikan, ralow menuk ada...rilo labik daok hu biak rilo, min bruk pajeng ba gaok rilo kan kandah, ba tal pataom pambuk kaya pandap, labik labaih, labik kurang. Anak bruk yau nan, brei hu dom jalan ngak siam lagaih, njauk haong bruk di anak meta. Vinh Quang, urang vak di rayo sap ndom VN daok di ban raya HCM hu kadha vak ndom ka bruk ini.

Ginum biai pak hội trường ka bruk buh jien tame ngak Danak dak pakat negar patrun kathaot khang kajap tukvak 2021 – 2025 (hadei di ini iew katut lac Danak dak), dom urang QH jeng njauk hatai haong bruk lac njauk padang Danak dak piah patui jalan patagok dom jak jeng saong pasiam veik dom tavak tavaiy dalam bruk patrun kathaot dalam tukvak tapa. Taphia di nan, daok hu rilo panuac rik daong biak siam, ba tabiak dom jalan ngak piah pamedeih tagok hu hatai caong khin saong ngak jeng pren khang piah ka dom urang kan kathaot caong khin tabiak truh kathaot. Kadha vak di Phan Phương angaok mbao Tin Tức brei thau ka panuac di urang QH Nguyễn Thị Mai Hoa ( kapul Đồng Tháp) ndom ka bruk ini: