Urak ni, ban raya HCM dok duik rai salamat song jit ruak COVID-19. Yaom lac dom pandik harao meng jit ruak COVID-19 jeng dok nan, min yaok rahra, abih di nyu lac dom uranaih metui kayua COVID-19 dok bac jalan diuk lagaih tui yaok harei song bruk di anak meta. Kadha vak di Vũ Hường, Trịnh Giang, urang vak di rayo sap ndom VN dok di ban raya .HCM brei thau cambaih jang ka rai duik urak ni di dom adei sit ni:

Mikva urang pang rayo anit ranam! Anak bruk tok diuk tok pasang tuk umo thun oh ka ginup tui hukum saong bruk khin gauk dalam but pajaih di tỉnh tagok rilo, meng thun 2017, huyện ủy Bác Ái, tỉnh Ninh Thuận brei tabiak Chỉ thị 12 ka patagok dom jalan ngak piah pacang caga, patrun patakik bruk khin likei khin kumei tuk daok sit dalam bhum bhap bini Raglai. Tal harei ini, Bác Ái oh daok bruk khin gauk dalam but pajaih. Bruk khin likei khin kumei yaok thun jeng trun. Ini lac jalan peih tabiak siam ka Ninh Thuận kham merat tal thun 2025 meda lac pacang cakak, jhul kadun likuk hu bruk khin likei khin kumei tuk umo thun daok sit dalam bhum bhap bini bangsa takik. Kadha vak di urang pambuak bruk Minh Triều:

Yaom lac oh ka tal harei tabiak mbaok, min Farmstay “Ao Nhà” di sa-ai Tô Kim Thi daok di huyện Tân Hồng jaik di ini hu rilo tuai thau tal lac sa labik ravang me-in bahrau, chreih chrai di bhum tapen negar dalam tỉnh Đồng Tháp. Anak bruk caong khin di tuai damuai, yaom lac daok dalam tuk padang ngak ka oh salah abih, po Farmstay hu caik tabiak 2 harei puac adit piah taduan raok dom sang ayut sahabat kakei dahlau mai ini ravang me-in, padeih padei.

Meng di tuk jit Covid-19 tamuh tabiak , An Giang hu peih labaih 200 bilai khik iek rah tui jalan negar atah jiak 100 km, piah ngak 2 bruk haong gauk lac: gam khik caga quyền ngak po, an ninh tapen negar gam pacang caga jit Covid-19. Meng hu yau nan, bruk pablei salih, pajeng ba pandap panda suan hukum tapa jalan negar hu trun. Min, labaih sa bilan mai ini, bruk pablei salih suan hukum daok tagok veik, di jalan tapen negar song dalam tỉnh. Urang vak Phan Ánh hu kadha vak brei thau ka bruk ni

Hadei di tuk pasang iek hu jit ruak, ban raya HCM hu peih rilo bruk tacei bruk ngak, dong labik dok ,pato pakai ilamu… piah urang ngak mai ngak bruk veik dalam tuk vak puac thun. Yaom lac kham merat dalam bruk pambuak pagam urang ngak haong labik ngak, min urak ni, dom menuac nao ngak veik jeng oh ka pabak hu ka drak pasa. Kadha vak di Trịnh Giang, urang vak di rayo sap ndom VN dok di ban raya .HCM:

Tukvak tapa, Mặt trận negar dom pakat tỉnh Đắk Lắk hu ba tabiak rilo bruk ngak piah jak ba dom bhap bini ba tangin tame pacang caga jit. Tapa nan, rik dong song pakat ủy, karja song tong abih bhap bini jhul kadun likuh jit ruak, khik caga pren yava bhap bini. H Xíu, urang vak di rayo sap ndom VN dok di bhum Tây Nguyên hu kadha vak ndom ka bruk ni

Đồn Biên phòng Lai Hòa, Bộ đội Biên phòng Sóc Trăng lac sa dalam dom đồn hu angan dalam bruk peih ngak sarak an sinh xã hội ka bhap bini, abih di nyu nan lac ngan saong bhap bini bangsa takik di tỉnh. Daok bruk Balai y tế quân – dân y pambuak gauk oh lac ngak siam bruk iek glang prein yawa ka urang jakar, urang lin đồn biên phòng, bo daok ngak siam bruk taong ruak ka bhap bini dalam tỉnh. Thạch Hồng, urang vak di Rayo sap ndem VN daok di Bhum taneran kraong Cuu Long brei thau ka bruk ini:

Hadei di 10 thun kham merat peih ngak Danak dak pakat negar padang ngak palei pala birau, tal urak ini huyện Ninh Hải, tỉnh Ninh Thuận hu ngak salah blaoh dom tanut huyen palei pala birau. Meng hu yau nan, mbaok meta palei pala hu rilo salih bahrau, jalan mbak palei pala hu siam tagok saong dak harei dak praong siam, raidiuk di bhap bini dak harei dak hu patagok. Kadha vak di Hồng Nguyệt angaok báo Ninh Thuận brei thau dom bruk ngak hu siam abih di Danak dak padang ngak palei pala birau di Ninh Hải:

Musa Phương saong Thu Thảo likau salam mikva saong taong abih gauk daok tui pang danak dak papar sap Cam harei ini harei adit - 28/11/2021 ngan haong kadha: “Vương Rock – sap daoh ranaih di bhum taneh Panduranga”.

Hadei di tukvak peih bruk padang ngak palei pala birau, ban sit Long Mỹ, tỉnh Hậu Giang mek hu rilo jak jeng praong, rik daong paglong mbang ngui, daok dang ka bhap bini. Abih di nyu nan lac, jalan sahaneng di bhap bini hu patagok cambaic laic, kham ngak mbang patagok kinh te, paglong raidiuk saong hu mbaok tame danak dak padang ngak palei pala birau di bhum palei. Kadha vak di Hoàng Nhân angaok mbao Hậu Giang: