Di tuk pahadar 15 thun harei peih danak dak papar sap Cam di Rayo sap ndem Việt Nam (1/1/2005-1/1/2020), kol dahlak hu tangi sua Tiến sĩ Phú Văn Hẳn, Phó Viện trưởng Viện Khoa học xã hội vùng Nam Bộ, lac sa dalam dom urang roh duah sap ndom panuac puac ilamu Cam, jeng lac urang hu rilo rik daong ka danak dak, brei thau ka hatai caong di drei:

Piah mek hu jak jeng praong jang thun 2019, Tổng Bí thư, Chủ tịch nước tacei lac, njauk pataom tame peih ngak biak siam 5 kadha praong. Hadei di ini, kol dahlak likau khan tal mikva saong taong abih gauk 5 kadha praong njauk ngak ini:

Harei 1/1/ 2020, Danak dak papar sap Cam di rayo sap ndom VN hu 16 thun (1/1/2005 - 1/1/2020). Tapa 15 thun peih tabiak, Danak dak papar sap Cam hu caik veik rilo kadha kan var hu dalam hatai urang pang rayo. Hu yau nan, meng hu bruk tacei pato di dom pakat urang pan akaok Rayo sap ndom VN, bruk abih drei di dom urang pambuak bruk daok di tỉnh, ban, bruk sangka tui pang saong brei panuac pato pahadar di urang pang rayo atah jaik. Saong piah ka danak dak dang kajap angaok riyak lingik negar dalam 15 thun tapa, daok hu bruk anit ranam bruk ngak, kham merat yam tapa dom kan kandah di dom urang vak, urang lang sap, urang ba danak dak saong kỹ thuật viên hu mbaok tapak tame ngak danak dak. 15 thun tapa, hu dom urang kayua rilo makna karei di gauk nan ye luai padeih meteh dhi, min jeng hu dom urang kak kajap haong danak dak meng harei camereip peih danak dak mbiah tal harei ini. Di tuk pahadar 15 thun papar sap danak dak, kol dahlak likau khan tal mikva saong taong abih gauk hatai sahneng di Đoàn Thụy Sĩ saong Hanipha, lac 2 dalam dom urang hu 15 thun kak kajap haong danak dak papar sap Cam:

Rilo thun ini mai, tỉnh Ninh Thuận tuk halei jeng sangka tal bruk cakrok patagok urang đảng dalam bhum urang bangsa takik, ngak habar ka dom bangsa takik hu urang jakar mbiah ginup hu mbaok tame dom kapul nyaom, cơ quan, jabat dalam hệ thống chính trị meng tỉnh, huyện tal xã. Mai meng nan, thun 2014 tal ini, taong abih dom urang đảng hu kết nạp bahrau dalam tỉnh lac 5.108 urang, dalam nan hu 2.824 urang đảng nan lac urang Cam saong Raglai.

Thun 2019, gah ngak nong gaok rilo kan kandah tuk prein meriak gauk gah kaya nong daok biar, bo daok gaok jit tả pabui Châu Phi pambak praong dalam taneh ia, ngak khat lahik oh ka bhian mboh ka gah raong glang.... Min yam tapa taong abih, gah ngak nong jeng hu tagok khang, pablei tabiak taneh ia langiu tui kuhria mek hu labaih 41,3 tỷ USD, rilo jang 3,5 % dut saong thun 2018, brei mboh bruk kuhria caga drah samar di gah ngak nong:

Meng trách nhiệm glaong saong oh padeih bac megru, Sang iek ruak dã chiến pakat 2 ka 1 hu yam tapa oh thau hadom kan kandah, ngak hu siam dom bruk hu jao brei, paglaong rup binguk hadah mekre di urang lin quân y Việt Nam, Bộ đội Wa Hồ haong ayut sahabat dunya saong Liên hợp quốc. Tapa bruk ngak di Sang iek ruak dã chiến pakat 2 ka 1 hu Liên hợp quốc taong yaom glaong saong hadah mbaok meta hu alin brei Huy chương ka bruk khik ramik hòa bình Liên hợp quốc.

Lin công binh lac dom urang duah palai bom, mìn dok kandaong veik hadei di mesruh metak, sa bruk rilo kan kandah, mbuan metai lahik. Di Quân khu 9, Lữ đoàn Công binh 25 lac đơn vị dang akaok dalam bruk duah palai bom, mìn ka tong abih Quân khu. Meng trách nhiệm di drei, rilo thun tapa, dom urang lin công binh tuk halei jeng ba abih pren yava di drei, oh huac kan kandah piah ba mai siam mekre selamat ka bhap bini, rik dong ba mai sambo hajao ka taneh.

Dom harei puac thun, mai rivang huyện Bù Gia Mập, tỉnh Bình Phước, khol hulin pang hu rilo dalikan drut droi ka bruk klah rabha, iek glang anek saih kan kathaot urang bangsa takik di urang jakar, urang lin Đoàn Kinh tế-Quốc phòng 778, Quân khu 7. Daa mik va song tong abih gauk pang kadha vak “Bộ đội dong ka anek saih kan kathaot urang bangsa takik”di Nam Hải:

Gilang pariak Karja hu peih ngak catang veik giới hạn pandar phun jien katut panak tukvak brei mesraiy mbiah saong atah tukvak di dom gilang pariak tui jalan 3 thun dalam gah sang danaok taneh riya meng harei 1/1/2020. Gam haong bruk patrun yaom phun jien kauut panak brei mesraiy mbiah saong atah tukvak, Gilang pariak Karja daok patagok hệ số rủi ro tuk ngak mbang pablei salih sang danaok taneh riya meng 150% tagok 200%. Bruk ngak catang brei mesraiy gah sang danaok taneh riya hu caong lac meda ngak ka darak pasar sang danaok taneh riya hu khang kadang jang.

Ngan haong dom uranaih ruak daok iek ruak di Sang iek ruak Ung bướu TPHCM, bruk bac daa mboh yau atah dhua tuk dom adei yaok harei njauk dom mbang pandiak harao kayua jru hóa trị tame rup. Min, meng baoh hatai di drei, dom urang halar hatian dalam tal bac akhar di sang iek ruak daok yaok harei daong pabak chreih chrai ka dom adei yam tapa ruak kik saong tapa nan bac megru hu dom kadha biak hu makna ka rai diuk.