Huyện Long Thành, tỉnh Đồng Nai hu ba tabiak jalan ngak saong kham merat peih ngak dom bruk piah paglaong siam mekre danak dak palei pala bahrau (NTM). Yau ye: Pataom kadung jien kanja saong jak ba dom thành phần kinh tế, dom rairah bhap bini buh jien tame ngak pasiam jalan mbak palei pala, paglaong hatai saneng khik ramik hacih saat alam, pacang caga dom kanjah jhak dalam raidiuk

Brak pablei tabiak negar langiu di Việt Nam oh padieh tagok tapa yaok thun saong mek hu tanut meng 6-7 triệu tấn yaok thun, meda dang akaok di dunya ka sản lượng pablei tabiak negar langiu. Min yaom mek tame meng bruk pablei brak tabiak negar langiu ba mai ka gah kinh tế oh ka samu haong bruk di nyu saong prien urang pala padai. Makna brei thau lac mai meng bruk ngak oh samu gauk saong ka oh padang ngak angan je ka asar brak Việt Nam mangaok darak pasa di dunya.

Hatai sahneng di rahra tuk halei jeng lac bruk njauk ba tagok dang akaok dalam pacang caga khuah patuh. Kayua yau nan ye, lingiu bruk di urang jakar, bruk di karja, ye bruk yaok urang kol drei brei paglaong hatai sahneng haong bruk ngak piah pacang khuah padam khuah tuk halei jeng lac bruk njauk ngak. Nan lac asal kadha vak hadei ini di Như Ngọc, urang vak di VOVGT:

Urak ini, yaom lac daok dalam bilan hajan, dom mbang khuah takik jang duk saong dom bilan pandiak min langik jeng daok hu dom mbang pandiak lavik harei pablak tame, dalam tỉnh Đồng Nai jeng daok hu rilo mbang pui khuah dalam dom labik daok di bhap bini, kayua chập điện... Nan ye, Phòng Cảnh sát pacang khuah padam khuah (PCCC) saong duah, daong urang gaok bala Công an tỉnh hu panuac kakei bhap bini, dom labik ngak bruk, dom doanh nghiệp njauk paglaong hatai sangka haong khuah patuh. Kadha vak di Minh Thành brei thau bruk kham merat di Đồng Nai piah dui trun dom mbang khuah patuh saong jalan ngak piah caga bruk khuah patuh jeng daok di tanut glaong dalam tỉnh:

Hadei di tuk Mintri Pato Megru tabiak Sarak 32 ka adat sang bac THCS, THPT, dalam nan hu bruk lac "Anek saih hu pandar phone tangin dalam mon bac, min tok pabak ka bruk bac da-a, saong brei hu bruk njauk hatai brei pandar di gru pato…”, daok hu biak rilo panuac biai karei di gauk ka bruk ini. Rilo urang khik ramik, urang ilamu gah pato megru mboh lac, njauk tal tuk brei anek saih pandar phone tangin dalam mon bac piah duh ka bruk bac da-a min brei hu bruk pasang iek di gru pato. Min ngak habar piah ka bruk nan rah tabiak njauk yau nan? Kadha vak di Minh Hạnh, urang vak di rayo sap ndom VN daok di TPHCM hu ndom tal bruk ini:

Dalam dua thun tapa, di tỉnh Dak Lak hu tal 2.000 danak dak điện ia harei ngaok tabung sang, hu prein khang abih tih labaih 120.000kWp hu pambuak tame. Điện ia harei tamuh tabiak ba tal điện di rilo bhum palei di tỉnh Dak Lak bak abih. Kadha vak di Minh Huệ, urang vak di Rayo sap ndem VN daok di bhum Tây Nguyên hu ndem ka bruk cak rok patagok năng lượng hacih di tỉnh ini:

Danak daong urang Taha umo kan kandah, kurang dalam raidiuk tapa bruk pambak praong Kalup kapol pambuak dom rai daong gauk di Việt Nam kayua Jabat pambuak bruk Dunya Hàn Quốc daong tapa Kapol Daong Urang taha umo Hàn Quốc. Danak dak hu peih ngak di dom tỉnh, ban yau ye: Ninh Bình, Thái Bình, Hải Phòng, Hưng Yên, Bắc Ninh…Dalam klau thun peih ngak, lac meng thun 2018 - 2020, danak dak ba tabiak bruk padang takik di nyu lac 204 Kalup kapol siam, dalam nan hu 54 Kalup kapol hu padang tabiak meng prein khang di palei; tapa nan paglaong prein ngak bruk di Kapol urang taha umo dom pakat saong karja di palei ka bruk daong, khik iek saong peih praong kalup kapol. Kadha vak di Minh Châu angaok harak mbao Nhân Dân điện tử yaih khan ka Kalup kapol pambuak dom rai Daong gauk di palei Lập Aí, xã Song Giang, huyện Gia Bình, tỉnh Bắc Ninh.

Dalam tuk cak rok patagok đô thị, chung cư tamuh tabiak dak harei dak rilo, pabak hu caong khin ka sang daok di bhap bini dalam dom ban praong yau ye Hà Nội atau ban raya HCM. Yau nan min, rilo bruk tavak tavaiy gah ngak po, pandar sang chung cư jeng daok hu, ka oh lang yah hu abih. Sa dalam dom bruk nan lac suai ngak harak brei pandar taneh, quyền ngak po sang danaoh saong drap ar pagam saong taneh (daok ieu lac sổ hồng), ba tal dom suh sah di bhap bini tuk daok di chung cư.

Dalam cung cầu pandap panda hu sa bruk oh njauk nan lac, urang nong, doanh nghiệp ngak tabiak pandap pablei yaom bier, kan pablei tabiak, dalam tuk urang blei pandar haong yaom biak glaong. Piah jhul khang bruk pambuak cung cầu, lagaih ka gah sản xuất saong urang blei, Sở Công thương TPHCM hu peih ngak danak dak pambuak bruk pablei salih vaktu 2016 -2020 haong dom tỉnh, ban Đông- Tây Nam bộ. Danak dak ni hu rik daong jhul khang bruk blei kaya nong ka urang nong, doanh nghiệp, padang labik pabak pandap tani tanat ka darak pasa dalam ban saong jhul khang bruk pablei tabiak negar langiu.

Uan Tết Trung thu thun 2020, dom harei tapa, karja saong bhap bini daong gauk peih ngak rilo bruk piah sangka uranaih dalam nan hu uranaih bangsa Cam, brei ka dom adei hu labik main bui sambai saong siam mekre. Aí Nghiêm, urang vak di Rayo sap ndem Việt Nam dhar ngak bruk di Ban raya Hồ Chí Minh brei thau ka dom bruk ngak piah iek daong dom adei bangsa Cam sang kan kandah di Ban raya HCM saong Đồng Nai dalam bilan Trung thu ini, da-a mikva saong grauk ayut tui pang: