Beir harei puac bilan liar, tuk ia harei tame ceik glaong labik gah canah klau jalan taphia negar, bhum taneh Sa Loong, huyện Ngọc Hồi, tỉnh Kon Tum laik la-an.. Langik la-an tal khang tangin takai, min khol hulin jeng mboh yau laik tame kreh labik joa lange tal takai lingik. Di dom puk palei, gom daok hadah tagok, min bhum tapen negar Sa Loong jeng daok joa kandang tui takai yam di urang lin Biên phòng. Urak ni lac tuk parilo dom mbang nao piah ba bui sambai tal puk palei di tapen negar

Ariya Cam, lac inem krung hu yaom glaong di urang Cam, lac bruk hadah mbaok meta di 1 bangsa min daok dang anak bruk mbuan lahik nao. Piah khik ramik saong patagok bruk puac Ariya di urang Cam, thun 2017, Pasak roh duah ilamu Cam tỉnh Ninh Thuận hu peih ngak danak dak roh duah, ghi âm dom ragu puac Ariya Cam di dom palei Cam dalam tỉnh. Ini lac jalan peih tabiak praong piah ka tỉnh Ninh Thuận pasiam harak gar hồ sơ pok tagok Mintri Ilamu, Thể thao saong Du lịch brei angan puac Ariya di urang Cam lac inem krung ilamu phi vật thể pakat negar. Kadha vak di Aí Nghiêm, urang vak di Rayo sap ndom Việt Nam daok di ban raya Hồ Chí Minh brei thau ka bruk ini:

Piah ka dom panuac puac Ariya dui pachreih urang pang, urang puac Ariya brei hu sap bingi pang, hu glo akaok hadar kanal kayua nyu biak atah. Urang puac Ariya lingiu di bruk lac menuac dak dalikan, daok lac menuac ba ilamu tal bhap bini. Meng nan, pachreih urang ba tangin tame gam khik ramik Ariya. Piah daong ngak ka Ariya oh lahik nao, hu urang lac njauk duah jalan pasiam veik văn bản klaak meng công nghệ bahrau, Piah ngak brei cambaih laih bruk nan, dalam bruk ndom biai nao mai harei ini, kol dahlak hu da-a ong Inrasara, lac urang cuak Ariya, urang roh duah ilamu Cam daok di ban raya HCM haong dom nghệ nhân bhap bini Hán Thị Thiết, ong Phú Vận saong amuk Đổng Thị Rõ mai meng tỉnh Ninh Thuận ndom biai ka bruk nan:

Di ban raya HCM urak ni hu labaih 10.300 urang Cam, rilo meng lac tui agama Islam. Yaom lac dok pablak haong dom bangsa adei saai karei yau: Kinh, Khmer, Hoa…min urang Cam jeng dok khik hu ilamu di drei. Urang Cam ban raya tuk halei jeng khik ramik bruk pato sap ndom, haroh cih Cam ka anek kamuan di drei. Ni jeng lac jalan piah khik ramik ilamu di urang Cam, rik dong tame bein ilamu dom bangsa di ban raya HCM. Piah thau cambaih jang ka bruk khik ramik song patagok sap ndom panuac puac Cam dalam bhap bini urang Cam di ban raya HCM , daa mik va song tong abih gauk pang kadha vak hadei ni di urang vak di rayo sap ndom Viet Nam dok di ban raya HCM:

Meng hatai sahneng salih bharau, jaik di ini, rilo dam dara urang bangsa takik khang hatai padang mbang ngui saong jak jeng meng dom janih pandap ndung bak yaom glaong meng kan di palei drei. Gam haong bruk ngak kaya meda ka rup drei, dom urang nan daok hu ba bruk ngak ka urang karei duah hu jien. Di harei akaok thun bahrau, da-a mikva saong taong abih gauk duah thau bruk padang mbang ngui ngak kaya meda di dom dam dara bangsa takik daok di dom tỉnh ban tapa kadha vak angaok Tạp chí Dân vận:

Oh lac Tết meng kan di urang Chăm, min tal tuk Tết Nguyên đán, dom palei Chăm jeng bui sambai, chreih chrai biak karei meng bruk trei sir, ginup meda saong talei jum pataom di bhap bini dom bangsa, abih di nyu nan lac dalam dom harei bui sambai uan raok Tết. Bilan xuân ba mai langik liar bingi song jeng lac tuk bo dom palei Chăm hadah hadai jang, bingu la bak sambo, sang halei jeng chreih chrai raok tết.

Tết Nguyên đán anek sak takuh 2020 mai jaik tal, meng bruk takik caik hatai sangka di bhap bini, kol co, blah, abih di nyu nan lac kol blah di jalan daok ngak ka menuac sia mboh huac tuk tabiak jalan, ngak srau kadau ka ANTT. Công an TPHCM hu ba abih menuac di drei tabiak khik iek luac harei melam di abih 24 quận huyện, khik caga siam mekre ka bhap bini bui sambai raok Tết. Kadha vak di Vinh Quang, urang vak di rayo sap ndom VN di ban raya HCM brei thau ka bruk nan:

Lac palei tapen tasik, hu cảng ikan, nan ye bhap bini di ban sit Trần Đề, huyện Trần Đề, tỉnh Sóc Trăng thau mek kaya ikan taong cap hu rilo piah ngak dom janih ikan thu dane angan. Dom harei ini, dom labik ngak, labik pablei salih ikan tasik thu di palei cảng ini daok jhul khang bruk ngak saong caga pandap piah pablei Tết thun sak takuh. Kadha vak di Thạch Hồng, urang vak di rayo sap ndom VN daok di bhum taneran kraong CL brei thau ka bruk nan:

Lac labik hu langik pandiak taneh riya thu lagu luac thun, Ninh Thuận hu rilo janih đặc sản yau nho, medar, pabo, kaya ikan... hu rilo urang takre song duah blei piah payak tuai, alin brei gauk gar dalam tuk tết mai, thun bahrau tal. Bruk jar var di dom labik sản xuất pablei salih đặc sản di tỉnh hu brei thau dalam kadha vak di Mỹ Dung, angaok harak mbao Ninh Thuận: