Urang lambaok Ban raya HCM saong dom tỉnh: Bình Dương, Đồng Nai, Long An caong khin taduan raok urang ngak di dom tỉnh, ban karei gilac veik ngak bruk

Hadei di sa adit ngak iek peih veik bruk pablei salih, brei ba-ar nao darak ka bhap bini daok di Quận 7, TP.HCM daok brei adat ka bhap bini pasram rup pabhap, me-in thể thao. Dua labik karei tra hu brei ngak iek nan lac huyện Củ Chi, huyện Cần Giờ jeng hu peih ngak veik rilo bruk ngak mbang, pablei salih pandap pandar yaok harei, piah ba raidiuk tapa siam mekre bahrau. Kadha vak di kapul urang vak di rayo sap ndom Viet Nam daok di Ban raya HCM brei thau ka bruk nan:

Tui yaok pataom di Mintri Y tế, kuhria meng mbang jit camereip mbiah tal ini, Việt Nam hu labaih 15.000 uranaih njauk COVID-19. Dalam mbang jit ka 4, uranaih jeng njauk ruak rilo, dalam nan hu gam anek kamar bahrau ndih tapui hu dom bilan jeng lac F0, rilo meng lac di pasak jit ban raya HCM. Hu dom uranaih ruak COVID-19 lac uranaih lamek labaih kilo, uranaih takik hu prein pacang caga ruak mbuan ba tal metai lahik. Piah samar mai veik haong raidiuk siam mekre bahrau, uranaih meda sahanang hatai nao tal sang bac, rilo menuac duh hatai ba tabiak panuac tangi sua lac, tal tuk halei hu vaccine caga COVID-19 klauk brei ka uranaih? Kadha vak di urang vak Kim Thanh:

Yau rilo tỉnh ban karei, bruk ngak kong dalam tỉnh Bình Thuận gaok oh takik kan kandah kayua jit ruak COVID-19. Dalam tuk yau nan, rilo doanh nghiệp ngak kong dalam tỉnh kham merat yam tapa kan kandah piah khik bruk ngak. Daa mikva saong taong abih gauk pang kadha vak angaok Báo Bình Thuận hu angan: “Bình Thuận kham merat grap tanat bruk pabak brei – ngak tabiak – pablei pandap panda kaya kong”:

Mikva Cam di palei Cam, ban sit Lạc Tánh, huyện Tánh Linh, tỉnh Bình Thuận meng kan mai jeng daok khik ramik saong pato veik bruk menyim jih dalah meng kan. Min sa bruk ngak meng kan tra takik thei thau tal bo mikva di labik ini daok khik ramik nan lac bruk pak jan. Kadha vak di Ngọc Khánh angaok báo Điện tử Bình Thuận brei thau bruk khik ramik bruk pak jan di urang Cam daok di huyện Tánh Linh:

Bình Thuận lac labik hu rilo urang Cam daok, rilo di abih nan lac di huyện Bắc Bình. Kayua rilo makna bo bruk ngak meng kan di urang Cam dak harei dak takik nao, lahik nao tui thun bilan. Daok bruk ngak lan meng kan di urang Cam palei Bình Đức, xã Phan Hiệp, huyện Bắc Bình hu sajarah dak padang, cak rok patagok saong hu mbaok meng lavik mai jeng daok hu khik ramik tal harei ini. Kadha vak di Đình Hoà angaok báo Điện tử Bình Thuận hu daong ka mikva saong taong abih gauk thau cambaih jang ka bruk khik ramik saong cak rok patagok bruk ngak lan meng kan di urang Cam:

Danak dak "ATM bruk ngak” kayua Kapul Doanh nhân ranaih umo tỉnh Ninh Thuận peih tabiak piah daong ka urang ngak gaok kan kandah kayua COVID-19 duah hu bruk ngak lagaih; gam haong nan, daong ka dom doanh nghiệp pilih ruah hu urang ngak thau bruk, hu ilamu piah khik ramik saong patagok bruk ngak mbang, pablei salih. Da-a mikva saong taong abih gauk pang kadha vak di Nguyễn Thành angaok báo điện tử di Thông tấn xã VN piah thau cambaih jang ka kein lagaih di Danak dak "ATM bruk ngak”:

Dom harei tapa jaik abih dom puk palei dalam tỉnh An Giang peih ngak sarak 15 di Thủ tướng Raja-ei; hu takik xã, phường, ban sit brei pa-atah di gauk tui Sarak 16. Yau nan min, hadei di labiah sa adit pa-atah di gauk tui sarak 15, dom urang njauk Covid-19 di dom labik bhum hijao tagok biak rilo. Tỉnh An Giang urak ini daok peih ngak dom jalan pacang caga jit piah samar ba rai diuk di bhap bini hu siam mekre veik yau dahlau. Kadha vak di Phan Ánh, urang vak di rayo sap ndom VN daok di bhum taneran kraong Cửu Long brei thau ka bruk nan:

Pathau mikva saong taong abih gauk! Njauk salih karei jalan dut iek saong duah pataom F0 yau urak ini piah oh ngak lahik rilo pren yava ka urang jakar y tế. Patagok ilamu meng kan hadah krah dalam bruk ngak, piah peih pabah mbang veik bruk ngak mbang kinh tế. Nan lac panuac di dom chuyên gia brei ka dom urang pan akaok ban raya HCM piah peih ngak tui jalan atah dhua lac gam pacang caga jit ruak, gam cak rok patagok kinh tế. Kadha vak di Hà Khánh, urang vak di rayo sap ndom VN daok di ban raya HCM:

Dom harei puac bilan 6, xã Ea Trol, huyện Sông Hinh, tỉnh Phú Yên lac labik pandiak njaom mbak jit ruak ngan haong yaok pluh urang njauk Covid-19. Hadei di 2 bilan, rilo urang ruak lac bhap bani urang bangsa takik hu taong abih ruak. Mai veik palei blaoh salah tukvak brei daok karei, dom urang nan hu pathau khan ka bhap bani drei thau jalan pacang caga jit. Urak ini, bhap bani bangsa takik xã Ea Trol thau klaak dom bruk bhian randap piah padang rai diuk siam mekre bahrau. Kadha vak di Thanh Thắng daok di bhum kreh negar hu khan brei thau ka bruk nan: