Huyện bhum ceik Bác Aí, tỉnh Ninh Thuận hu padang veik di bilan 1 thun 2001, neh tabiak memg huyện Ninh Sơn. Lac sa huyện hu labaih 90% bhap bini bangsa Raglai, thei hu mai tal bhum taneh ini jeng mboh raidiuk pak ini ngak ka urang mboh meyaom saong dak harei dak pambauk khang kajap. Dom bruk salih birau dalam raidiuk di bhap bini Bác Aí hu khan cambaic laic dalam kadha vak di Trần Hữu Đức, angaok harak mbao điện tử Ninh Thuận:

Urak ini, pandap meng palei ngak meng kan njauk salih khang kayua kinh tế darak pasar saong gaok rilo kan kandah dalam bruk pablei pandap, ba tal mbuan lahik nao. Kayua yau nan ye, Bình Dương daok kham merat ngak brei pamedeih palei ngak hadei di sa tukvak atah ndih var meng dom bruk ngak yau ye:padang palei ngak pataom sa labik, patagok du lịch pambuak haong palei ngak meng kan… gam khik ramik gam patagok yaom glaong ilamu.

Bruk khik ramik plei ngak dalam tuk hu rilo salih bahrau, abih di nyu lac dalam tuk kinh tế kan kandah yau urak ini, lac sa cuang kandah praong. Min jeng hu oh takik palei ngak daok “diuk veik” meng kham merat di dom urang daok ranaih umo. Nan lac dom urang thau sahneng, thau ngak, ndung bak dalam rup hatai caong pamedeih veik palei ngak, khik ramik ilamu dom puk palei. Kadha vak hadei ini di Ánh Nguyên angaok Báo An Giang brei thau ka dom urang Cam daok ranaih umo kham merat khik ramik bruk ngak, saong tapa nan hu daong ka urang mboh saong thau iek praong, thau khik ramik ilamu meng kan di bangsa drei

Daok atah di baoh taneh, raidiuk lingiu pulao daok gaok rilo kan kandah, abih di nyu lac bruk biến đổi khí hậu nyu ngak kan kandah oh sit tal dom bhum tasik, pulao yau urak ini, min dom urang lin tasik saong bhap bini di Trường Sa tuk halei jeng thau yam tapa cuang kandah piah pasram, megru saong ngak kaya meda ka raidiuk labik pulao atah. Da-a mikva saong taong abih gauk pang kadha vak di Thu Lan saong Nguyễn Ninh – mBan Thời sự- Rayo sap ndom VN piah thau jang ka bruk gheih mekre di dom baoh pulao labik akaok riyak, jhung ngin ini kayua dom rai urang jakar, urang đoàn, dam dara angaok pulao buh prein dak padang

Cục Bruk ngak (Mintri Lao động Thương binh Xã hội) kuhria mboh dahlau lac, dom menuac ngak lahik bruk ngak meda tagok, meng 60.000 tal 70.000 urang yaok bilan, rilo meng lac menuac ngak gah du lịch, labik brei pah labik ndih daok saong mbang menyum, gah padang ngak, pajeng ba, ngak pandap... Dom doanh nghiệp gaok kan kandah nan meda hu tal 70%, dalam tuk dom urang ngak njauk padeih bruk, takik bruk meda hu meng 3 triệu meteh tal 5 triệu urang.

Khik hu ginup tapuk bac da-a saong paglaong ilamu pato pakai di kapul gru pato nan lac 2 dua bruk prong dalam tukvak kuhria caga ka thun bac bahrau di gah pato megru bal raya Hồ Chí Minh.

Daok labaih sa adit tra, anek saih yam tama thun bac bahrau 2020-2021. Dalam tuk anek saih dak harei dak rilo, piah khik hu ginup labik ka anek saih, gah pato megru bal raya Hồ Chí Minh hu kuhria caga labik, padang ngak sang bac bahrau piah taduan raok anek saih dalam harei tame thun bac bahrau.

Blei pandar tui jalan online urak ini daok lac bruk bhian randap di dunya, dalam nan hu Việt Nam drei. Abih di nyu lac tuk jit ruak tamuh tabiak, urang blei pandar salih meng bruk blei pandap yau meng kan tapa blei online rilo jang. Ini lac panuac di dom urang dalam nyaom bai hu angan ieu lac: “Jalan blei pandar di Việt Nam: anak tal lac bayar jien saong blei pandap online", kayua Viện Roh duah Thương hiệu angan pablei salih saong meriak gauk peih tabiak

Tỉnh Bình Thuận urak ini hu 4 sang mac nhiệt điện hu prein khang abih tih jaik 4.300MW daok ngak bruk. Tal harei ini, bhau dang di sang mac ini tagok tal yaok triệu tấn. Yau nan min, po dom sang mac jeng oh ka hu jalan ngak siam laghaih dalam bruk pandar veik, xử lý bo rilo meng ba nao lam klaak di dom mblang prong daok ngak ka bhap bani mboh duh hatai.

Ban raya HCM urak ini hu labaih sa pluh ribau urang Cam daok di 24 quận, huyện dalam ban. Dom thun tapa, meng hu sarak daong taong abih gah di Đảng saong Karja gam saong bruk kham merat yam tagok di mikva, raidiuk urang Cam daok di ban raya dak harei dak hu tani tanat. Pahadar 75 thun Harei Negar CHXHCN Việt Nam (2/9/1945-2/9/2020), Aí Nghiêm - urang vak di Rayo sap ndem Viet Nam hu kadha vak ndem tal bruk salih birau dalam raidiuk bhap bini urang Cam daok di Ban raya HCM.