Bruk mesruh metak peih paha bangsa, khik caga taneh ia tapa lavik blaoh. Urang ranaih ndih tapui tabiak dalam saman sron mbon, praong tagok dalam tuk taneh ia mbeik drei yam tagok, meda thau hu abih dom yaom glaong di raidiouk sron mbon harei ini halei oh? Sa kadha hadei di bruk mesruh metak bo urang vak Kim Loan hu ndom tal dalam kadha vak “Yaom glaong ka harei hadei” angaok SGGP di tuk pahadar 46 thun Harei peih paha gah meraong negar, yasa taneh ia, lac 1 dalikan ba mai rilo drut drui, piah ka kol drei maong mboh ginup, abih, piah thau iek praong saong thau dhar phor saman dahlau:

Harei 30-4-1975 gah meraong negar hu peih paha, bruk bui sambai taom mbaok gauk bak dalam hatai di taong abih menuac sia. Harei jayah, sa-ai taom veik adei, diuk gaok veik pasang, amaik taom veik anek ... Bruk haneim phul nan hu khan brei thau cambaih tapa blah rup thaot “Amaik anek harei taom mbaok” di urang thaot Lâm Hồng Long, dahlau daih ngak phóng viên nhiếp ảnh di TTX Việt Nam. Da-a mikva saong taong abih gauk pang kadha vak di Thu Ba ka urang thaot Lâm Hồng Long saong bruk tabiak rai di blah thaot dane angan, jeng sa kadha brei mboh ka bruk bui sambai taom mbaok ini:

Meng rilo harei tapa, dom gah, dom pakat di tỉnh Cà Mau daok pataom tame pathau khan piah ka bhap bani thau cambaih laih ka bruk ngak di cử tri dalam palih ruah urang ka QH saong HĐ bhap bani dom pakat anak tal. Urang vak Trần Hiếu brei thau:

Bruk ngak iek taduan raok tuai dunya gilac veik Việt Nam rivang ma-in, oh lac tok hu makna ka ta-eng Quảng Nam, labik hu Raja-ei palih ruah piah peih ngak camereip abih dalam taneh aia, bo daok hu makna prong ka gah rivang ma-in Việt Nam, hadei di jaik 2 thun padeih raok tuai dunya piah pacang caga jit Covid-19. Urang pambuak bruk An Nam daok di bhum kreh negar hu kadha vak ndom ka bruk ini:

Urak ini, rilo sang pablei salih hu jien mek tame glaong, pataom tame di dom bal prong yau bal raya HCM, min jeng daok ngak tui jalan khoán jien je. Bruk ini lac oh samu gauk dalam pablei salih saong mbuan ba tal lahik jien mek tame kadung jien karja. Kayua yau nan ye, Mentri Jien padai daok mek panuac rik daong ka Dự thảo sarak tacei pato peih ngak Hukum khik ramik je ka 38 (hu ba tabiak ngak tui meng harei 1/7/2020) ngan haong baoh sang pablei salih prong. Dalam dự thảo, Mentri jien padai ba tabiak bruk lac dom baoh sang pablei salih prong njauk khan brei thau ka jien je oh njauk lac ngak tui jalan khoán jien je yau dahlau diah. Anak meta mboh lac, bruk ini kan peih ngak hu kayua rilo baoh sang pablei salih prong jeng daok caong khin ngak tui jalan khoán jien je, oh khan najuk jien mek tame di drei. Kadha vak di Lệ Hằng, Urang vak di rayo sap ndom VN daok di bal raya HCM hu ndom ka bruk ini:

Karei bilan thun 2021, urang nong bhum pala thanh long Chợ Gạo, tỉnh Tiền Giang hu laba glaong, rai diuk grap tanat meng thanh long pala njauk, pablei hu yaom. Kadha vak di Minh Trí angaok báo SGGP brei thau bruk jak jeng di urang pala thanh long Chợ Gạo dalam bilan karei thun ini meng pandar ilamu kỹ thuật ngak ka phun tabiak baoh tui hatai caong khin:

Di Pasak roh duah ilamo Cam tỉnh Ninh Thuận daok peih parang iek pandap panda, thaot binguk ngan haong kadha “Inem krung ilamo Cam Ninh Thuận – Quảng Nam”. Dom pandap panda, harak gar pambuak tal ilamo Cam di Miuyim tỉnh Quảng Nam saong di Pasak Roh duah ilamo Cam Ninh Thuận hu meyaih khan tal bhap bani Inem krung ilamo - nghệ thuật hadah krah di urang Cam angaok dom bhum taneh 2 tỉnh Ninh Thuận saong Quảng Nam. Kadha vak di Jasi – urang vak di Rayo sap ndom VN daok di bal raya HCM:

Bimon hu patao Chế Mân brei padang ngak meng puac abap 13, akaok abap 14, piah kakuh patao Po Klong Garai. Thun 1979 Inem mek kiến trúc nghệ thuật ini hu Mentri Ialamo saong Brei thau (urak ini lac Mentri Ilamo – Padhih saong rivang ma-in) brei angan lac inem mek pakat negar biak karei.

Labaih 1 thun gaok kan kandah kayua jit praong Covid-19, gah du lịch dunya di Việt Nam brei kreik pabah mbang abih, ba tal dom khat lahik biak praong. Yaom lac hu jalan jhul khang du lịch dalam taneh ia piah pabak veik min biak di nyu gah du lịch jeng ka oh siam veik hu. Kayua yau nan ye, tuk bruk klauk vắc-xin hu peih tabiak ye hatai sahneng ka “Passport vắc-xin” hu caong lac jalan peih ka du lịch Việt Nam. Min ngak yau habar piah ka “Passport vắc-xin” hu ba tame pandar ye daok rilo bruk njauk kuria caga. Urang vak Minh Thắm, lac urang vak di rayo sap ndom VN daok di ban raya HCM brei thau dom hatai sahneng di dom doanh nghiệp, dom urang khik ramik ka bruk ini:

Yaom lac dom jabat karja di Bình Dương kham peih ngak rilo jalan piah khik salamat ka urang ngak bruk min dom thun tapa, tỉnh ini lac sa dalam dom tỉnh hu dom bala tuk ngak bruk, ruak kayua bruk ngak glaong. Halei lac makna ba tal bala saong Bình Dương ngak hagait piah pasang iek bala, khik hu salamat tuk ngak bruk? Bruk nan hu ndem tal dalam kadha vak di Thiên Lý, urang vak di Rayo sap ndem Viet Nam daok di Ban raya HCM: